Lucas 3:7 - La'aqtaqa Ñim Lo'onatac 'Enauacna 2013

⁷ Qalota so shiỹaxauapi naỹa so Juan da yaqto' qanachelaxan, qaq somaye 'enapeco' da la'aqtac: –¡Qami' qoñiita'am na na'araxanaq! ¿Qaupicheetega peta'a da qami' ỹe't ca lhuaxanaxanaxac Ñim Lo'onatac 'Enauacna maye qami' namaxalo?

Nuevo Testamento Toba Sur

⁷ Nachi na shiÿaxauapi co'ollaq nqo'oneuga so Juan da huotaique da qanachilaxan, nachi somayi 'eetega, 'eeta': –¡Qami' n'adaxanaq llalaqpi! ¿Négue't ca qami' da'aqtaxanema da yaqto' qauataiueguesop da lchic mayi nayiitai'?

Nuevo Testamento Toba Sombrero Negro

⁷ Ca'li ga'me jiyaĝadipi yec'adeta ñe'me Juan qaedi qonachilaĝa'n, joñe'me enapegalo, enaac: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te daa'me ane'uaĝanaguequi jo'ne ami na'talo?

Lucas 3:7 Referans Kwoze

Mateo 23:33

¡Qami' ỹataqta qami' tenataxanaxaicpi qataq qami' qauemaicpi! Ỹataqta qami' qauemaiqa qoñiỹa'am na lshenataxanaxa na na'araxanaq. ¡Qaq ỹoqo'oye ỹataqta sa qami' ỹe't ca qanhuaxanaguiiqui da qami' qaỹasaxañalo ca nhuaxanaqa' na 'etaxaloxoicpi!

1 Ts 1:10

Nataqa'en namayepi ỹaỹaten da qami' qauacheeta'aguet So Jesucristo qom ñe'eguelaq da chegoxogue da piguem. Ñim Lo'onatac 'Enauacna nca'aleeguesop naqa'en da l-leuaxa Somaye co'ollaxa yaqto' qomi' nca'alaxateeguesopa da nhuaxanaguec na 'etaxaloxoicpi ca pa'atec na'a'q qom nmitna Somaye.

Mateo 12:34

Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Isaías 59:5

Qataq nqapaxaalec na na'araxanaq lco'oue' qataq ỹo'oxootac nam lo'oxonec ana palachiyaxa, qaq cam chec qome ne'ena 'araxanaq lco'oue'pi nache ileu, qataq da huo'o ca ilaxachigui na na'araxanaq lco'oue'pi nache nnoxonec na 'araxanaq llalaqpi maye huo'o na lshenataxanaxa.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.

Hebreos 6:18

Qaq Ñimaye ye saishet da datenataxan, nache dam ỹachaxanapec qataq so ỹan la'aqtac chegoqchigui da maiche la'añaxac, saishet da naralaxat. Qaq damaye qomi' ỹa'añaqche't, cha'aye qomi' sauoqtaique da Ñim Lo'onatac 'Enauacna qomi' npaxattaleguete, qataq huo'o da qarpi'iỹaxac da Ñimaye qomi' ỹanema dam qomi' ỹachaxanapecoto.

Hechos 13:10

nache 'enapego', 'eeta': –¡'Am tenataxanaxaic, qataq 'am 'etaxaloxoic, 'am llalec so pa'aguenataxanaxaic, qataq ỹataqta 'ampa'aguenaxaua 'enauac na ỹaỹamaqchiguiñisat, 'am saq 'aloxogui da 'auo'ottac da 'aratenataxanaxac! ¿Ta'ainco' 'am ye 'auashaxaare'c naua ỹaỹamaqchiyiñi 'eetapegueco Ñim Lo'onatac 'Enauacna?

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

Mateo 3:6

Nache somayepi ỹa'axa't naua lasouaxashe'ete da ỹaxaare'c, nache so Juan nachelaxangui so tala Jordán.