Lucas 3:17 - La'aqtaqa Ñim Lo'onatac 'Enauacna 2013

¹⁷ Ne'ena aỹem nca'attalec, namaye iỹotauga na no'on da lataxac qataq na qauem da lataxac. Na no'on da lataxac, nache nca'alaxatec, qaq nam qauem da lataxac qalaq ỹasaxangui ca norec maye saishet da 'om.

Nuevo Testamento Toba Sur

¹⁷ Namayi lasoqta'a ca lchigoxosoxonaxat, da yaqto' ichigoq na trigo da iÿotauga ana ala qataq na lvi. Ime, qaq iÿotauga ana ala na trigo da ÿachaigui ca laÿi'. Qaq nam lvi qalaxayi ÿavigaxat, ÿasaxangui cam nodec mayi sa ishit da 'om.

Nuevo Testamento Toba Sombrero Negro

¹⁷ Ena'am ta'le nachitac jaga'me 'lonataĝanaqate jo'ne lajoqotaye qama'le najecot ga'me trigo yiyota'a ga'me lojoyiñi. Yachauelo ga'me liquipi' joga'me trigo, qalaĝaja ga'me lojoyiñi qamqa'me yajaĝauelo ga'me dole' jo'ne nach'e eta't edetañgui.

Lucas 3:17 Referans Kwoze

Mateo 13:30

Qom ivita ca laloqo' da ñeqataq ana ala na trigo, nache huaña da seỹotaqauga na trigo qataq ana huoue maye le'enaxat cizaña. Ñaq qauaqaita'alo ne'enaua dos da ñaxa't. Qom ivita que'eca laloqo' da qanqat ana ala, nache samaq na ỹo'onataxanaxanecpi da yaqto' hua'auñi da napoc ana huoue maye le'enaxat da cizaña, qataq laỹona't da ỹavigaxat. Ime, nache laỹona't na trigo, nache ỹachaigui ñi ỹaponaxanaxaqui. Nache aỹem samaxalec qome ca ỹo'onataxanaxanecpi da ỹa'auaxaañi da nqateua'a ana huoue. Ime, qaq ỹauo'o ana laqtapi da yaqto' ỹavigaxat. Qaq da ime, nache ỹaỹamaxat na trigo da ỹachaigui ca ỹaponaxanaxaqui.›»

Miqueas 4:12

Qalaxaye ne'ena ỹotta'a't shiỹaxauapi, sa ỹauatton na lhuennataxacpi Ñim Nataxala', qataq sa ỹaỹaten nam lapaxañipi lataxacpi Ñimaye, nache sa ỹaỹaten da Ñimaye laỹona't qome namayepi, 'eeta'am da laỹona't aca naqta ala na nañiguishecpi da huaña ca nchegoxosoxonqa'.

Jeremías 15:7

Selagaxattac na 'arhuo' le'ecpi, 'eeta'am ñaqa'en ca 'auaqpi ltoxoic ñeqateeguesop na huaqta'a't nỹecpi maye hueta'a ne'ena 'alhua, nache qaica ñaqa'en ca llalaqpi na ỹalamaxat nhuo' le'ecpi, namayepi selaxachigui, souaxat da saishet da ỹalat da qauem lataxac.

Salmos 1:4

Qaq na qauemaicpi qalaq saishet da nache 'eetec de'era, cha'aye namayepi 'eeta'am na 'auaqpi deqaqta da ỹaỹoxonaqchet na la'at.

Mateo 3:12

Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Isaías 30:24

Qaq ivira'a qome na qarauegaxanaxala'aipi, huacapi qataq na 'ashenapi maye qauo'onataxañiiteguelec naxa da qauo'ocheetac na 'alhua, da chectac qome na ỹataqta no'on nchegoxoshec 'auaqpi.

Lucas 3:18

Qaq 'era da 'eetec da ltaxaỹaxac so Juan co'ollaq ỹa'axattapeguem 'enauac so shiỹaxauapi da no'on na'axaỹaxac.