Lucas 24:30 - La'aqtaqa Ñim Lo'onatac 'Enauacna 2013

³⁰ Nache co'ollaq mashe nso'ootrañi soomaye da datatralec so nquia'axala', nache So Jesús ỹacona aso nauole 'ayiiña da nqouagaxaueelec. Ime, nache ỹanoiguilo soomaye.

Nuevo Testamento Toba Sur

³⁰ Nachi co'ollaq mashi nso'oota'ai'salo soomayi da datatralec so nqui'axala', nachi somayi ÿacona aso pan da nqouagaxaueelec. Ime, nachi ÿanoiguilo soomayi.

Nuevo Testamento Toba Sombrero Negro

³⁰ Qama'le ca'li dajotedalegue ga'me niqui'yaĝala', Jesús yacona ga'me pan; ca'li joote yanem da'me lamaic ñe'me Dios, qama'le yecolaĝatapiye qaedi yanouelo gaa'me.

Lucas 24:30 Referans Kwoze

Mateo 14:19

Qaq co'ollaq mashe ime da 'enapega na shiỹaxauapi da nso'ooñi, nso'oolec na 'auaqpi darala, nache So Jesús ỹaconalo soua cincole nauole 'ayiiña qataq soua dos nỹaxaye, ime, nache ỹamato'ot na piguem, nache ỹanot da na'achecỹaxac Ñim Lo'onatac 'Enauacna. Ime, qaq ncolaxaayiñi soua nauole, nache ỹanema soua lapaxaguenataqa da yaqto' soomaye ỹanoigui so shiỹaxauapi.

Lucas 24:35

Nache soua dos ỹale't nataqa'en da'aqtaxaata'ape, ỹa'axattrac da 'eetec da hueraigui co'ollaq quetrague' so nqa'aic maye taỹa'a ye nỹecpi le'enaxat Emaús, qataq co'ollaq ỹauatto'n So Jesús chegoqchigui co'ollaq ncolaxattapiguiñi aso nauole 'ayiiña.

Lucas 9:16

Nache So Jesús ỹaconalo soua cincole nauole qataq soua dos nỹaxaye. Ime, qaq ỹamato'ot na piguem, nache nqouagaxaueeleguete soomaye. Ime nache ncolaxaayiñi, nache ỹanema soua lapaxaguenataqa, da yaqto' soomaye ỹanoiguilo so shiỹaxauapi.

Mateo 15:36

Ime, nache ỹaconalo soua siete nauole 'ayiiña qataq soua nỹaxaye, nache ỹanot da na'achecỹaxac Ñim Lo'onatac 'Enauacna. Ime, nache ncolaxaayiñi, nache ỹanema soua lapaxaguenataqa. Qaq soomaye nache ỹanoiguilo so shiỹaxauapi.

Hechos 27:35

Qaq co'ollaq 'enapec de'era so Pablo, nache ỹacona aso nauole, nache ỹaatacot da na'achec Ñim Lo'onatac 'Enauacna, ỹauaachigui 'enauac somayepi. Ime, nache ncolaxaañi aso nauole, nache deque'e.

Juan 6:11

Nache So Jesús ỹaconalo soua nauolel, ime, nache ỹanot da na'achecỹaxac Ñim Lo'onatac 'Enauacna. Qaq co'ollaq imat da ỹanot da na'achecỹaxac Ñimaye, nache ỹanoiguilo soua lapaxaguenataqa. Qaq soomaye, nache ỹanoiguilo 'enauac som nso'ootañipi. Nataqa'en ỹe'enaxatchigui naqa'en soua nỹaxaye da ỹanoigui 'enauac somayepi, choche ivitta'a da comaraxaicpi.

Lucas 22:19

Qaq co'ollaq ime, nache ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache icolaxachigui, nache ỹanoiguilo soomaye, nache 'enapeco': «'Ena na maiche ỹo'ocỹaxac maye qoỹaneguet da nalaataguec, souaxat da qoñiita. Qaq qauo'ocheetaco' qome damaye, yaqto' saishet da Aỹem qaucoviỹa'ai.»

Marcos 14:22

Qaq co'ollaq ña deque'eta'ape soomaye, nache So Jesús ỹacona aso nauole 'ayiiña, nache ỹanot da na'achecỹaxac Ñim Lo'onatac 'Enauacna. Ime, nache ncolaxaañi, qataq ỹanema soua lapaxaguenataqa, nache 'enapegalo 'eeta': «Qauacoñiiguet, namaye, nachena na maiche ỹo'ocỹaxac.»

Marcos 8:6

Nache So Jesús ỹamaxalec somayepi da nso'ooñi, nache Somaye ỹaconalo soua siete nauole, nache ỹanot da na'achecỹaxac Ñim Lo'onatac 'Enauacna. Qaq co'ollaq ime, nache icolaxachiguilo soua nauole, ime, nache ỹanoiguilo soua lapaxaguenataqa da yaqto' soomaye ỹanoigui so shiỹaxauapi. Nache soomaye ỹo'o't da ỹamaxalec So Jesús.

Marcos 6:41

Ime, nache So Jesús ỹaconalo soua cincole nauole qataq soua dos nỹaxaye, nache ỹamato'ot na piguem da ỹanot da na'achec Ñim Lo'onatac 'Enauacna. Ime, nache icolaxachiguilo soua nauole, nache ỹanoiguilo soua lapaxaguenataqa, da yaqto' soomaye ỹanoigui so shiỹaxauapi, qaq nache 'eetec nataqa'en soua dos nỹaxaye.

Mateo 26:26

Qaq co'ollaq ña deque'eta'ape, nache So Jesús ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache ncolaxaañi aso nauole qataq ỹanema soua lapaxaguenataqa nache, 'eeta': «Qauacoñiiguet qataq qolliqui ana'ana, anamaye nachera da ỹo'ocỹaxac.»

Lucas 24:29

Qalaxaye ỹataqta ipactrega soomaye da no'onañi naqa'e'n. Nache 'eetrega, 'eeta': –Ña qomi' 'ano'onaisopactaxa. Ten, ye mashe avit, qataq yaqta'a da pe. Nache So Jesús ca'ateuo'oguelo soomaye da no'onaisopa.

Hechos 2:42

Qaq 'enauac somayepi ỹataqta queteguelo naua lapaxaguenataxanaxaco se'esoua namaxa'she, qataq ỹataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Hechos 2:46

Nache 'enauaque naua na'axa'te lapootega't, qanayeeta'a aso no'onaxanaxaqui late'erai, qataq da qanayeetaugalo naua nma'ate da nquia'axauapi, ỹataqta machiguiñi qataq qaica ca na'amqaanaxac.