Lucas 23:8 - La'aqtaqa Ñim Lo'onatac 'Enauacna 2013

⁸ Nache so nta'a Herodes co'ollaq ila'a So Jesús, nache ỹataqta machiguiñi, cha'aye mashe qaỹoqteguelo naua na'axa'te da huotaique da ỹauatton Somaye. Cha'aye hua'aqtapeguelec naxa da qaỹa'axattac, qataq nshetaique da ỹauaachigui da huo'o ca ỹo'ot na'anec maye sa qaỹauanapega.

Nuevo Testamento Toba Sur

⁸ Nachi so nta'a Herodes co'ollaq ila'a so Jesús, nachi ÿataqta machiguiñi, cha'ayi mashi qaÿoqteguelo naua na'axa'te da nshitaique da ÿauatton somayi. Cha'ayi hua'aqtapeguelecnaxa da qai'axattac somayi, qataq nshitaique da ÿauaachigui da huo'o ca i'ot n'anec mayi sa qaÿauanapega.

Nuevo Testamento Toba Sombrero Negro

⁸ Herodes yataqachiñe matac ca'li yauana ñe'me Jesús, qa'a jalqueje'egue gaa'me noloqo'ote da'me lamaic ta'le yauana, queda'me joote domachilegue da'me qo'yaĝatetac joñe'me, qama'le 'uo da'me leuataqataĝanaĝac da'me yauana ga'me lañoqotaĝanaĝac da'me yaloĝon.

Lucas 23:8 Referans Kwoze

Marcos 6:14

So Jesús ỹataqta imauec da qaỹauatton, ivira'a so nta'a Herodes Antipas da hua'aqtapeguelec Somaye. Huo'o na 'eetega da So Jesús, nacheso so Juan maye nachelaxanataxanaq da ỹoltaq nca'alec, nache qalota na ỹo'ot na'anec maye sa qaỹauanapega.

Mateo 14:1

Qaq se'eso na'a'q so Herodes Antipas maye ilotague' ye 'alhua Galilea, somaye hua'aqtega na shiỹaxauapi da na'aqtaxaatapigui So Jesús.

Hechos 8:19

nache 'enapeco': –Aỹem qaỹa'añim nataqa'en de'era na'añaxac, yaqto' da huo'o ca camachaqca sashel-lec, nache camaye nataqa'en tanguit So Saqcha'a Na'añaxac Qui'itta.

Lucas 4:23

Nache So Jesús 'enapeco': –Qami' yo'oqta qome da Aỹem qauroilec da na'aqtac naxa maye 'eeta': «¡'Am natannaxanaq, hua'auñi da maiche 'anatareela't!» Qami' qauaỹachiñiita nam so'otpi co'ollaq huaña ye Cafarnaúm, qaq ỹoqo'oye nagui Aỹem qauỹaxañiitacot da so'ot nataqa'en da huaña ne'ena.

2 Reyes 5:11

Nache so Namán dalemata co'ollaxa, nache jec, qataq 'enapeco': «Aỹem sepi'itaxaatego' da ỹataqta aỹem nca'ateuga cam na'aqtaxanaxanec, nache aỹem nachatto'ot da iỹaxanot Ñim Nataxala' maye Natamnaxala', qataq ỹauota'a na lhuaq da ipoteua'a nam huaña da ỹalolaxa, nache aỹem no'oita naqa'en.»

Marcos 8:34

Qaq co'ollaq ime de'era, nache So Jesús iỹaxanalo soua lapaxaguenataqa, qataq so shiỹaxauapi. Nache 'enapego', 'eeta': «Da qami' qauauoitaique da qami' ỹapaxaguenataqa, nache iuen da qaucoviỹa'ai cam maiche qoñiitapeguec. Qataq iuen da qami' lhuotte' da qanañañi da qami' qaiuaxanegueta ca qanpe'enaxaqui qataq qauo'oche cam shenapec.