Lucas 4:18 - La'aqtaqa Ñim Lo'onatac 'Enauacna 2013

¹⁸ «So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Nuevo Testamento Toba Sur

¹⁸ So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Nuevo Testamento Toba Sombrero Negro

¹⁸ “Joñe'me Lepaqal ñe'me Jaliaĝanec jayem ue'tajop, qa'a jayem yiyota'a qaedi ja'aĝatema da'me onaĝaic 'naqataĝanaĝac jogaa'me choĝodayaqolqa. Jayem namaĝaquena qaedi ja'aĝatetac da'me male qoyejodegue jogaa'me necoñetae's nataq'aen qaedi male jen yauana'ape jogaa'me qana'mi; nataq'aen qaedi male jen uojotedañi gaa'me jo'ne qoya'uo ga'me lachoĝode'j da'me qonejaliaĝatelo'te;

Lucas 4:18 Referans Kwoze

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Lucas 7:22

Ime, nache 'enapegalo' se'esoua dos ỹale't, 'eeta': –Qauesomiỹa qome, qaua'aqtaxañim ca Juan 'enauac nam qauauañiichigui qataq qaua'aqaichigui. Nagui nam qanamaicpi ishet da nauaañi Qataq nam qaica ca lche lỹa qalaq ỹaỹamaxañi da lqueuoxoc. Qataq nam nchega na lo'oc qalaq no'oita qataq nam da'añaigui na lqaic qaltaq ishet da hua'aqa. Qataq nam mashe saqcapi qalaq ỹe'eguelaxalec da nca'alec, qataq nam choxoraqpi qaỹa'aqtaxanem da no'on na'axaỹaxac maye chegaqaigui da nca'alaxa.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Isaías 42:7

Sauotaique da nauaañi 'anqa'en na qanamaicpi, qataq 'ausoueeguesop ana ncoñetaxanaxaquipi na ncoñeteguishecpi, qataq na ncoñeteguishecpi maye huetaigui na napalaxa.

Juan 12:46

Aỹem maye Aỹem lcoỹaraqte ana 'alhua. Ñanaỹa anamaye, da yaqto' ca Aỹem ỹa'amaqten, nache camaye saishet da huetaigui na napalaxa.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Mateo 4:16

Na'aictaxa da nam shiỹaxauapi maye 'am huetalec da huetaigui na napalaxa, qalaq namayepi ila'a aca late'erai ncoỹaraxanaxaqui. Ncoỹaraxanaxaqui maye icoỹarelec nam mashe huetaigui qataq huotaique da loxonec da nleuaxa.»

Isaías 32:3

Qaq camayepi ỹataqta nlotec qome, qataq ỹataqta lhuotta da na'axaỹaxana ca ntaxaỹaxac.

Salmos 147:3

Ñimaye nataren na dolata da lquiyaqteỹaxac, qataq ỹauo'o na laxataxat da ỹapolec na lque'emaxapi.

Isaías 35:5

Qaq huaña nache nam qanamaicpi qaltaq nauaachiguiñi qome, qataq nam sa hua'aqapi qaltaq hua'aqa qome,

Mateo 5:3

Ñim Lo'onatac 'Enauacna ỹaalec da nqouagaxa nam ỹataqta imato'ot da lpi'iỹaxac Ñimaye, cha'aye namayepi huetaigui da lo'onataxanaxac Ñimaye da ilo'ogue 'enauacna.

Lucas 6:20

Nache So Jesús ỹamataigui so lapaxaguenatacpi, nache 'enapeco': «Ñim Lo'onatac 'Enauacna qami' ỹaaleguete da lqouagaxanaqtaic qami' maye qami' choxora'q, cha'aye da lo'onataxanaxac Ñim Lo'onatac 'Enauacna qaralamaxache.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Isaías 59:21

Ñim Nataxala', 'eeta': «Aỹem so'ot da ñaỹamaxataxac da qami' ñaỹamaxatto, da ỹa'añaxac qataq nam ỹapaxaguenataxanaxacpi maye qami' sanema, qami' sachaxanapeguema da saishet qome da qami' ca'aisalo, qataq cam qami' chegoxogueta, nache damaye qome qaica ca loga't.»

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Salmos 102:20

da yaqto' hua'axaỹa da nnoinaxac na noxonecpi. Qataq da isouec na taỹa'a da nalaataguec,

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Isaías 49:9

qataq da yaqto' qonapega na ncoñeteguishecpi: ‹Qapa'aiuec›, qataq na huetaigui na napalaxa: ‹Qanachaxañi qome› qaq 'enauaque naua loiguiye na nqa'aicpi qalaq qauanachiỹa qome na 'auaqpi qataq camachaqaca anam qasoxonaxapi maye toolec, qalaq huo'o qome na aloq na qareloipi.

