Lucas 3:14 - La'aqtaqa Ñim Lo'onatac 'Enauacna 2013

¹⁴ Nataqa'en anac so huataxanaqpi, da inattaco' so Juan, 'eeta': –Qaq qomi', ¿hua'ague ca shenaqtec? Nache so Juan 'enapeco': –Qami' maye qauayiñiitalec na shiỹaxauapi qataq qoñiỹapega da qami' ỹanema aca alom da yaqto' ishet da qauachaxañiỹapecot da lactapiguiñi. ¡Saishet da qavi'iguelaqailec da nache qoñiitec de'era, nachaqrata da qantoñiiteguec añi qansheetenaqchi!

Nuevo Testamento Toba Sur

¹⁴ Nataq'en anac so nallippi so nta'a, nachi qainattac somayi, qoÿiita': –Qaq qomi', ¿huá'ague ca shinaqtec? Nachi so Juan 'enapeco': –Sa ishit qome da huo'o ca qanhuoyi, qataq sa ishit da huo'o ca qauayiñiitalec, nataq'en sa ishit da huo'o ca chochi qauasaqaitapeguelec ca lasouaxashit. Añim qadashivii, nachañita qauaÿamaxayiñiita.

Nuevo Testamento Toba Sombrero Negro

¹⁴ Nataq'aen uo'oe gaa'me coico laje' jo'ne yena't joñe'me: —Qama'le da'me qo'mi, ¿jach'e ga'me jauoqo? 'Yategueta: —Ena'te 'uo gamachaqaega ta'le aneuodi, uotaĝa ta'le auauoyi lachoĝodec da'me auauoyi ga'me laviyaĝajet qama'le auepoliquilegue ga'me jo'ne ja ya'uo; dite da'me aueñi mach'eñe da'me 'uo da'me anejetenaguequi.

Lucas 3:14 Referans Kwoze

Éxodo 20:16

Saishet da 'am tenataxanaxaic da choche 'auo'ot ca lasouaxashet ca 'arỹa.

Filipenses 4:11

Qaq saishet da shenapec de'era souaxat da huo'o ca iuenaxanaxa, cha'aye aỹem saỹaten da ñetootapeguec cam huo'o.

Levítico 19:11

Saishet da qaucachi. Saishet da qauatenataxañi, qataq saishet da huo'o ca ỹatenachet ca lỹa.

Éxodo 23:1

«Saishet qome da 'aua'axat ca na'aqtaxanaxac saq 'en, qataq saishet da 'auauaxaiguet ca qauemaic da 'autauanaua'a da ỹa'axat ca sa lataxac.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Apocalipsis 12:10

Nache sa'axaỹa so na'aqtac ỹataqta alam, chemqot na piguem, 'eeta': «¡Ñim Qarta'a maye Lo'onatac 'Enauacna nca'alaxatec na lalamaxatpi; qataq ỹachaxan da la'añaxac, qataq nachaqñita da Nta'a! Ñi Lca'aguishec Ñimaye, mashe do'onataxan, ilo'ogue 'enauac na huetalec ana 'alhua. Cha'aye so pa'aguenataxanaxaic mashe qaỹamaqauec na piguem, cha'aye ima'ape naua na'axa'te qataq naua pesa'ache, da nachattaua'a Ñi Qarta'a maye Lo'onatac 'Enauacna da ỹa'axattauo na 'eetega lasouaxashetpi na qarqaỹañicpi.

Tito 2:3

Nache 'ena'am qonapega na ỹa'axaina'pi da ỹataqta quetelec da lataxac aca quetague' Ñim Lo'onatac 'Enauacna, qataq saishet da na'aqtaqa lo'o', qataq saishet da taxai. Nachaqrata da ỹachaxana ca no'on lataxac anam saxanaxa da ỹe,

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

Hechos 10:7

Qaq co'ollaq jec so namaxashec piguem le'ec maye da'aqtaxaatac, nache so Cornelio iỹaxaneugalo soua dos soua lamaxa'she qataq so 'oonolec huataxanaq le'ec maye nataqa'en ỹo'oxoreetac Ñim Lo'onatac 'Enauacna qataq ỹataqta lpe'et.

Mateo 8:5

Qaq huo'o so na'a'q So Jesús taua'a ye nỹecpi maye le'enaxat Cafarnaúm, nache anac so huataxanaq lta'a maye lma' ye Roma da nachoxoreetacot Somaye,

Lucas 3:10

Nache so shiỹaxauapi denataxan, 'eeta': –Qaq, ¿hua'ago' ca shenaqtec da yaqto' ñeca'alaxauec?

Lucas 3:13

Nache so Juan 'enapeco': –Da ivita da qalapoñiỹa't ana lsheetenaxanaqte na shiỹaxauapi, qalaq saishet da napacalec qanqa'eñi añi iỹaxanaique ca nta'a.