Lucas 23:9 - La'aqtaqa Ñim Lo'onatac 'Enauacna 2013

⁹ Nache ỹataqta qalota na nnataxanaxacpi da inattac Somaye, qalaxaye So Jesús saishet da ỹasateguet.

Nuevo Testamento Toba Sur

⁹ Nachi ÿataqta qalota na nnataxanaxacpi da inattac somayi, qalaxayi so Jesús sa ishit da ÿasateguet.

Nuevo Testamento Toba Sombrero Negro

⁹ Qama'le qayoĝode' gaa'me lenataĝanaĝaco jo'ne yanema, qalaĝaja Jesús ja 'yateguet, qaya'te 'lataĝac.

Lucas 23:9 Referans Kwoze

Mateo 27:14

Qalaxaye So Jesús ye saishet da ỹasat. Nache se'eso nta'a ỹataqta huo'o da la'aalaxa, nache ỹataqta sa ỹaỹaten ca 'eetec.

1 Pedro 2:23

Qataq co'ollaq qaisheueetac, qalaq saishet da ỹe'eguelaxata'aguet da nsheunaguec, qataq saishet da ỹasauaxattac som ỹo'otpi da nque'eenaxac. Nachaqrata da hua'aqta'a da Ñim Lo'onatac 'Enauacna da huapegue' qataq ilo'ogue, cha'aye Ñimaye nmit qome 'enauacna qataq ipagaqchiichigui ca lataxac.

Hechos 8:32

Qaq som na'aqtac maye itaxaỹaxaatac 'eeta': «Camaye 'eeta'am ana qagueta da qanpetec na laue, qataq 'eeta'am ca qagueta llalec da qaỹauectaua'a ca nalaataqa'. Camaye saishet da ỹa'alaq. Ỹataqta qaica ca nyacnataguec qataq qaỹachetaiya' qalaxaye saishet da dachetattac. Saishet da no'on ca qaỹo'otec; qataq saishet da ivita da huo'o ca llalec cha'aye qanqat da nachaalataxac.»

Lucas 13:32

Qalaxaye Somaye 'enapeco': –Qauesomiỹa, qaua'aqtaxañim qome aca'aca huaxaỹaxa, qoñiita': «Nagui na na'a'q, qataq qonte' so'orauec na ne'ecpi leguemaxaicpi, qataq ñataren na sa no'onpi, qaq que'eca lỹa na'a'q, nache seme.»

Mateo 7:6

Saishet qome da qaỹa'añim na pioxoppi cam lalamaxat Ñim Lo'onatac 'Enauacna. Qataq saishet da qauasaqaiua'a aca cos late'epi ca 'otaxat maye no'on. Cha'aye saishet da huo'o ca 'oonolec caamaye da huo'o ca naigui naqa'en camaye, nachaqrata da petapigui, qataq ishet da ivira'a da qami' ina'c.

Isaías 53:7

Qataq saq qaiyacnapec qataq qaica ca la'amaqchec qanqa'en co'ollaxa, qalaxaye somaye saishet da ỹauachigui na alap 'eeta'am aca qagueta da qaỹauectauga ca nalaataqa', qataq ỹe'emaqtom, saishet da ỹauachigui na alap 'eeta'am aca qagueta da qanpetectac.

Salmos 39:9

Aỹem se'enaxat da qaicaua naua ỹa'aqtaqa, nache ỹataqta qaica ca ñasaxauec ỹa'aqtac, cha'aye nache 'am maye 'auo'ot de'era.

Mateo 27:12

Nache som lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na shiỹaxauapi yem qanayeuta'a 'alhua ỹauo'o na ỹasaxalec lasouaxashetpi So Jesús co'ollaq datato'ot so Pilato, qalaxaye So Jesús saishet da ỹasat.

Marcos 15:5

Qalaxaye So Jesús saishet da ỹasat. Nache so nta'a Pilato ỹataqta huo'o da la'aalaxa.

Lucas 23:10

Qaq nataqa'en nachattauo nam lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi, namayepi ỹataqta qalota na ỹasaqteguelec da 'eetega lasouaxashet Somaye.

Juan 19:9

Nache qaltaq taigui aso lo'onataxanaxaqui, nache qaltaq inattac So Jesús, 'eeta': –¿Chaq hua'ague ca ỹoqta 'auachegoqta'ague? Qalaxaye So Jesús saishet da ỹasat.