Lucas 24:32 - La'aqtaqa Ñim Lo'onatac 'Enauacna 2013

³² Nache soomaye detaqtega'to', 'eeta': –¡Qache ỹoqta 'eesa de'era ntonaxa'c naua qarquiyaqtel, quiye so ñanaguenaqtague' na nqa'aic, can qomi' da'aqtaxaatapeguema naua naiguilo naua ñiyigui'she maye nanettaleguete ana nere!

Nuevo Testamento Toba Sur

³² Nachi soomayi detaxaÿapega't, 'eeta': –¡Qachi ÿoqta 'eesa caillayi da 'ico' dato'm naua qadquiyaqte, can ñanaguenaqta na nqa'aic, can qomi' i'axattapeguema naua ñiyigui'shi l'aqtaqa ñi Dios!

Nuevo Testamento Toba Sombrero Negro

³² Qama'le jogaa'me enapega't: —¿Qo'li ja eja da'me ma'te janomaĝaguet da'me nep'idijeguem naa'me qadauel da'me cha'li qo'mi dojetapegue'to jena'me qadadic nataq'aen da'me qo'mi noqotetapeque daa'me nedii's?

Lucas 24:32 Referans Kwoze

Lucas 24:45

Huaña, nache itaua'n soomaye da ỹaỹate'n naua naiguilo naua ñiyigui'she maye nanettralec ana nere maye huetalec na la'aqtacpi Ñim Lo'onatac 'Enauacna.

Hebreos 4:12

Da huo'o ye la'aqtac Ñim Lo'onatac 'Enauacna da nasaxauec qalaq ỹataqta huo'o da la'añaxac qaltaq nca'altauec. Da la'aqtac Ñimaye ỹataqta napacalec na llaxa ca ỹeelonec maye dos naua ala'api, ỹoqo'oye ishet da iviraua'a ye ỹataqta pa'auo da nachaalataxac ca shiỹaxaua. Nataqa'en huaña da ishet da imete'n naua qarhuennataxaco qataq da qaryaxayec, nache ỹachaxa'n da huo'otaq 'onaxaiqa huo'otaq qauema.

Jeremías 23:29

Naua ỹa'aqtaqa 'eeta'am ca norec, qataq 'eeta'am aca ntoqnaxanaqte lcat maye ishet da ilaxachigui ca coma'. Qaq 'era da ỹa'aqtac Aỹem Nataxala'.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Salmos 39:3

Añi iquiyaqte ỹataqta napaqhuec naqa'en ana itogue, qaq souaxat da seuennataxaateguelec de'era, nache so norec 'eroigui naqa'en aỹem, nache ishet da ñasaxauec da ỹa'aqtac, 'eeta':

Jeremías 15:16

Co'ollaq aỹem 'autaqtacot, nache aỹem seuoxoorañi naua 'ara'aqtaqa, naamaye nachenaua naua ỹo'o't da ntonaxac qataq da lamaicỹaxac añi iquiyaqte, cha'aye aỹem 'am ña'attaua'a, 'Am Nataxala' qataq Ñatamnaxala' maye Qaica ca 'Auqalanapec.

Proverbios 27:17

Da qaiqueuoc ca lcat qalaq qaira'a ca nqueuogaxanaxat lcat, qaq nache 'eetec ca ỹale da maiche ỹaỹamaxaañi da lataxac ca lỹa ỹale.

Juan 6:63

Som Saqcha'a La'añaxac Ñim Lo'onatac 'Enauacna, nacheso so chegoqo'ot da nca'alaxa maye chochaq tatec; qaica ca chochaq shiỹaxaua da ỹan de'era achaalataxac. Qaq dam shenapec, damaye chegoqo'ot som Saqcha'a Na'añaxac maye ỹan de'era achaalataxac.

Hechos 28:23

Qaq ỹoqo'oye qaỹauo'o so naloqnec na'a'q. Qaq co'ollaq ivita se'eso na'a'q, nache ỹataqta qalota na shiỹaxauapi na nvita ca netaña so Pablo. Nache ỹachegoxottot se'eso nte'eta, choche ivitta'a so avit, da ỹa'axattapeguem somayepi da lo'onataxanaxac Ñim Lo'onatac 'Enauacna. Ỹataqta quetapegueua'a somayepi da ỹa'amaqten naqa'en So Jesús, nache ỹa'axattac nam namaxasoxonaxacpi maye chegoqo'ot so Moisés qataq nam la'aqtaxanaxac som la'aqtaxanaxanecpi Ñim Lo'onatac 'Enauacna.

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Salmos 104:34

Qaq no'ono' da ỹamaategueta Ñimaye naua iuennataxaco, cha'aye nacheñita Ñimaye da chegoqtacot da ỹamaicỹaxac.

Proverbios 27:9

Ca no'on coraxat qataq nchenaxanaxat ama na laita, ỹo'o't da machiguiñi naqa'en da nquiyacteỹaxac, qataq da no'on lqataxac ca auochaxaua huo'o da lamaic naqa'en da achaalataxac.

Marcos 4:34

Qaica ca la'aqtaxanaxac Somaye da huo'otaq saqca ca daloqnaxana. Qalaxaye da nda'ai'salo naxa soua lapaxaguenataqa, nache npottegueto da ỹataqta da'aqtaxaatema qataq ỹataqtegue naqa'en.