Lucas 3:3 - La'aqtaqa Ñim Lo'onatac 'Enauacna 2013

³ Nache so Juan jec da coleelec 'enauac yem saqaỹapeque so tala Jordán. Huaña yemaye, nache 'eetego' na shiỹaxauapi, 'eeta': «¡Qavi'eguelaqaỹot nagui Ñim Lo'onatac 'Enauacna! Qataq iuen da qami' qanachelaxa'n, yaqto' Ñim Lo'onatac 'Enauacna ỹapalaxa't naua qarasouaxashe'echilli'.»

Nuevo Testamento Toba Sur

³ Ime, nachi jec da coleelec 'enauac yim sa qaÿapeque so tala Jordán da da'aqtaxanem na shiÿaxauapi da ca'aisalo naua n'onataxaco qataq qanachilaxan yaqto' na lasouaxashitpi ishit da qaÿapalaxat.

Nuevo Testamento Toba Sombrero Negro

³ Qama'le Juan quetayilo ena'uaque gaa'me 'nachaqa'te jo'ne neda'ña lae ga'me ñache jo'ne Jordán, yiyaĝatapega jogaa'me jiyaĝadipi qaedi 'ñemaĝadiñe, 'viyelaĝadetot joñe'me Dios, qaedi qonachilaĝa'n, nataq'aen qaedi Dios yapalaĝa't gaa'me loeco.

Lucas 3:3 Referans Kwoze

Lucas 1:77

Qataq 'aua'aqtaxanem nam shiỹaxauapi da mashe huo'o da lca'alaxa, cha'aye Ñim Lo'onatac 'Enauacna ỹapalaxa't naua lasouaxashe'ete.

Hechos 22:16

Qaq nagui, ¿negue't cam 'auatta'a? Qoñisheguem qome, nache 'am qanachelaxan, ỹataqta 'aupi'iỹa'a da le'enaxat So Qarataxala', yaqto' ishet da qaỹapalaxat na 'arasouaxashetpi.»

Hechos 19:4

Nache so Pablo 'enapeco': –Aja', so Juan co'ollaxa nachelaxaatac nam shiỹaxauapi maye ỹaxaare'c naua no'onataxaco, qalaxaye nataqa'en 'enapega namayepi da yaqto' ỹa'amaqten cam anatai' maye nca'attalec, qaq nacheso So Jesús Som Lca'aguishec Ñim Lo'onatac 'Enauacna.

Hechos 13:24

Qaq co'ollaq saxanaxa da nvi' So Jesús, nache so Juan maye nachelaxanataxanaq 'eetega 'enauac nam Israel le'ecpi da naralaxat da lataxac qataq ỹaxaare'c naua lasouaxashe'ete qataq qanachelaxan.

Juan 3:26

Nache se'esoua napaxaguenataqa nqo'ooreua'a so Juan da da'aqtaxaarem, 'eetra': –'Am Napaxaguenataxanaq, ñaq 'antoueeta'ac peta'a so ỹale maye qomi' 'aua'aqtaxaateguema, som 'am hueta'aguet so lỹa na'a'q dam lỹa le'ego aso tala Jordán, Somaye nagui dachelaxanataxaatac. Nache 'enauac na shiỹaxauapi ca'attague'.

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Juan 1:28

Qaq 'enauac de'era huaña ye nỹecpi ye Betania, maye pa'aigue da nala' lliguisheguem ye tala Jordán, yem huaña co'ollaq dachelaxanataxaatac so Juan.

Lucas 1:16

Que'eca nogotolec, camaye ỹo'oteguet qome da qalota na Israel le'ecpi da ỹaxaañi da ỹo'ottac na qauemsat, ime, nache ỹalaxaguet Ñim Lo'onatac 'Enauacna.

Lucas 4:1

Nache So Jesús ỹataqta nlaqchigui So Saqcha'a Na'añaxac Qui'itta, co'ollaq chegaqaama so tala Jordán, nache So Saqcha'a Na'añaxac ỹauec Somaye da taỹa naqa'en ye toolec 'alhua.