Lucas 4:29 - La'aqtaqa Ñim Lo'onatac 'Enauacna 2013

²⁹ Ime, nache qanqateeguesop yi'iye So Jesús, nache qaỹaviguisheguema som loga't asom qaỹoqotcheguemec 'alhua maye netalec so nỹecpi, cha'aye qaỹauotaique da qaỹamaxauec Somaye da huaña yemaye.

Nuevo Testamento Toba Sur

²⁹ Ime, qaq nachajñi somayipi, nachi qai'odaueegue da laÿi yi pueblo so Jesús, qaimaqtauga som loga't asom saqaÿoqotchiguemec 'alhua mayi netalec na noÿicpi, da qaÿauotaique da huaña qaq qaÿamaxauec somayi.

Nuevo Testamento Toba Sombrero Negro

²⁹ Ñidijeguem qama'le qoyen ca'e ga'me noic ñe'me Jesús, qo'yotegue ga'me qayaje'mec nepe jo'ne naqaega nalegue ga'me noic, qaedi qoyachiyoĝotalegue ta'le qoyamaĝaye.

Lucas 4:29 Referans Kwoze

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Hebreos 13:12

Qaq nache 'eetec nataqa'en So Jesús co'ollaq qaỹalauat qalaq huaña ye pa'auec ye nỹecpi ye Jerusalén, da yaqto' chegoqchiguilo naua ltago'q da Ñim Lo'onatac 'Enauacna ỹapalaxat na lasouaxashetpi na shiỹaxauapi maye lalamaxatpi.

Juan 8:40

Qalaxaye qami', na'aictaxa da huo'otaq qami' sa'axattapeguema nam 'eesa lataxacpi maye Aỹem ỹapaxaguenec Ñim Ita'a maye Lo'onatac 'Enauacna, qalaq ñaqaiyeta qansheetaique da Aỹem qaualauache. ¡Qamaq so Abraham ỹataqta sa ỹauano' da huo'o ca ỹo'ot da 'eeta'am de'era!

Juan 8:37

Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.

Salmos 37:14

Na qauemaicpi qalaq nqatsheguem na lainec, qataq ichegaxattelec na lchecnec da yaqto' huañi naqa'en na choxoraqpi qataq na huo'o da lhuenaxanaxa, qataq ỹalauat na ỹataqta no'on da lataxac.

Números 15:35

Nache Ñim Nataxala' 'enapega so Moisés, 'eeta': «Ñi'iñi ỹale iuen da qaỹalauat, qaq 'enauac qome na Israel le'ecpi irolec ca coma'pi da ỹasaq, huaña ye pa'auec ye qanayeuta'a.»

2 Crónicas 25:12

Qaq so Judá le'ecpi ỹaconeua'a nataqa'en so diez mil, nache nca'alaxattauec da ỹaviguisheguema aso qaỹoqotcheguemec qasoxonaxa, ime nache ỹamaxauec nache 'enauac somayepi ỹataqta dolachigui.

Lucas 4:28

Nache co'ollaq qaỹa'aqchigui de'era ỹa'axattac, nache 'enauac nam huetaigui asom paxaguenaxaqui ỹataqta dalemata.