Lucas 3:38 - La'aqtaqa Ñim Lo'onatac 'Enauacna 2013

³⁸ qaq so Cainán, nache lta'a so Enós, qaq so Enós, nache lta'a so Set, qaq so Set, nache lta'a so Adán som llalec Ñim Lo'onatac 'Enauacna.

Nuevo Testamento Toba Sur

³⁸ qaq so Cainán nachi lta'a so Enós, qaq so Enós nachi lta'a so Set, qaq so Set nachi lta'a so Adán som llalec ñi Dios.

Nuevo Testamento Toba Sombrero Negro

³⁸ Cainán chiyoĝoguet di'me Enós, jo'ne chiyoĝoguet di'me Set, Set chiyoĝoguet di'me Adán, jo'ne chiyoĝoguet ñe'me Dios.

Lucas 3:38 Referans Kwoze

Génesis 2:7

Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

1 Corintios 15:47

So hua'auchiguiñi shiỹaxaua, qaỹachegoxotaigui ana 'alhua. Qalaxaye so pa'atec shiỹaxaua, Somaye chegoqo'ot na piguem.

1 Corintios 15:45

Qaq ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «So hua'auchiguiñi ỹale, le'enaxat Adán, nacheso so la'auaxanec da huo'o da lca'alaxa.» Qalaxaye So Cristo som pa'atec Adán, nacheso som saqcha'a maye ishet da ỹan da nca'alaxa.

Isaías 64:8

Qalaxaye 'am Nataxala', nache 'am maye 'Am qarta'a, qomi' qalaq shenaqta'am ca nshaxa, qaq 'Am qalaq nache 'Am maye 'auo'ot da qarataxac, qaq 'enauac da shenaqta, qomi' lo'onataqa naua 'arhuaxaye.

Génesis 4:25

Qaq so Adán qaltaq ỹe'eguelaxalec da hue'eguet co'ollaxa aso lhua, nache asomaye huo'o so llalec, nache ỹanagui da le'enaxat Set, cha'aye 'enapeco': «Ñim Lo'onatac 'Enauacna, aỹem ỹanem na lỹa ỹalec da nmeneguet naqa'en so Abel, som ỹalauat so Caín.»

Génesis 4:26

Qaq nataqa'en so Set, huo'o co'ollaxa so llalec, nache ỹanagui da le'enaxat Enós. Qaq nacheso so chegoqchigui da qaỹo'oxoren da le'enaxat Ñim Nataxala'.

Lucas 3:37

qaq so Lamec, nache lta'a so Matusalén, qaq so Matusalén, nache lta'a so Henoc, qaq so Henoc, nache lta'a so Yared, qaq so Yared, nache lta'a so Malalel, qaq so Malalel, nache lta'a so Cainán,

Lucas 4:1

Nache So Jesús ỹataqta nlaqchigui So Saqcha'a Na'añaxac Qui'itta, co'ollaq chegaqaama so tala Jordán, nache So Saqcha'a Na'añaxac ỹauec Somaye da taỹa naqa'en ye toolec 'alhua.