Lucas 3:36 - La'aqtaqa Ñim Lo'onatac 'Enauacna 2013

³⁶ qaq so Sala, nache lta'a so Cainán, qaq so Cainán, nache lta'a so Arfaxad, qaq so Arfaxad, nache lta'a so Sem, qaq so Sem, nache lta'a so Noé som llalec so Lamec,

Nuevo Testamento Toba Sur

³⁶ qaq so Sélah nachi lta'a so Cainán, qaq so Cainán nachi lta'a so Arfacsad, qaq so Arfacsad nachi lta'a so Sem, qaq so Sem nachi lta'a so Noé som llalec so Lámec,

Nuevo Testamento Toba Sombrero Negro

³⁶ Sélah chiyoĝoguet di'me Cainán, jo'ne chiyoĝoguet di'me Arfaxad, Arfaxad chiyoĝoguet di'me Sem, jo'ne chiyoĝoguet di'me Noé, Noé chiyoĝoguet di'me Lámec,

Lucas 3:36 Referans Kwoze

2 Pedro 2:5

Nataqa'en Ñimaye saishet da ichoxonnai' so shiỹaxauapi 'etaxaloxoicpi so na'a'q maye huetaigui so Noé. Nachaqrata da namaq co'ollaxa so auot, nache npaxaasheguem naqa'en ana 'alhua, nache 'enauac ileu somayepi. Qaq chaqsota so Noé nca'alaxatec, som 'eetega co'ollaxa so shiỹaxauapi da ỹo'ot ca ỹaỹamaqchiguiñi. Qaq so Noé huo'oi soua lỹa't siete lca'alaxau'.

1 Pedro 3:20

Som saqcha'a nca'alaxapi maye sa ỹalaxaguet Ñim Lo'onatac 'Enauacna so na'a'q maye huetaigui co'ollaxa so Noé. Ñim Lo'onatac 'Enauacna ỹataqta huo'o da lhualaxavic da iuatta'a somayepi da naralaxat da lhuennataxac co'ollaq ñaq ỹo'ottac so Noé aso nnotaxaqui maye quiguingui na 'etaxat, qalaxaye somayepi saishet da ỹo'ot damaye. Qaq ỹoqo'oye saq 'amaqtaq so huenotoigui aso notaxaqui da yaqto' nca'aleeguesop so 'etaxat maye ipaxaalec ana 'alhua, qaq nacheso se'eso 'etaxat so ỹauec se'esoua ocho shiỹaxau' da ỹanaña so ỹataqta ỹaỹamaqchiguiñi.

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

Lucas 17:27

Somayepi deque'etac qataq nỹomtac, qataq huarootega't qataq huetapegue' da laronaxac na llalpi, choche ivitta'a so na'a'q co'ollaq so Noé inoxonoigui aso nnotaxaqui maye quiguingui na 'etaxat. Nache anac so auot, huaña, nache ileu 'enauac somayepi.

Ezequiel 14:14

Qaq que'eca 'alhua, taxa da netraña soua Noé, Daniel qataq so Job, nache se'esoua tres, nachesouate' taxa da nca'alde'c, souaxat da ỹo'ottrac co'ollaxa da nalochiguiñi lataxac. Qaq 'era da ỹa'aqtac Aỹem Nataxala'.

1 Crónicas 1:17

Qaq soua llalqa so Sem le'enaxat: Elam, Asur, Arfaxad, Lud qataq so Aram. Qaq soua llalqa so Aram: Us, Hul, Guéter, qataq so Mas.

Génesis 9:18

Qaq soua llalqa so Noé, maye chegoqraigui aso notaxaqui, soomaye nachesoua so Sem, Cam, som lta'a so Canaán, qataq so Jafet.

Génesis 9:1

Qaq Ñim Lo'onatac 'Enauacna, ỹanema de'era no'on la'aqtac so Noé qataq soua llalqa, 'eeta': «Ỹataqta qalota qome ca qaỹa'alqui, nache qanlaxachiitelec ana 'alhua.

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Génesis 7:23

Qaq nachaqsota so Noé qataq soua nqotta'ato asa'aso notaxaqui da nca'alde'c. Qaq so laỹepi qalaq 'enauac nlachiguiñi: shiỹaxauapi, qataq so shiguiỹacpi nlopi, qataq so maỹopi, qataq som shiguiỹacpi maye hualectapigui'pi,

Génesis 7:13

Qaq nacheso se'eso na'a'q, da so Noé inoxonoigui aso notaxaqui, lỹatreuo soua llalqa, Sem, Cam qataq Jafet, qataq aso lhua, qataq soua tres latel.

Génesis 6:22

Qaq so Noé ỹo'ot co'ollaxa 'enauac nam ỹamaxalec Ñim Lo'onatac 'Enauacna.

Génesis 5:3

Qaq so Adán mashe ivi' co'ollaxa soua ciento treinta vi'iye da nachaalataxac, co'ollaq ñiguiñi so llalec, som ỹanagui co'ollaxa da le'enaxat Set, qaq somaye ỹataqta 'eeta'am so lta'a.

1 Crónicas 1:1

'Ena na le'enaxatpi som chegoxoguetpi so Adán, Set, Enós,

Lucas 3:35

qaq so Najor, nache lta'a so Serug, qaq so Serug, nache lta'a so Ragau, qaq so Ragau, nache lta'a so Peleg, qaq so Peleg, nache lta'a so Éber som llalec so Sala,

Lucas 3:37

qaq so Lamec, nache lta'a so Matusalén, qaq so Matusalén, nache lta'a so Henoc, qaq so Henoc, nache lta'a so Yared, qaq so Yared, nache lta'a so Malalel, qaq so Malalel, nache lta'a so Cainán,