Lucas 4:22 - La'aqtaqa Ñim Lo'onatac 'Enauacna 2013

²² Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Nuevo Testamento Toba Sur

²² Nachi 'enauac qaÿi'oxodeetac so Jesús qataq ÿataqta qai'aalatapeguec souaxat naua l'aqtaqa ÿataqta 'onaxaiqa. Nachi nnattega't somayipi, 'eeta': –De'eda, ¿peta'a sa nachido' da llalec so José?

Nuevo Testamento Toba Sombrero Negro

²² Qama'le ena'uaque yiyamaĝade'n ñe'me Jesús nataq'aen qoyoqoche'ema queda'me yataqachiñe onaĝayaqa daa'me 'laqataqa. Enapega't jogaa'me: —Qalaĝaja, ¡dojo' mach'e José c'oĝot!

Lucas 4:22 Referans Kwoze

Juan 6:42

Nache somayepi 'eeta': –¿Damaye saisheto' peta'a da nachera da Jesús, dam llalec so José? Qomi' sauattonaq so lta'a qataq aso late'e. Qalaq ¿ta'ainco' da 'eetega chegoqo'ot na piguem?

Salmos 45:2

Da 'aryacỹaxac ỹataqta napacalec na laỹe ỹalleppi, qaq na 'ap qalaq chegaqaiguilo naua no'oñi na'aqtaqa, ỹoqo'oye Ñim Lo'onatac 'Enauacna nache 'eetai' da 'am huetalec naqa'en da lchoxonnataxanaxa.

Proverbios 16:21

Ca ỹaanaxanaxaiqa naua lhuennataxaco qalaq camaye qaỹamata'ac da ỹaanataxanaxaic, qaq naua na'aqtaqa soxoraiqa, qalaq nquigaxatec na qaỹaỹaten.

Tito 2:8

Qataq naua 'arapaxaguenataxanaxaco ỹataqta no'oite' 'anqa'en, yaqto' saishet da huo'o ca 'am quetapeguelec. Da 'auo'ot de'era sheetega, nache na'aloxon 'anqa'en nam qomi' ipa'agueeta'ape, nache saishet da huo'o ca qauem la'aqtac da qomi' ỹasaxaleguete.

Hechos 6:10

Qalaxaye saishet da nalo'ogueta da dataỹa'aguet somaye, cha'aye da detaqa, qalaq naua laỹaanataxanaxaco chegoqo'oto So Saqcha'a Na'añaxac Qui'itta.

Juan 7:46

Nache soua huataxanaq lashe' 'ena'apo': –¡Ỹataqta sa ỹauano' da huo'o ca 'eeta'am da ltaxaỹaxac de'era ỹale!

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Cantares 5:16

Ỹataqta huo'o da lamaic na alap, qataq imauec somaye huo'o da lyacỹaxac. Nache 'eetec da lataxac so ỹauotaxat, 'era da 'eetec so ỹoqopitaxat, qami' 'alpi maye qarma'ai na Jerusalén.

Proverbios 25:11

Naua na'aqtaqa ỹaỹamaqchiguiñi maye qanasaxarec da huaqchigui da qaiue'n, naamaye 'eeta'ama aca no'onata manzana, maye chegaqaigui na oro qataq qalapaxalec na plata.

Proverbios 10:32

Ca no'on da lataxac qalaq no'oñi naua la'aqtaqa, qaq ca qauemaic qalaq qauema naua la'aqtaqa.

Salmos 45:4

Cha'aye de'era 'ayo'oxoyec nache chegoqchigui da queta da 'am 'añaxaic, souaxat da 'auetteguelec da 'eesa lataxac, qataq da huesota nataxac qataq da nalochiguiñi lataxac. Qaq na 'oiguishec 'arhuaq, qalaq ỹo'ot qome na lta'araic da llo'oxoyec.

Lucas 2:47

Nache 'enauac nam na'axaỹaxaatega So Jesús ỹataqta huo'o da la'aalaxa souaxat na laỹaanec, qataq da ỹasateguet da lnataxanaxac somayepi.

Eclesiastés 10:12

Naua la'aqtaqa ca ỹaanaxanaxaic ỹataqta nlaqchiguilo da 'achecỹaxac, qaq cam qaica ca ỹaỹaanapec qalaq maiche que'emaxama naua la'aqtaqa.

Lucas 2:48

Nache soua lta'al ỹataqta huo'o da le'elqa' co'ollaxa iloraua'a Somaye, nache aso late'e 'enapego' Somaye, 'eeta': –'Am ỹalcolec, ¿ta'ainco' ye qomi' 'auo'oteque de'era? Da 'arta'a qataq aỹem ỹataqta lta'araic da qarhuogoxo da 'am ñimitaqtaique.

Lucas 4:21

Nache So Jesús detaqa, 'eeta': «Nagui mashe ivita ye laloqo' da ipacchigui se'eso setaxaỹaxaatac maye qana'axaỹaxañeetega.»

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.