Lucas 3:9 - La'aqtaqa Ñim Lo'onatac 'Enauacna 2013

⁹ Aca nañiguishe da qauem da alaỹaxac, nache ca lalamaqte acamaye ichecot nmachitcheguem na lpa'a'pi, ime, nache ỹavigaxat. Qaq Ñim Lo'onatac 'Enauacna mashe lhuotta da yaqto' ilaxachigui nam saishet da ỹo'ot cam ỹaỹamaqchiguiñi.

Nuevo Testamento Toba Sur

⁹ Aca qachipe mashi sogote da imetai' da iquesoxoñot ana qo'ipaqpi, qaq 'enauac ana qo'ipaqpi mayi sa ishit da no'on ana ala, anamayi qaiquesoq, ime, qaq qaÿasaxangui ca nodec.

Nuevo Testamento Toba Sombrero Negro

⁹ Uoja'eda, da'me le'uaĝanaĝanaĝac ñe'me Dios ena'am jaga'me qachipe jo'ne qoyiyamaĝateta't qaedi qoyequejoĝoyelo gaa'me ep'a chayovida'alo gaa'me patadi. Ena'uaque gaa'me ep'a jo'ne ja yauote jala, qonejecoĝojeguem qama'le qoyigoue.”

Lucas 3:9 Referans Kwoze

Mateo 7:19

Aca qo'oipaq maye saishet da ỹan aca no'on ala, acamaye qaiquesoq ime nache qaỹavigaxat.

Juan 15:6

Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.

Lucas 13:9

Qaq saiuena'a da ishet da huo'o aca ala aramaye ne'ena dalaxaic vi'i. Qaq qom huo'otaq saishet da huo'o aca ala, qaq ishet qome da qaiquesoq.›»

Lucas 13:7

Ime, nache 'enapega som ỹale maye ilotague' som lanaxanaqa', 'eeta': ‹Mashe ivi't naua tres vi'iye, da aỹem ñe'eguelaqta'a ara'ara qo'oipaq da ñe'eguena'a aca ala, qalaq ỹataqta ỹauano' da huo'o aca sanata. Qaq no'on da 'auquesoq aramaye. Cha'aye shaco' da netalec yi'iye 'alhua.›

Mateo 3:10

Aca qachepe mashe lhuotta da iquesoxoñot ana qo'oipaqpi. Qaq 'enauac anam 'epaqpi maye saishet da no'on ana ala, nache anamayepi qaiquesoqot. Ime, qaq qaỹasaxangui ca norec.

Hebreos 12:29

Cha'aye Ñim Lo'onatac 'Enauacna, Ñimaye 'eeta'am ca norec maye ỹataqta cochepchiguiñi naqa'en ca ỹavigaxat.

Daniel 4:23

'Am nta'a nataqa'en 'aula'a co'ollaxa so qui'itta namaxashec maye nauanaxanaxanec da chegoqo'ot na piguem, nache somaye, 'eeta': Qaua'axasoxoñiiñi 'ara'ara qo'oipaq qataq qaulaxachiigui, qalaxaye qano'onaxachiỹañi qome ara lamo, qataq na lpa'a'pi, qataq qaucoñiyiỹagui ca ncoñetaxanaxat lcat qataq ca bronce, nache qauachiỹaigui ana huoue maye huetauga na no'onaxa. Qataq talec qome acamaye na 'aỹa, nache ỹalectaigui qome na shiguiỹacpi qataq ana huouepi maye huetauga na no'onaxa, choche ivittrec caua siete vi'iye.

Daniel 4:14

nache somaye na'axannec da detaqa, 'eeta': Qaua'axasoxoñiiñi ara'ara qo'oipaq qauchiquiiuec qome ana lcouepi qataq qanqache ana lauepi, qataq qalagaxache ana alapi. Qataq datauec qanqa'aiñi na shiguiỹacpi maye hueto'ot na lpaqal, qataq na maỹopi maye netaigui ana lcouepi aramaye.

Ezequiel 31:18

Qaca co'ollaxa aca qo'oipaq ye Edén da ishet da qanaloqneguet da lyacỹaxac qataq da lalogaxa asomaye, qalaxaye nataqa'en l-llañe' qome ana laỹepi qo'oipaqpi maye naña ye Edén da taña na pa'aguiñi ana 'alhua, da yaqto' ỹalecta'aguet nam ỹaqa'a da la'amqaanataxanaxac, qataq som shiỹaxauapi maye ileuaigui co'ollaxa so alaataxac. Qaq asa'aso qo'oipaq, nacheñi ñi faraón qataq 'enauac na shiỹaxauapi maye ilotague'. Qaq 'era da ỹa'aqtac Aỹem Nataxala'.»

Hebreos 10:28

Da huo'otaq huo'o ca qanmit shiỹaxaua, qaq da huo'oi caua dos da da'aqtaxa'n da ỹa'axa't da 'eesa da saishet da ỹalaxaguet na namaxasoxonaxacpi maye chegoqo'ot so Moisés, nache cam nmit na nasouaxashet ỹataqta saishet da ichoxonnai' da damaxasoxoolec que'eca shiỹaxaua da qaỹalauat.

Lucas 13:6

Nache So Jesús ỹauo'o so daloqnaxana, 'eeta': «Huo'o so ỹale huo'o aso lañiguishe higo, maye ñaxattalec so lanaxanaqa'. Qaq huo'o so na'a'q, nache jec da demeenaxana, qalaxaye saishet da huo'o aca ỹanata ala.