Lucas 4:14 - La'aqtaqa Ñim Lo'onatac 'Enauacna 2013

^14-15 So Jesús ỹe'eguelaxa ye 'alhua Galilea, ỹataqta nlaqchigui So Saqcha'a La'añaxac Ñim Lo'onatac 'Enauacna. Nache quetagui na lma'pi na shiỹaxauapi qataq dapaxaguenataxaatapoigui ana napaxaguenaxaquipi na judiopi, qaq 'enauac na shiỹaxauapi ỹataqta 'onaxaic da na'aqtaguec da detaqtega Somaye. Nache saqaỹaloq da 'enauac qaỹauatton Somaye yi'iye 'alhua.

Nuevo Testamento Toba Sur

¹⁴ Nachi so Jesús ÿataqta nlaqchigui da l'añaxac so Espíritu Santo co'ollaq ÿi'iguelaxague da Galilea. Nachi jec da qan'aqtaxaatapigui somayi 'enauaque naua laÿil yi'iyi 'alhua.

Nuevo Testamento Toba Sombrero Negro

¹⁴ Yem da'me dojo' qama'le da'me 'lañaĝac joñe'me Dios Lepaqal 'yiyelaĝata di'me Galilea joñe'me Jesús. Qo'naĝatetapiye joñe'me ena'uaque jogaa'me noyaqolqa jo'ne neda'ña di'me aleua,

Lucas 4:14 Referans Kwoze

Hechos 10:37

Qaq qami' mashe qauaỹaañita 'enauac dam huaña nam 'alhua Judea. 'Enauac de'era chegoqchiguiña co'ollaxa ye 'alhua Galilea, co'ollaq so Juan imat da nachelaxaatac

Mateo 4:12

Qaq So Jesús co'ollaq la'axaỹaxac so Juan da qaicoñerai' qoỹanaigui aso ncoñetaxanaxaqui, nache Somaye taỹa ye 'alhua Galilea.

Juan 4:43

Qaq co'ollaq mashe inoxoore'c soua dos na'axa'te, nache So Jesús ca'ai ye 'alhua Samaria, nache taỹa ye 'alhua Galilea.

Lucas 4:37

Nache qana'aqtaxaatapigui So Jesús qataq na ỹo'otpi 'enauaque naua laỹel yi'iye 'alhua.

Marcos 1:28

Nache saqaỹaloq da qaỹaỹaana'a't da no'on na'aqtaguec So Jesús 'enauac yem 'alhua Galilea.

Marcos 1:14

Qaq co'ollaq mashe qoỹanaigui aso ncoñetaxanaxaqui so Juan, nache So Jesús taỹa ye 'alhua Galilea. Huaña, nache ỹa'axattac dam no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, 'eeta':

Mateo 9:26

Nache 'enauac yi'iye 'alhua maye hueta'a So Jesús imauec da qaỹaỹaten de'era.

Mateo 9:31

Qalaxaye co'ollaq choche huenoxoore'c, nache da'aqtaxanem 'enauac nam hueta'a yi'iye 'alhua da ỹo'oteque So Jesús soomaye.

Lucas 4:13

Nache so pa'aguenataxanaxaic co'ollaq saishet da ỹanata ca lỹa lataxac da ỹe'eguen So Jesús, nache cara'acolec da loiguilo naua na'axa'te da ca'ai Somaye.