Lucas 24:51 - La'aqtaqa Ñim Lo'onatac 'Enauacna 2013

⁵¹ Qaq nache saqaỹaloq da So Jesús qaỹaueegue da piguem

Nuevo Testamento Toba Sur

⁵¹ Qaq co'ollaq mashi ÿanem da nqouagaxa somayipi, nachi ca'ai da qaÿaueegue da piguem.

Nuevo Testamento Toba Sombrero Negro

⁵¹ Qama'le mane'e ca'li cha'li netametapelo'te, qanach'e ca'ae jogaa'me nataq'aen male qoyauegue di'me piyem.

Lucas 24:51 Referans Kwoze

Hechos 1:9

Qaq co'ollaq ime da ỹa'axattac de'era So Jesús, nache ỹauaachiguilo soomaye co'ollaq naỹoxotcheguem da qaỹaueegue da piguem. Choche ivitta'a da huo'o so lo'oc na piguem, nache taigui. Huaña, nache saishet da qaila'a.

Juan 20:17

Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

2 Reyes 2:11

Qaq co'ollaq ñaq quete', qataq na'aqtaxaatega't soomaye, nache nque'elaxatta da anac aso naigona 'ettaigui, qataq soua lauegaxala'ate caaỹo maye nataqa'en 'ettaiguilo, nache icolaxachiguilo soomaye, nache so Elías jec, taigue da piguem, queuoigui aso daua'ache.

Hebreos 4:14

So Jesús, Somaye Llalec Ñim Lo'onatac 'Enauacna, qataq nacheso Som Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, Som 'oonolec maye inoxoneua'a ca hueta'a Ñimaye. Qaq ỹoqo'oye iuen da qolaqto'ot da qanaquitaxac Somaye.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Marcos 16:19

Qaq co'ollaq so Qarataxala' Jesús imat da na'aqtaxaategueto soua lapaxaguenataqa, nache Ñim Lo'onatac 'Enauacna ỹaueegue da piguem. Huaña, nache Somaye nso'oota'ague da aloic Ñim Lo'onatac 'Enauacna, yem huaña da qaica ca 'ena'am da llo'oxoyec.

Lucas 24:50

Nache So Jesús nqateeguesop soomaye ye Jerusalén da ỹauega ye Betania. Huaña yemaye, nache ỹachaxaayishegue'm naua lhua'q da ỹaalec da no'on la'aqtac soomaye.

Lucas 24:52

co'ollaq soua lapaxaguenataqa ñaq ỹo'oxoreetrac Somaye. Qaq co'ollaq ime de'era, nache soua lapaxaguenataqa ỹe'eguelaxaregue da Jerusalén, ỹataqta machiyiñi.