Lucas 24:6 - La'aqtaqa Ñim Lo'onatac 'Enauacna 2013

⁶ Saishet da hueta'a ne'ena Somaye, cha'aye mashe qaltaq nca'alec qanqa'en. Qauennache dam la'aqtac co'ollaq hueta'a ye 'alhua Galilea, 'eeta':

Nuevo Testamento Toba Sur

⁶ Sa ishit da hueta'a ne'ena somayi, cha'ayi mashi qaltaq nca'aleec qanqoÿin. Qauennachi dam l'aqtac co'ollaq hueta'a yi Galilea, 'eeta';

Nuevo Testamento Toba Sombrero Negro

⁶ Ja ue'ta jena'me jenjo', dite da'me joote 'niyelaĝajeguem. Anetoviñetac ga'me ami 'yaĝatema ca'li maliaĝa ue'ta di'me Galilea,

Lucas 24:6 Referans Kwoze

Lucas 9:22

So Jesús nataqa'en 'enapegalo soua lapaxaguenataqa 'eeta': «Aỹem, maye Aỹem Shiỹaxaua Llalec, ỹataqta qalota qome da ñeque'eenaxac. Cha'aye na nataxala'pi maye ilotague' ne'ena 'alhua, qataq na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, namayepi Aỹem ỹamaqauec qataq Aỹem ỹalauat. Qalaxaye da mashe ivi' caua tres na'axa'te, nache qaltaq ñeca'alec.»

Marcos 8:31

So Jesús da'aqtaxanema soua lapaxaguenataqa dam taỹa'a da ivireguet Somaye, 'eeta': «Aỹem Shiỹaxaua Llalec ỹataqta qalota qome da ñeque'eenaxac. Aỹem ỹo'orauec na lataxala'pi na shiỹaxauapi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi. Qataq ivira'a da Aỹem qaỹalauat, qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 28:6

Qaq Somaye saishet da hueta'a ne'ena. Cha'aye mashe qaltaq nca'alec, ipacchigui co'ollaxa da 'enapec. Qalaxaye qauanaqui ña qaumiiñi nam qaỹachaña co'ollaxa so lo'ocỹaxac.

Lucas 9:44

«Ña qana'axaỹaxañiichigui da shenapec, Aỹem Shiỹaxaua Llalec Aỹem qoỹanoigui qome nam Aỹem ipa'agueetacpi.»

Mateo 27:63

Nache qoỹeetega, qoỹeeta': –'Am Qarataxala', qomi' tachigui qarhuel se'eso tenataxanaxaic da la'aqtac co'ollaq ña nca'altauec, nache 'eetega da qom inoxoore'c caua tres na'axa'te, nache qaltaq nca'aleeguesop da nleuaxa.

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Marcos 16:6

qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Lucas 24:5

Qaq soua 'alol ỹataqta nlaqchiguilo da lcolanaqa', nache ỹa'alyiñi naua l-llectel, nache ỹataqta iviraxata'agueta naqa'en na 'alhua naua lata'api. Nache se'esoua ỹale't 'ena'apo': –¿Ta'ainco' ye qanmichiitapigui na leuaxaicpi da qanmichiitaique som nca'altauec?

Lucas 24:34

Nache som hueta'a yi'iye da'aqtaxanema soomaye, 'eeta': –Ỹoqta 'eesa da qaltaq nca'alec So Qarataxala', cha'aye so Simón mashe nauane'.

Hechos 2:24

Qalaxaye Ñim Lo'onatac 'Enauacna qaltaq nca'alaxatec Somaye, nca'alaxateeguesop da la'añaxac da nleuaxa, cha'aye da nleuaxa qaica ca la'añaxac da nllañi Somaye.

2 Ts 2:5

Qantooñita'ac de'era da mashe qami' sa'aqtaxaateguema caillaye qami' soota'agueta.