Lucas 23:49 - La'aqtaqa Ñim Lo'onatac 'Enauacna 2013

⁴⁹ Qaq 'enauac nam nauochaxauapi So Jesús qataq som 'alpi maye ca'attague' Somaye co'ollaq chegoqchiguiña ye 'alhua Galilea, nache qaỹatauga ca hueta'a co'ollaq imeteetac da huaigui Somaye.

Nuevo Testamento Toba Sur

⁴⁹ Qaq 'enauac nam nauattonaxauapi so Jesús qataq som 'alpi mayi ca'attague' somayi co'ollaq chigoqchiguiña yi Galilea, nachi lshictauga ca hueta'a co'ollaq imeteetac da huaigui somayi.

Nuevo Testamento Toba Sombrero Negro

⁴⁹ Ena'uaque gaa'me jo'ne yateto'n ñe'me Jesús ueteda'a ga'me qaya'a da'me yelotedapega, nataq'aen gaa'me yauo' jo'ne quetedapegue' chiyoqoteda'ague di'me Galilea.

Lucas 23:49 Referans Kwoze

Lucas 8:2

nataqa'en qalota so 'alpi. Se'eso 'alpi itauaateguec ana alom co'ollaxa So Jesús qataq soua lapaxaguenataqa. Huo'o asomayepi co'ollaxa da So Jesús, nataren na ỹotta'a't lalolaxapi qataq ỹo'orauec na saqcha'a na'añaxacpi leguemaxaicpi. Qaq ỹalectaigui asomayepi aso María maye Magdala lashe asom chegaqaigui co'olloxocheye soua siete saqcha'a na'añaxac leguemaxaicpi. Nataqa'en ỹalectauo aso Juana qataq aso Susana. Aso Juana lhua so le'enaxat Cuza, som ilotague' ca lma' qataq da lsallaxa so Herodes Antipas.

Salmos 38:11

Na ỹataqta ñauochaxauapi, qataq ivira'a na ihuo' le'ecpi, ỹataqta qaỹoqteuga souaxat na laita na lli'i na ique'emaxa.

Lucas 23:55

Nache som 'alpi maye ca'attague' So Jesús co'ollaq chegoqchiguiña ye 'alhua Galilea, nataqa'en jec da ca'attaueegue so José da demeenaxaneuga aso huachiqui. Nache ỹauaachigui ye qoỹaachiguiña so lo'ocỹaxac So Jesús.

Lucas 23:27

Qaq ỹataqta qalota so ỹalleppi maye ca'attaueegue So Jesús qataq qalota aso ỹalectauopi na 'alpi. 'Enauac asomayepi nỹeetagui, na'alaqtapiguiñi, souaxat da laquicoxo.

Marcos 15:47

Nache aso María maye lma' ye Magdala, qataq aso lỹa María maye late'e so José, soomaye ilotaguilo yem qaỹachaña so lo'ocỹaxac So Jesús.

Salmos 142:4

Ñaq 'auamata'ague qome na aỹoic, yaqto' 'aula'a da qaica ca aỹem itauan, qaica ca ỹe'eguenaqa', qataq qaica ca aỹem huapegue'.

Salmos 88:18

Qataq aỹem ca'ai 'anqa'en na ñauochaxauapi qataq na ỹaỹepi, qaq nagui nda'a't da ñauochaxaua na napalaxa.

Mateo 27:61

Qaq aso María maye lma' ye Magdala, qataq aso lỹa María, nso'ootrañi, netraña so naloteuga aso huachiqui.

Da na'aqtaguec so Job 19:13

Nache Ñim Lo'onatac 'Enauacna ỹo'ot da aỹem ca'ai naqa'en na ỹaqaỹañicpi, qataq jec naqa'en na ñauochaxauapi, nache 'eeta'am naqa'en da aỹem ỹaqa'a.