Lucas 23:5 - La'aqtaqa Ñim Lo'onatac 'Enauacna 2013

⁵ Qalaxaye somayepi ỹe'eguelaxalec da la'aqtac ỹataqta na'axannec, 'eeta': –Namaye ỹasouaxattega't na shiỹaxauapi maye netaña na Judea, souaxat da lapaxaguenataxanaxac. Chegoqchiguiña ye 'alhua Galilea, qaq nagui qataq nvitta'a ne'ena souaqta'a.

Nuevo Testamento Toba Sur

⁵ Qalaxayi somayipi ÿi'iguelaxalec da l'aqtac ÿataqta n'axannec, 'eeta': –Namayi ÿasouaxattega't na shiÿaxauapi mayi netaña yi Judea, souaxat da lapaxaguenataxanaxac. Chigoqchiguiña yi Galilea, qaq nagui qataq nvitta'a ne'ena souaqta'a.

Nuevo Testamento Toba Sombrero Negro

⁵ Qalaĝaja jogaa'me ma'ejama'le yauote 'lañaĝa'j da'me yepataĝadelegue: —Chiyaqayi da'me lapaĝaguenataĝanaĝaco ja en 'te niyamaĝatapela'ajalo gaa'me noyaqolqa. Yachiyoĝota'ña di'me Galilea, qama'le nayi maliaĝa que'tot da'me dojo' jena'me jenjo' Jerusalén.

Lucas 23:5 Referans Kwoze

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 1:43

Qaq so lỹa na'a'q nache So Jesús taigue da 'alhua Galilea. Nache huaña yemaye da natenalec so Felipe, nache 'enapega, 'eeta': –Aỹem qoquegue.

Marcos 1:14

Qaq co'ollaq mashe qoỹanaigui aso ncoñetaxanaxaqui so Juan, nache So Jesús taỹa ye 'alhua Galilea. Huaña, nache ỹa'axattac dam no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, 'eeta':

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Hechos 23:10

Nache ỹataqta lta'araic da cotaxac. Nache som huataxanaq lta'a ỹataqta huo'o da lcolanaxa da qaỹalauat so Pablo. Qaq ỹoqo'oye damaxasoxoneuga somaye da qaltaq qaỹauegueua'a so lma' na huataxanaq.

Hechos 10:37

Qaq qami' mashe qauaỹaañita 'enauac dam huaña nam 'alhua Judea. 'Enauac de'era chegoqchiguiña co'ollaxa ye 'alhua Galilea, co'ollaq so Juan imat da nachelaxaatac

Hechos 7:57

Qalaxaye so nmit na nasouaxashetpi somayepi, lamaaxa ỹapoguilo naua ltelal, nache ỹa'alqagui, ime, nache ỹataqta qaiparenaxaneua'a somaye da qaỹaconeua'a.

Hechos 7:54

Nache som nmit na nasouaxashet somayepi co'ollaq hua'axaỹa de'era, nache ỹataqta dalemata, qataq 'eeta'am da inaga't naua lhue da lquiỹaxa so Esteban.

Hechos 5:33

Qaq co'ollaq hua'axaỹa de'era so nta'alpi maye 'amaqtaqaicpi qataq so lataxala'pi na judiopi, nache somayepi ỹataqta dalemata, nache huotaique da ỹalaua't soomaye.

Juan 19:15

Qalaxaye somayepi ỹa'alaqtagui, 'eeta': –¡Qaỹalauat qome damaye! ¡Qaỹalauat qome damaye! Qataq ¡qaiuaxaneuo qome! Nache so Pilato 'enapeco': –¿Peta'a isheto' da aỹem seuaxaneuo dam qarta'ai? Qalaxaye som lataxala'pi na ntaxaỹaxanaxanecpi 'enapeco': –Qomi' qaica ca lỹa qarta'a, nachaqñita ñim lta'a na nta'alpi maye neta'ague da Roma.

Juan 7:52

Nache qoỹenapego' somaye, qoỹeeta': –¿'Am peta'a nataqa'en 'am Galilea le'ec? Ña 'anapaxaguenalo naua nanettraleguete ana la'aqtac lmalate Ñim Lo'onatac 'Enauacna, yaqto' ishet da 'auaỹaten da qaica ca la'aqtaxanaxanec Ñimaye da huo'otaq chegoqchiguiña co'ollaxa ye 'alhua Galilea.

Juan 7:41

Qataq huo'o na laỹepi 'eeta': –Damaye nachera da Lca'aguishec Ñim Lo'onatac 'Enauacna. Qalaxaye huo'o na laỹepi 'eeta': –¿Taloxocheyo' da chegoqchiguiña ye 'alhua Galilea cam Lca'aguishec Ñimaye?

Lucas 23:23

Qalaxaye so shiỹaxauapi ỹataqta ỹe'eguelaqtalec da iỹaxaatapegueua'a So Jesús da ña qaiuaxaneuo. Qaq co'ollaq ỹaguec da la'alaxac somayepi, nache ivitta'a da ỹañoxot dam 'eetapeguec.

Lucas 11:53

Qaq co'ollaq ca'ai so nỹec So Jesús, nache ca'attague' Somaye nam dapaxaguenataxaatapeguec nam namaxasoxonaxacpi qataq nam ỹalectaigui na fariseopi, nache qalota na lnataxanaxacpi.

Mateo 27:24

Qaq so Pilato co'ollaq ila'a da saishet da ỹañoxot so shiỹaxauapi, nachaqrata da nquictasheguem somayepi da lliỹa't. Nache damaxasoxonaique so 'etaxat da qandoua'a, nache somaye ỹauaachigui naqa'en so shiỹaxauapi da iỹoi' naua lhua'q, nache 'enapeco': –Aỹem saishet da ỹasouaxashet da l-leuaxa de'era ỹale. Qami' maye qarasouaxashechi de'era.

Salmos 69:4

Ỹataqta napacalec ye lcata na laue na iqaic na aỹem nquiỹatapega, ỹataqta qalota na choche aỹem npa'agueetega, nam huotaique da aỹem nlaxaañi, qaq ¿ca 'eeteco' da she'eguelaxat ca saishet da secachiỹa?

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

Salmos 22:16

Qaq so qalota qauemaicpi qalaq 'eeta'am na pioxoppi da aỹem coleesop, nache aỹem nanaxachigui, nache icolaxatta'ape naua ihua'q qataq naua ichel.

Mateo 2:1

So Jesús lañoqo' ye nỹecpiolec le'enaxat Belén maye huaigui ye 'alhua Judea, huetoigui so na'a'q co'ollaq so Herodes maye 'amaqtaqaic da ilotague' yi'iye 'alhua. Nache nvitra ye nỹecpi ye Jerusalén soua ỹale't, chegoqtra'ague da yo'oxoñi. Soomaye napaxagueetrega ana huaqaañipi.

Mateo 11:1

Qaq So Jesús co'ollaq imat da ỹanema soua doce lapaxaguenataqa da lqataxac, nache ca'ai ye hueta'a, da yaqto' dapaxaguenataxan qataq da'aqtaxanem da no'on na'axaỹaxac na shiỹaxauapi maye hueta'alo naua lỹa't 'aleu' yi'iye qanayeuta'a 'alhua.

Lucas 23:6

Qaq so Pilato co'ollaq hua'axaỹa de'era, nache denataxanec da se'eso ỹale chegaqa'a ye 'alhua Galilea.