Lucas 24:44 - La'aqtaqa Ñim Lo'onatac 'Enauacna 2013

⁴⁴ Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Nuevo Testamento Toba Sur

⁴⁴ Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Nuevo Testamento Toba Sombrero Negro

⁴⁴ Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

Lucas 24:44 Referans Kwoze

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Hechos 13:33

Cha'aye qomi' maiche qomi' llalaqpi somayepi, qaq ỹoqo'oye Ñim Lo'onatac 'Enauacna ỹataqta ipacchigui dam 'enapec co'ollaxa da qaltaq nca'alaxatec So Jesús da Qarca'alaxaqui. Cha'aye nache nanettalec aso nere le'enaxat Salmos da la'aqtac, 'eeta': «'Am maye nache 'am Ỹalec; qaq nache chegoqchiguiña ne'ena na'a'q da Aỹem 'Arta'a.»

Lucas 9:22

So Jesús nataqa'en 'enapegalo soua lapaxaguenataqa 'eeta': «Aỹem, maye Aỹem Shiỹaxaua Llalec, ỹataqta qalota qome da ñeque'eenaxac. Cha'aye na nataxala'pi maye ilotague' ne'ena 'alhua, qataq na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, namayepi Aỹem ỹamaqauec qataq Aỹem ỹalauat. Qalaxaye da mashe ivi' caua tres na'axa'te, nache qaltaq ñeca'alec.»

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Hebreos 10:1

Na namaxasoxonaxacpi maye chegoqo'ot co'ollaxa so Moisés, namayepi 'eeta'am da ỹachaxaatac cam no'on maye taỹa'a da qomi' ỹanema Ñim Lo'onatac 'Enauacna, qalaxaye saishet da nachera da ỹoqta 'eesa da lataxac. Qaq ỹoqo'oye ne'ena namaxasoxonaxacpi saishet da ỹañoxot da nalochiguiñi naqa'en da lataxac nam ima'ape naua vi'iye da irotegueua'a ñim npe'l na lachetaqtaxanaxat, da yaqto' ỹanot Ñim Lo'onatac 'Enauacna.

Juan 5:46

Cha'ayectaxa da qami' qaua'amaqchiñi cam 'enapec so Moisés, nache nataqa'en taxa Aỹem qaua'amaqchiñi, cha'aye so Moisés Nachaỹem maye Aỹem ỹiyiñi co'ollaxa.

Zacarías 6:12

Qaq nache qonapega qome, qoneta': ‹Ñim Nataxala' maye Qaica ca Ỹaqalanapec, ỹataqta 'eesa da la'aqtac, da ñim ỹale maye le'enaxat Llaxataxa, ñaxatsheguem qome chegoqtoiguilo naua maiche lpa'aye, nache qaltaq no'oxoosheguem qome añi atamnaxaqui maye ỹalamaqte.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Isaías 28:16

Qaq ỹoqo'oye Ñim Nataxala' 'enapec: «Aỹem sanaña qome ye Sión ca coma', ca coma' maye lleca'aguishec qataq ỹataqta lta'araic da lasheechiỹaxac, qaq camaye nacheca qome cam ỹactec da 'enec, qataq nacheca cam lo'oxonaxala' ca nỹec. Qaq cam pi'iỹa'a qome camaye qalaq ỹataqta ỹe'emaqtac.

Salmos 118:22

Qaq so coma' maye ỹo'otan co'ollaxa nam nỹec lo'opi, nacheso nagui som lo'oxonaxala' da huo'o ca qano'oxoosheguem.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Ezequiel 34:23

Aỹem so'ot qome da ñe'eguelaq so ỹamaxashec David, nache sanem da nachesota da ilo'ogue ana ilopi qaguetapi, qaq somaye nacheso qome so ilo'ogue anamayepi.

Isaías 52:13

Ña qaumichiñi, ñim ỹamaxashec dauegaxan qome, nache huo'o da la'amaqchec qataq qaỹo'oreetac qome.

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Hebreos 9:8

Qaq 'era da 'eetec So Saqcha'a Na'añaxac Qui'itta da qomi' ỹaỹaanaxanaxaneque, da co'ollaq ñaq huo'o se'eso npe'l, nache se'eso ñegueuo so Ndaqa' maye sa Qaishetapec saishet da qaỹashenem ca camachaqca se'eso na'a'q.

Juan 5:39

Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Zacarías 14:4

Qaq que'eca na'a'q, nache Ñim Nataxala' petalec qome añi qasoxonaxa maye huaña ana oliivo, maye pa'aỹa'ague da nala' lliguisheguem ye Jerusalén. Qaq huo'o qome ca lta'araic ca'amegue taỹa'ague da nala' lliguisheguem qataq da nala' lliguiñi, maye colaxagui naqa'en añi qasoxonaxa maye huaña ana oliivo. Qaq ca 'oonolec laỹe añi qasoxonaxa pa'aỹa'ague qome da sheu', qaq ca lỹa pa'aỹa'ague da tagueñi,

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Daniel 2:44

Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.

