Lucas 24:27 - La'aqtaqa Ñim Lo'onatac 'Enauacna 2013

²⁷ Ime, nache So Jesús da'aqtaxanema soomaye 'enauac nam na'aqtaguec Somaye, nam nanettalec ana nere maye huetalec na la'aqtacpi Ñim Lo'onatac 'Enauacna, ỹachegoxottot aso hua'auchiguiñi lereguishe so Moisés, iviraxatta'a asom pa'atec lereguishe som la'aqtaxanaxanecpi Ñim Lo'onatac 'Enauacna.

Nuevo Testamento Toba Sur

²⁷ Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Nuevo Testamento Toba Sombrero Negro

²⁷ Yem qama'le noqotetapeque ena'uaque daa'me nedii's jo'ne 'yaĝatetedac joñe'me, chiyoĝotetelo'te gaa'me ledii's di'me Moisés qama'le yajoĝo'tague gaa'me ledii's dia'me Dios 'laqataĝanaĝanaqa.

Lucas 24:27 Referans Kwoze

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Hechos 10:43

Nataqa'en soua hua'au' vi'iye 'enauac co'ollaxa som la'aqtaxanaxanecpi Ñim Lo'onatac 'Enauacna ỹa'axatta'aguet So Jesús, da ca ỹa'amaqten Somaye, nache qaỹapalaxat na lasouaxashetpi, chegoqchigui da la'añaxac Somaye. Qaq 'oonolec Somaye chegoqchigui da ishet da seviraqa'a da saconaxaguet da lchoxonnataxanaxa Ñim Lo'onatac 'Enauacna.

Juan 5:39

Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Isaías 50:6

San na ilaq da yaqto' aỹem qaỹalaqan qataq sa'aqta'a da qanapo'c naua iqa' laue. Qataq saishet da seltaxaneguet na ỹashec nam aỹem isheueetac qataq nam aỹem nqaigoqto'ot.

Lucas 24:25

Nache So Jesús 'enapeco': –¡Ỹataqta qaico' ca qauaỹaañiỹapec qami', qataq qaỹaloqta da qaua'amaqchiñi 'enauac nam la'aqtaxanaxacpi co'ollaxa som la'aqtaxanaxanecpi Ñim Lo'onatac 'Enauacna!

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Miqueas 7:20

'Am Nataxala', nache 'eetai' qome da 'aupacchigui da 'ara'aqtac qataq da 'arauotaxanaqtaic, maye soua hua'au' vi'iye 'auachaxanapeguema co'ollaxa soua hua'au' qarta'al Abraham, qataq so Jacob.

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Salmos 132:11

Ñim Nataxala', ỹanem co'ollaxa so David so la'aqtac, maye saishet da sa ipaguelec, 'eeta': «Ca 'oonolec ca 'aỹa'alaqpi sanagui qome da 'aro'onataxanaxac da nta'a.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Hechos 7:37

Qataq nacheso se'eso Moisés so da'aqtaxanem co'olloxocheye so Israel le'ecpi, 'eeta': «Ñim Lo'onatac 'Enauacna qami' namaxalo qome ca la'aqtaxanaxanec, camaye maiche qaralamaxache qarhuo'oi le'ec, camaye 'eeta'am aỹem da qami' qanamaxalo. Qaq camaye ỹataqta qaualaqaileco' qome.»

Ezequiel 34:23

Aỹem so'ot qome da ñe'eguelaq so ỹamaxashec David, nache sanem da nachesota da ilo'ogue ana ilopi qaguetapi, qaq somaye nacheso qome so ilo'ogue anamayepi.

Ezequiel 37:25

Qataq nalec yem 'alhua maye sanem co'ollaxa so ỹamaxashec Jacob, yem nataqa'en netalec co'ollaxa so hua'au lta'alpi. Qaq namayepi nache 'eetai' qome da netalec yemaye, qataq ca llalaqpi, qataq 'enauac cam chegoxoguetpi qome namayepi, qaq ñim ỹamaxashec David, nacheñi qome ñim chochaq tatec da ilotague' namayepi.

Hechos 3:24

Cha'aye 'enauac som hua'au na'aqtaxanaxanecpi, chegoqchiguiña so Samuel qataq anac so laỹepi, nache 'enauac qaỹa'axatta'agueta ne'enaua na'axa'te maye souaqtaiguilo.

