Lucas 3:13 - La'aqtaqa Ñim Lo'onatac 'Enauacna 2013

¹³ Nache so Juan 'enapeco': –Da ivita da qalapoñiỹa't ana lsheetenaxanaqte na shiỹaxauapi, qalaq saishet da napacalec qanqa'eñi añi iỹaxanaique ca nta'a.

Nuevo Testamento Toba Sur

¹³ Nachi so Juan 'enapeco': –Qom qanqachi aca lshiitenaxanaqte na shiÿaxauapi, qalaq sa ishit da napacalec qanqashiñi añi iÿaxanaique ca nta'a.

Nuevo Testamento Toba Sombrero Negro

¹³ Juan 'yategueta: —Ena'te aueñi yaguegue ga'me anejetenaguequi nale 'uo ga'me auajelaĝañilegue.

Lucas 3:13 Referans Kwoze

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Efesios 4:28

Qaq cam decachetapec co'ollaxa, qalaq no'on da ỹaxaañi nagui da lcachaxac. Chaqrato' da do'onataxan, ỹo'ottac ca maiche lalamaxat lo'onatac, yaqto' ishet da itauan cam huo'o da lhuenaxanaxa.

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Mateo 7:12

Qaq ỹoqo'oye qami' cam no'on maye qansheetaique da qami' ỹo'oteque na shiỹaxauapi, qaq nacheca iuen da hua'auñi qome qauo'ochec 'enauac namayepi. Cha'aye nachera dam damaxasoxoolec nam lamaxasoxonaxacpi so Moisés qataq naua leregui'she so la'aqtaxanaxanecpi Ñim Lo'onatac 'Enauacna.

Hebreos 12:1

¡'Enauac se'eso shiỹaxauapi nagui qomi' datataua'alo da qomi' ỹachaxaategalo da lpi'iỹaxac! Qaq ỹoqo'oye naua vi'iye maye souaqtaiguilo iuen da saxanaxañi da so'otaqtac ca qarasouaxashet, nataqa'en ño'onaxataqchigui 'enauac nam saishet da qomi' ỹalemaxa't, nache semataqo'ot Ñim Lo'onatac 'Enauacna da qanaquitaxac. Cha'aye de'era achaalataxac 'eeta'am ca qomitaxac, qaq da ñe'etaxaloxo qalaq 'eeta'am da lpattapiguilo naua qarchel da saishet da qomi' ỹashenema da ñeqalgoxosoq.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Salmos 18:23

Da ỹataxac da sooto'ot Ñimaye qalaq ỹataqta qui'itta ñaqa'en, qataq saishet da so'ot na qauemsat.

Lucas 3:12

Nataqa'en anac som ỹacootapeeguet ana nsheetenaqte ca nta'a maye netaña ye Roma da huotaique da qanachelaxan, nache inattaco' so Juan, 'eeta': –'Am Napaxaguenataxanaq, qaq qomi', ¿hua'ague ca shenaqtec da yaqto' ñeca'alaxauec?

Lucas 3:14

Nataqa'en anac so huataxanaqpi, da inattaco' so Juan, 'eeta': –Qaq qomi', ¿hua'ague ca shenaqtec? Nache so Juan 'enapeco': –Qami' maye qauayiñiitalec na shiỹaxauapi qataq qoñiỹapega da qami' ỹanema aca alom da yaqto' ishet da qauachaxañiỹapecot da lactapiguiñi. ¡Saishet da qavi'iguelaqailec da nache qoñiitec de'era, nachaqrata da qantoñiiteguec añi qansheetenaqchi!