Ezequiel 17:22

Aỹem Nataxala', shenapec: Nataqa'en Aỹem secheguec qome aca ỹataqta pa'atcheguem lcoue aca cedro, qataq secheguec aca 'oonole llaxataxa maye ñaq huesottac aca ỹataqta pa'asheguem lcoue, nache saalec aca qaỹoqotcheguemec qasoxonaxa,

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Números 35:25

Nache ca nhuo' le'ecpi maiche ilo'ogue qataq ntela'a qome ca shiỹaxaua maye ilamaxata'a da ỹalauat ca lỹa, ntelaqna'aguet ca ipaltaique lvi' maye lauo' le'ec que'eca ileu. Nache que'eca shiỹaxaua qaỹe'eguelaxata que'eca huaqta'a't nỹecpi maye ỹe'egueneua'a co'ollaxa, qaq nache netaña camaye ivitta'a da ileu ca lataxala' ca ntaxaỹaxanaxanecpi maye ncoyiguishec.

Números 21:8

Nache Ñim Nataxala', 'eeta': 'Auo'ot qome ca 'are'enaqtac na'araxanaq, nache 'auo'ot aca lashe da 'aỹa'anasheguem. Yaqto' da huo'o ca qainac namayepi, nache da ỹamato'ot que'eca ne'enaqtac na'araxanaq, nache ishet da nca'alec.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Juan 3:14

Qaq de'era 'eetec co'ollaxa so Moisés da ỹanasheguem so le'enaqtac na'araxanaq co'ollaq hualec so toolec 'alhua, qaq nache 'eetec nataqa'en da qoỹanasheguem qome na Shiỹaxaua Llalec,

Lucas 24:46

Nache 'enapeco': –Dam nanettañi ỹa'axat da ca Lca'aguishec Ñim Lo'onatac 'Enauacna, iuen da hua'auñi da qaỹalauat. Qaq qom mashe inoxoore'c caua tres na'axa'te, nache qaltaq nca'alec.

Jeremías 33:14

Ñim Nataxala', 'enapec: Anacte' caua na'axa'te maye huaiguilo qome da sepacchigui dam no'on maye sachaxanapecot co'ollaxa na nhuo' Israel le'ecpi qataq na Judá le'ecpi.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Génesis 14:18

Qaq nataqa'en so Melquisedec som nta'a ye Salén, qataq ntaxaỹaxanaxanec da qaitaxaỹapegue' Ñim Lo'onatac 'Enauacna maye Nataỹaña 'Enauacna, somaye ỹacona aso nauole qataq so lataxa,

Hebreos 7:1

Se'eso Melquisedec, somaye nacheso so lta'a nam netaña ye nỹecpi ye Salén qataq ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna maye 'amaqtaqaic. Qaq so Abraham co'ollaq mashe ñe'eguelaq, chegoqta'a so alaataxac maye huaigui co'ollaq ỹalaua't soua nta'al, nache so Melquisedec ca'ata'aguet somaye da yaqto' ỹaconeguet qataq ỹaalec so no'on la'aqtac.

Hebreos 3:5

So Moisés do'onataxaatacot Ñim Lo'onatac 'Enauacna qataq ỹalaxaguet 'enauac, ỹoqo'oye itauan so nhuo' le'ecpi maye lalamaxatpi Ñim Lo'onatac 'Enauacna ỹataqta ipagaqchiichigui dam la'aqtac Ñimaye, qataq da'aqtaxaateguem se'eso lalamaxatpi Ñim Lo'onatac 'Enauacna dam huotaique ỹa'axat Ñimaye maye ñaq natauo.

Hechos 7:37

Qataq nacheso se'eso Moisés so da'aqtaxanem co'olloxocheye so Israel le'ecpi, 'eeta': «Ñim Lo'onatac 'Enauacna qami' namaxalo qome ca la'aqtaxanaxanec, camaye maiche qaralamaxache qarhuo'oi le'ec, camaye 'eeta'am aỹem da qami' qanamaxalo. Qaq camaye ỹataqta qaualaqaileco' qome.»

Lucas 22:37

Cha'aye Aỹem shenapec da ỹataqta iuen da ipacchigui qome da ña'aqtaguec maye ỹa'axa't naua ñiyigui'she la'aqtaqa Ñim Lo'onatac 'Enauacna maye 'eeta': «Nache qaỹalecnoigui nam 'etaxaloxoicpi camaye.» Cha'aye 'enauac nam ña'aqtaguec maye qoỹettañi, namaye iuen da ipacchigui.