Hechos 3:22

Huo'o som 'oonolec so na'aqtaxanaxanecpi, qaq somaye nacheso so Moisés, som 'enapec co'ollaxa, 'eeta': «Ñim Lo'onatac 'Enauacna lca'aua'a qome ca 'oonolec na qarhuo' le'ecpi da ỹauo'o la'aqtaxanaxanec 'eeta'am aỹem. Qaq qami' qome qauo'oche 'enauac cam 'enapec camaye.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Números 21:14

Qaq ỹoqo'oye aso nere maye ỹa'axat da nalaataxac Ñim Nataxala', 'eeta': «Sa'asoxonaxalec aso Auaxai Togaxarai, qataq so la'auaxacpi ye 'alhua ye Arnón,

Deuteronómio 1:45

Huaña caillaye nache qaye'eguelaqai, nache qanỹeñeeto'ot Ñim Nataxala', qalaxaye Ñimaye saishet da hua'axaỹa so qanachoxonnaxaqui.

Isaías 1:23

Na 'arataxala'pi ỹataqta qauemaicpi qataq nauochaxaua na cachaxaicpi. 'Enauac da nmitta'a da nmeela't, qataq nmitta'a da qaỹauo'o na nmepi. Saishet da ỹo'otec ca ỹaỹamaqchiguiñi lataxac ca saploq, qataq saishet da huapegue' da itauan aca pa'ai.

Isaías 8:17

Qaq Ñim Nataxala' na'aictaxa da nqañoxocheesop na lauo' le'ecpi so Jacob, qalaxaye aỹem sa'amaqteetac Ñimaye, qataq sacheto'ot da ñaquitaxac.

Isaías 9:1

Qaq saishet qome da nache 'eetai' da huetaigui na napalaxa nam huetaigui nagui da laquicoxo. Ñim Lo'onatac 'Enauacna huetaiya' naqa'en co'ollaxa ye na'alhua so Zabulón, qataq ye na'alhua so Neftalí, qalaxaye taỹa'a naqa'en da huo'o da llo'oxoyec ye Galilea maye na'alhua nam ỹaqa'a da la'amqaanataxanaxac, maye chegoqchiguiña ye pa'aỹa'atague da lỹa le'ego ye Jordán nache ivira'a ye loigue aso auaxai.

Miqueas 5:6

da yaqto' ỹauota'a ca lainecpi da ilaxachigui ye Asiria maye na'alhua so Nimrod, nache caamaye qomi' nca'alaxateeguesopa nam asiiriopi da ỹa'axasoxoolec nam loga'tpi nam qana'alhua, qataq inoxotaua'a nam qana'alhua.

Marcos 4:34

Qaica ca la'aqtaxanaxac Somaye da huo'otaq saqca ca daloqnaxana. Qalaxaye da nda'ai'salo naxa soua lapaxaguenataqa, nache npottegueto da ỹataqta da'aqtaxaatema qataq ỹataqtegue naqa'en.

Juan 5:37

Nataqa'en Ñim Ita'a maye Aỹem namaq, Ñimaye ỹataqta 'eesa naqa'en de'era ña'aqtaguec. Qaq na'aictaxa da qami' sa qauauañiỹapega da qaua'aqaichigui ca lavilỹaxac Ñimaye, qataq saishet da qauauattoñi ca lasheguiỹaxac.

Juan 12:41

Qaq so Isaías 'enapec co'ollaxa de'era, cha'aye souaxat da ỹauaachigui da llo'oxoyec So Jesús. Huaña, nache ỹa'axattac Somaye.

Hechos 3:18

Qalaxaye Ñim Lo'onatac 'Enauacna mashe ỹa'axat co'ollaxa de'era, chegoqchigui naqa'en so la'aqtaxanaxanecpi da que'eca Lca'aguishec, camaye ỹataqta huo'o qome da nque'eenaxac.

Hechos 8:35

Nache so Felipe cot da la'aqtaxanaxac, ỹachegoxotchiguiña som na'aqtac maye qaitaxaỹaxaatac, qataq ỹa'axatem somaye da no'on na'axaỹaxac maye na'aqtaguec So Jesús.