Isaías 45:13

Aỹem so'ot da yo'oq so Ciro da yaqto' dauegaxan, qataq so'ot qome da saqalaq 'enauac nam llecpi, Qaq somaye nacheso qome so qaltaq no'oxoosheguem yem ỹalamaxat huaqta'a't nỹecpi, qataq huesoueeguesop naqa'en da ñecoñetaguec na ncoñeteguishecpi maye ỹalamaxatpi, qalaq saishet qome da iỹaxanaique aca lasheue huo'otaq da qaỹauo'o ca nme. Qaq 'era da la'aqtac Ñim Nataxala' maye Qaica ca Ỹaqalanapec.

Salmos 34:18

Ñim Nataxala' saqaỹapeque naqa'en ca qaica ca la'añaxac da lquiyaqteỹaxac, qataq nca'alaxatec ca mashe qaica ca naquitaxac.

Salmos 2:6

«Mashe sogote da sauo'o ñi nta'a da ilo'ogue añi Sión, añim qui'itta ñeqasoxonaxa.»

Sofonías 3:12

Nache ño'onaxatañi qome na shiỹaxauapi maye choxoraq qataq huesota da lataxac, maye Aỹem ỹacheto'ot qome da naquitaxac.

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Juan 1:41

Qaq so Andrés somaye ỹataqta ỹa'auaxaachiguiñi da nqo'ona so lqaỹa Simón, nache 'enapega, 'eeta': –Qomi' ñauanaxai' Ñim Lca'aguishec Ñim Lo'onatac 'Enauacna maye qaiuattaique le'enaxat Cristo.

Mateo 12:20

Qataq saishet da nquigaxatec da nque'eenaxac cam mashe nache 'eetai' da que'emaxaic, qataq saishet da iviraxata'a da ỹalauat, nam mashe ileetapigui'. Nachaqrata da ỹa'añaqchet nam mashe qaica ca la'añaxac qataq iviraxata'a da dauegaxan da 'eetapeguec Ñim Lo'onatac 'Enauacna.

Salmos 51:17

Cha'aye ca nachetaqtaxanaxat maye 'auaỹamaxareeta da 'am qoỹanot nachera da saqcha'a nca'alaxa maye huo'o nque'eenaxac, 'Am Ñatamnaxala', 'am saishet da 'auo'otan aca nquiyaqte maye ỹataqta huo'o da nqui'ic.

Zacarías 11:11

Qaq nache huaigui se'eso na'a'q, da nlaguiñi se'eso aỹamaxataxac, nache som shiỹaxauapi maye desheenaxatega co'ollaxa aso qaguetapi maye aỹem ilotagui, ỹaỹaten da nacheñi Ñim Nataxala' ñim detaqtac, chegoqchigui naqa'en nam so'otpi.

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Salmos 45:7

'Am ỹataqta 'auauotec da no'on, qalaxaye 'auaỹemec da qauem. Qaq ỹoqo'oye 'am lca'ateua'a Ñim Lo'onatac 'Enauacna, Ñim 'Anatamnaxala', da 'am talec naqa'en da 'antonaxac, qaq saq 'ena'am na 'araỹepi.

2 Crónicas 34:27

qataq souaxat da huo'o da 'arhuogoxo, qataq Aỹem 'anañanot co'ollaq 'aua'axaỹa dam sa'axattac maye talec qome ne'ena nma', qataq nam shiỹaxauapi maye hueta'a namaye, qataq souaxat da Aỹem 'anmanot co'ollaq 'ancolaxata'aisalo soua 'ogo, qataq Aỹem 'anỹeeto'ot, qaq Aỹem nataqa'en 'am sa'axaỹa co'ollaxa. Qaq Aỹem Nataxala' 'era da ỹa'aqtac.

Mateo 12:18

«¡Ñaq qauloỹa na ica'aguishec, nam maiche seỹaxana da yaqto' Aỹem do'onataxanot! Aỹem ỹataqta ỹauotaxat namaye. Namaye ỹataqta Aỹem nlaxatchigui da ñetonaxac. Qaq Aỹem sanaigui namaye da lta'araic Saqcha'a Ỹa'añaxac, da yaqto' ỹa'axatem da nalochiguiñi lataxac, 'enauac nam ỹotta'a't shiỹaxauapi.

Lucas 4:17

nache qoỹami' asom lereguishe so la'aqtaxanaxanec Ñim Lo'onatac 'Enauacna le'enaxat Isaías. Nache So Jesús ỹauachigui, ime, nache itaxaỹaxan som huetaña so nerec maye, 'eeta':

Hechos 4:26

Na nta'alpi ana 'alhua qalaq dataỹa't, qataq na lataxala'pi na shiỹaxauapi qalaq naỹaana't, da dataỹa'aguet Ñim Lo'onatac 'Enauacna qataq qaỹo'otan Som Lca'aguishec da yaqto' Nta'a.»