Lucas 21:22

Cha'aye que'eca na'a'q laloxoqui da Ñim Lo'onatac 'Enauacna ỹauo'o ca nhuaxanaguec 'enauac na shiỹaxauapi, yaqto' ipacchiguilo naua 'ena'ape naua ñiyigui'she la'aqtaqa Ñim Lo'onatac 'Enauacna.

Lucas 9:44

«Ña qana'axaỹaxañiichigui da shenapec, Aỹem Shiỹaxaua Llalec Aỹem qoỹanoigui qome nam Aỹem ipa'agueetacpi.»

Mateo 26:56

Qalaxaye 'enauac de'era iuen da huo'o, yaqto' ipacchigui dam ỹa'axat co'ollaxa so la'aqtaxanaxanecpi Ñim Lo'onatac 'Enauacna.» Huaña, nache 'enauaque soua lapaxaguenataqa no'onaxatchiguilo So Jesús da datare'c.

Mateo 26:54

Qalaxaye ñaq 'aua'axaỹa'a damaye yaqto' ipacchigui, cha'aye da nache 'eetec de'era, nache ỹataqta ipacchigui dam 'enapec naua nanettralec ana nere maye huetalec na la'aqtacpi Ñim Lo'onatac 'Enauacna.»

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Amós 9:11

Qaq que'eca na'a'q, nache qaltaq ñauaxaỹaxaasheguem qome ye mashe nlaguiñi lma' so David. Nache sapogui nam lpoxoỹaxapi, qataq ño'oxoosheguem nam mashe nlaguiñi, nache se'enaxatchigui so hua'auchiguiñi lataxac co'ollaxa,

1 Pedro 1:11

Co'ollaq saxanaxa da naỹa ana 'alhua So Cristo, nache So Saqcha'a La'añaxac da'aqtaxanem som la'aqtaxanaxanecpi Ñim Lo'onatac 'Enauacna dam taỹa'aguet nque'eenaxac Somaye da huaña ana 'alhua, qataq nataqa'en da'aqtaxanem 'enauac da nca'attauo lyac. Qaq som la'aqtaxanaxanecpi Ñimaye huotaique da ỹaỹaten chaq negue't que'eca Lca'aguishec Ñim Lo'onatac 'Enauacna qataq chaq lagui da naỹa ana 'alhua.

Hechos 3:18

Qalaxaye Ñim Lo'onatac 'Enauacna mashe ỹa'axat co'ollaxa de'era, chegoqchigui naqa'en so la'aqtaxanaxanecpi da que'eca Lca'aguishec, camaye ỹataqta huo'o qome da nque'eenaxac.

Marcos 9:31

cha'aye Somaye huotaique da nalemaqte' da ỹapaxague'n soua lapaxaguenataqa nache, 'eeta': «Aỹem Shiỹaxaua Llalec Aỹem qoỹaneua'a qome na shiỹaxauapi da yaqto' Aỹem ỹalauat. Qalaxaye qom inoxoore'c caua tres na'axa'te, nache qaltaq ñeca'alec.»

Mateo 1:22

Qaq so José co'ollaq nlouec, nache ỹalaxaguet so lamaxashec Ñim Lo'onatac 'Enauacna, nache lhua aso María. Qalaxaye saishet da nauaña't co'ollaq saxanaxa da ñiguiñi so nogotolec. Qaq co'ollaq mashe ñiguiñi, nache so José ỹanagui da le'enaxat Jesús. Qaq 'enauac dam huaigui asomaye yo'oq, cha'aye yaqto' ipacchigui dam 'enapec co'ollaxa Ñim Nataxala' maye ỹa'axat so la'aqtaxanaxanec Isaías 'eeta': «¡Ỹataqta qana'axaỹaxañiichiguiñi! Aca 'alo saxanaxa da huaron, acamaye hualaxai qome, nache huo'o ca llalec. Qaq camaye le'enaxat qome da Emanuel.» De'era ne'enaxat naigui da 'eeta': «Ñim Lo'onatac 'Enauacna qomi' hueta'agueta.»

Hechos 2:27

Cha'aye 'am saishet da Aỹem 'aualataña cam laponqa' na leuaxaicpi, qataq saishet da 'auasheetem da nlaguiñi da lo'ocỹaxac nam 'aramaxashec maye 'arauotaxat.

Hechos 13:40

Qaq ỹoqo'oye maxatchaxa qome da qoñiita, ten qom qami' taleguete de'era nhuaxanaxanaxac maye ỹa'axatta'aguet som na'aqtaxanaxanecpi, maye 'eeta':