Lucas 23:40 - La'aqtaqa Ñim Lo'onatac 'Enauacna 2013

⁴⁰ Qalaxaye so maiche lỹa nlaxa somaye, 'eeta': –Qalaq ¿saisheto' da 'añi'iỹa Ñim Lo'onatac 'Enauacna? Ye qomi' nache shenaqta'am nataqa'en da nhuaxanaguec namaye.

Nuevo Testamento Toba Sur

⁴⁰ Qalaxayi so maichi lÿa qataq nlaxa somayi, 'eeta': –Qalaq ¿sa ishito' da 'ayi'iÿa ñi Dios?, yi 'am nachi qoneta'am da 'anhuaxanaguec ñimayi.

Nuevo Testamento Toba Sombrero Negro

⁴⁰ Qalaĝaja ñe'me laqaya yicochaq ñe'me naigaĝaua, enapega: —¿Qo'li ja at'oiyapega ñe'me Dios, am jo'ne ouetaue da'me qademaye qane'uaĝanaguec?

Lucas 23:40 Referans Kwoze

Apocalipsis 15:4

'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»

Efesios 5:11

Qataq saishet qome da qa'aitegueua'a nam ỹo'ottacpi nam sa ỹauatton Ñim Lo'onatac 'Enauacna, cha'aye nam ỹo'ottacpi qaica ca naigui. Nachaqrata da qauachaxañiỹa nam npe'enaxacpi.

Lucas 12:5

Nachaqrata da qayi'iỹai Ñim Lo'onatac 'Enauacna Ñim saishet da nachaqrata da nqat da achaalataxac, maye nataqa'en Ñimaye huo'o naq 'enec da ỹamaxaña ca nhuaxanaqa' na 'etaxaloxoicpi ca shiỹaxaua, qom imat da nqat da nachaalataxac. Qaq 'iñi maye ishet da qayi'iỹai.

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Salmos 36:1

Da lhuennataxac ca 'etaxaloxoic, 'eeta': «Qaica ca 'enec Ñim Nataxala', na'aictaxa da huo'o ca ỹauaachigui.»

2 Crónicas 28:22

Qaq na'aictaxa co'ollaxa de'era huaigui ncogaxanataguec so nta'a Ajaz, da nache queto'ot da sa ỹalaxaguet Ñim Nataxala'.

Levítico 19:17

Saishet da choche qauacheetaigui añi qarquiyaqche ca npe'enaxac ca qarỹai. Ỹataqta qoñiỹapega, yaqto' saishet da qanhuañiỹaua'a ca ỹo'ot lle'etaxaloxo.

Mateo 8:26

Nache So Jesús 'enapeco': –¿Ta'ainco' ye qayi'i? ¡Qami' ỹataqta saq 'amaqtaq da qarpi'iỹaxaqui Ñim Lo'onatac 'Enauacna! Nache So Jesús ñesheguem, nache 'enapega so la'at qataq ana lapaxa so 'etaxat da vi'iiguet, nache 'enauac ỹe'eguelaxa da ntochiguiñi.

Lucas 23:39

Qaq som 'oonolec soua qauema naua ỹo'otta'ape maye nataqa'en qaiuaxaatauo nataqa'en isheueetac Somaye, 'eeta': –Qom 'eesa da nache 'am Nta'a Nca'alaxaqui maye 'am Lca'aguishec Ñim Lo'onatac 'Enauacna, qaq no'on da maiche 'anca'alaxaala't qataq nataqa'en qomi' 'anca'alaxatre'c.

Lucas 23:41

Qomi' ỹoqta 'itchiguiñi dam qanque'eenaxac, cha'aye maiche sesheetenaqtac dam naigui nam so'otaqtacpi maye qauem. Qaq nam na' ỹale, qalaxaye saishet da huo'o ca ỹo'ot qauem.

Mateo 20:9

Ime, nache anac som do'onataxanpi co'ollaq mashe inoxootapiguiñi aso nala'. Nache ñi 'oonolec somayepi ỹaconeguet aso lasheue ye 'oonolec na'a'q da qaisheeten da lo'onataxanaxac ca ỹale.