Lucas 24:19 - La'aqtaqa Ñim Lo'onatac 'Enauacna 2013

¹⁹ Nache Somaye 'enapeco': –¿Negue'to' camaxa? Nache soomaye 'ena'apo': –Qomye dam huaigui So Jesús maye Nazaret le'ec, som la'aqtaxanaxanec Ñim Lo'onatac 'Enauacna. Se'eso ỹale qaica ca ỹaqalanapec da huo'o ye la'aqtac, qataq da huo'o ye ỹo'ot, qaq ỹataqta ỹaỹamaxareeta Somaye Ñim Lo'onatac 'Enauacna qataq 'enauac na shiỹaxauapi.

Nuevo Testamento Toba Sur

¹⁹ Nachi somayi 'enapeco': –¿Négue'to' camaxa? Nachi soomayi 'ena'po': –Qomyi dam huaigui so Jesús mayi l'ec yi Nazaret som l'aqtaxanaxanec ñi Dios. Se'eso shiÿaxaua qaica ca ÿaqalanapec cam l'aqtac qataq cam i'ot, qaq ÿataqta ÿaÿamaxadeeta somayi ñi Dios qataq 'enauac na shiÿaxauapi.

Nuevo Testamento Toba Sombrero Negro

¹⁹ Joñe'me 'yategueta: —¿Te'ena't? Jogaa'me t'aqataĝatem: —Ga'me jo'ne qo'yetec ca'li ñe'me Jesús mach'e Nazaret le'ec, jo'ne nach'eñe Dios 'laqataĝanaĝanec; 'uo da'me lañoqotaĝanaĝac da'me 'laqataqa nataq'aen 'lonataqa nale dajoya'aguet ñe'me Dios nataq'aen nale dajoya'agueta ga'me jiyaĝadipi.

Lucas 24:19 Referans Kwoze

Mateo 21:11

Nache som shiỹaxauapi maye nnaictague' So Jesús, 'eeta': –¡Qomye damaye le'enaxat Jesús maye la'aqtaxanaxanec Ñim Lo'onatac 'Enauacna! Damaye chegaqa'a ye Nazaret maye huaigui ye 'alhua Galilea.

Hechos 7:22

Qaq ỹoqo'oye so Moisés qaỹapaxaguenec 'enauac nam no'on laỹaanec nam netaña ye Egipto. Nache somaye ivira'a da ỹataqta 'amaqtaqaic ỹale qataq 'añaxaic cam 'enapec qataq cam ỹo'ot.

Hechos 2:22

Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Juan 4:19

Qaq co'ollaq hua'axaỹa de'era aso 'alo, nache 'enapeco': –'Am Nataxala', aỹem sela'a da ỹoqta 'eesa da 'am la'aqtaxanaxanec Ñim Lo'onatac 'Enauacna.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Juan 7:52

Nache qoỹenapego' somaye, qoỹeeta': –¿'Am peta'a nataqa'en 'am Galilea le'ec? Ña 'anapaxaguenalo naua nanettraleguete ana la'aqtac lmalate Ñim Lo'onatac 'Enauacna, yaqto' ishet da 'auaỹaten da qaica ca la'aqtaxanaxanec Ñimaye da huo'otaq chegoqchiguiña co'ollaxa ye 'alhua Galilea.

Marcos 1:24

Somaye ỹataqta ỹa'alaxalec So Jesús, 'eeta': –¡'Am Jesús maye 'am Nazaret le'ec! ¿Ta'ainco' da qomi' 'atapegueua'alo? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton, da 'am Llalec Ñim Lo'onatac 'Enauacna.

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Lucas 24:18

Nache so 'oonolec soomaye, le'enaxat Cleofas, ỹasat, 'eeta': –'Enauac nam shiỹaxauapi maye hueta'a na Jerusalén qaica ca sa ỹaỹaten da qanayeuaigui se'esoua na'axa'te. Qaq ¿chaq 'amto' da qonetaña yemaye da sa 'auaỹaten de'era?