Lucas 23:38 - La'aqtaqa Ñim Lo'onatac 'Enauacna 2013

³⁸ Qaq huo'o som nerec maye neta'aguet na lsheenec pa'asheguem so npe'enaxaqui maye 'eeta': «'Ena na Lta'a na judiopi.»

Nuevo Testamento Toba Sur

³⁸ Qaq huo'o som nedec mayi qoÿittalec na pa'ashiguem, huetalguete naua l'aqtaqa na griegopi qataq na latinopi qataq na hebreopi, 'eeta': “Ñimayi nachiñi ñi lta'a na judiopi.”

Nuevo Testamento Toba Sombrero Negro

³⁸ Nataq'aen 'uo ca'li ga'me qoyedelegue jo'ne nalocheje'ma ga'me laqaic, enaac: “Jenjo' mach'e lejaliaĝane'j ga'me judiopi.”

Lucas 23:38 Referans Kwoze

Marcos 15:26

Qaq som qoỹettalec da lasouaxashet somaye huetalec da 'eeta': «'Ena na lta'a na judiopi.»

Lucas 23:3

Nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Marcos 15:32

Ñimaye 'eetega da Lca'aguishec Ñim Lo'onatac 'Enauacna qataq lta'a na Israel le'ecpi. ¡Da sauanaqchigui da huenoteeguesop ñi npe'enaxaqui, nache ishet da sa'amaqtenaq Ñimaye!» Nataqa'en soua cachaxaiqa maye qaiuaxaatrauo, huaqta'ato So Jesús, isheueetrac Somaye.

Juan 19:3

Qaq co'ollaq ime, nache qanquigueua'a Somaye, nache qoỹeetega, qoỹeeta': –¡La', 'am maye 'am Lta'a na judiopi! Nache qaiuaxaatapigui na lashec.

Marcos 15:18

Nache ỹachegoxotchiguiña da ỹe'eetac Somaye qataq ỹa'alaqtalec 'eeta': «¡La', 'am maye 'am lta'a na judiopi!»

Mateo 27:11

So Jesús co'ollaq mashe datato'ot so Pilato, nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Mateo 2:2

Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.