Lucas 3:16 - La'aqtaqa Ñim Lo'onatac 'Enauacna 201316 Qalaxaye so Juan 'enapega 'enauac so shiỹaxauapi, 'eeta': –Aỹem 'eesa da qami' ñachelaxanguilo nagui na 'etaxat, qalaxaye huo'o na aỹem nca'attalec maye ỹataqta ỹactec da la'añaxac napacalec aỹem. Namaye qami' nachelaxanguilo So Saqcha'a Na'añaxac Qui'itta qataq norec. ¡Aỹem ỹataqta sa yaloua'a Namaye na'aictaxa da choche aỹem l-latac! Gade chapit laNuevo Testamento Toba Sur16 Qalaxayi so Juan 'enapega 'enauac so shiÿaxauapi, 'eeta': –Aÿim 'eesa da qami' ñachilaxanguilo nagui na 'etaxat, qalaxayi huo'o na aÿim nca'attalec, namayi qami' nachilaxanguilo qome ca Espíritu Santo qataq ca nodec. Qaq namayi ÿataqta ÿacteec da l'añaxac, qaq sa ishit da shin'am, qataq aÿim sa ishit da yalou'a da ñaqat naua lapela'te lque'te. Gade chapit laNuevo Testamento Toba Sombrero Negro16 Qalaĝaja Juan ena'uaque enapegalo jogaa'me: —Jayem, eja da'me male ami ñachilaĝañilo ga'me noĝop; qalaĝaja 'uo qom'te ñe'me jo'ne jayem napacalegue jo'ne yataqata p'ajaye nataq'aen ja jalo'oguet ta'le jejodegue gaa'me lapela'te leque'te. Nach'eñe ami nachilaĝaneque qom'te joñe'me Dios Lepaqal uotaĝa ga'me dole'. Gade chapit la |
Lucas 3:16
24 Referans Kwoze
Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.
Qaq aỹem ñaq saxanaxa da sauatton co'ollaxa Namaye. Qalaxaye Ñim aỹem namaq da yaqto' sachelaxanataxana na 'etaxat, Ñimaye aỹem 'enapega co'ollaxa, 'eeta': «Qom 'am 'auauaachigui So Saqcha'a Na'añaxac Qui'itta da huo'otaq anac, nache talec ca shiỹaxaua, qaq que'eca shiỹaxaua, nacheca ca dachelaxanataxana So Saqcha'a Na'añaxac Qui'itta.»
Cha'aye qomi' huo'o na judío le'ec, qataq huo'o na saishet. Qataq huo'o na nlatacpi, qataq huo'o na huesochiguiñi. Qalaxaye 'enauac qomi' qanachelaxanguilo So Saqcha'a Na'añaxac Qui'itta, da yaqto' 'oonolec ca qara'amqaanataxanaxac qataq 'oonolec da qaro'ocỹaxac. Qaq ñi 'oonolec da shenaqta, Ñim Lo'onatac 'Enauacna ỹami' So Saqcha'a Na'añaxac Qui'itta.
Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.
Qaq ỹoqo'oye Ñim Lo'onatac 'Enauacna ỹacoosop da ỹaueegue da piguem, nache ỹana'ague da aloic. Huaña, nache Somaye ỹaconeguet So Saqcha'a Na'añaxac Qui'itta maye ỹachaxanapeguem co'ollaxa Ñim Lta'a da ỹanem Somaye. Ime, nache Somaye qomi' ỹanema se'eso Saqcha'a Na'añaxac Qui'itta maye nataqa'en qomi' ỹachaxanapecoto co'ollaxa. Qaq nachera de'era qauloitagui qataq qaua'aqaitega nagui.
Piblisite