Lucas 24:48 - La'aqtaqa Ñim Lo'onatac 'Enauacna 2013

⁴⁸ da qami' qaua'axacheeuec 'enauac de'era qarauanaqchiqui.

Nuevo Testamento Toba Sur

⁴⁸ Qaq nachi qami' qome mayi qau'axachiiuec 'enauac de'eda qadauanaqchiqui.

Nuevo Testamento Toba Sombrero Negro

⁴⁸ “Ami 'noota qom auechoqotaĝañetapec daa'me daajo' jo'ne uo'oe.

Lucas 24:48 Referans Kwoze

Hechos 13:31

Nache ỹataqta huo'oi soua na'axa'te da nachaxaategalo soua lapaxaguenataqa maye ỹataqta nnaigaxau' co'ollaq chegoqchiguiña ye 'alhua Galilea, choche ivitta'a ye nỹecpi ye Jerusalén. Qaq nagui nachesoua soomaye som da'aqtaxaatapeguema na shiỹaxauapi de'era.

Hechos 5:32

Qomi' ỹataqta saỹatenaqta de'era sa'axataqtac, qataq So Saqcha'a Na'añaxac Qui'itta nataqa'en ỹa'axattac, cha'aye Ñim Lo'onatac 'Enauacna ỹanem 'enauac So Saqcha'a Na'añaxac Qui'itta 'enauac nam ỹalaxaguet Ñimaye.

Hechos 2:32

Qaq ỹoqo'oye Ñim Lo'onatac 'Enauacna qaltaq nca'alec naqa'en So Jesús. Qaq de'era 'enauac da shenaqta sauanaqchigui.

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Hechos 10:41

Qaq Somaye saishet da imauec da nachaxana 'enauac na shiỹaxauapi, nacheqomaqta da ñauanaxai'. Cha'aye Ñim Lo'onatac 'Enauacna qomi' lca'agui'she co'ollaxa, da yaqto' qomi' sa'axataq da qarauanaqchec. Qaq qomi' ỹataqta qarquia'axaua Somaye qataq qanỹomaxaua co'ollaq mashe qaltaq nca'alec qanqoỹen.

Hechos 10:39

Qaq qomi', maye nacheqomi' sauanaqchigui 'enauac nam ỹo'otpi So Jesús co'ollaq Somaye coleetapeguelec ye 'alhua Judea, qataq ye nỹecpi ye Jerusalén. Nataqa'en sauanaqchigui co'ollaq qaỹalauat qaiuaxaneguet so npe'enaxaqui.

Hechos 3:15

Qaq 'era da 'eetec da qami' qaualauache som chegoqo'ot da achaalataxac. Qalaxaye Ñim Lo'onatac 'Enauacna qaltaq nca'alaxatec Somaye, qaq 'enauac de'era qomi' sauanaqchigui, ỹoqo'oye sa'axataqtac.

Hechos 1:22

chegoqchiguiña co'ollaq cheta'ague da nachelaxan so Juan qataq ivitta'a co'ollaq Somaye da taigue da piguem. Qaq ỹoqo'oye no'on da huo'o ca qalca'aua'a da qomi' qaỹalecnoiguilo, da yaqto' nataqa'en ỹa'axat da So Jesús mashe qaltaq qanca'alaxatec.»

1 Pedro 5:1

Sauotaique da sami' da iqataxac na lataxala'pi na 'amqaanataxanaxaicpi. Cha'aye aỹem nataqa'en aỹem nataxala' shena'am namayepi qataq sauaachigui da 'eetec da nque'eenaguec So Cristo. Nataqa'en qom ñe'eguelaq So Cristo da ỹachaxan dam qaica ca 'ena'am llo'oxoyec, nache aỹem ñeuanaua'a da llo'oxoyec Somaye. Qaq da iqataxac 'eeta':

Hechos 4:33

Qaq soua namaxa'she ỹataqta nlaqchiguilo da lta'araic na'añaxac, qataq dapaxaguenataxaategue'c da So Jesús mashe qaltaq nca'alec. Qaq Ñim Lo'onatac 'Enauacna ỹataqta ỹauo'o da nqouagaxa 'enauac so qalota shiỹaxauapi.

Juan 15:27

Qataq qami' nataqa'en Aỹem qaua'axache, cha'aye nache 'eetai' da Aỹem qoviita'aguet co'ollaq cheta'ague da so'onataxan.

Hechos 22:15

Qataq 'am 'aua'axat qome Ñimaye da 'aua'aqtaxanem 'enauac na shiỹaxauapi, qataq da 'aua'axat dam 'arauanaqchec qataq dam 'aua'aqchigui.