Lucas 23:35 - La'aqtaqa Ñim Lo'onatac 'Enauacna 2013

³⁵ Qaq 'enauac na shiỹaxauapi imeteetac Somaye qataq nam lataxala'pi namayepi ỹe'eetac, 'eeta': –Nca'alaxatec naxa ca lỹa. Qaq nagui, qaq no'on da maiche nca'alaxaala't, qom ỹoqta 'eesa da nacheñi ñi Nta'a Nca'alaxaqui maye lca'aguishec Ñim Lo'onatac 'Enauacna.

Nuevo Testamento Toba Sur

³⁵ Qaq 'enauac na shiÿaxauapi imeteetac somayi qataq ivida'a nam nta'alpi ÿi'iitac, 'eeta': –Nca'alaxateecnaxa ca lÿa. Qaq nagui, qaq no'on da maichi nca'alaxajla't, qom ÿoqta 'eesa nachiñi ñi nta'a nca'alaxaqui mayi lca'aguishic ñi Dios.

Nuevo Testamento Toba Sombrero Negro

³⁵ Nach'e ena'am ue'tedi ga'me jiyaĝadipi yec'atetedac; nataq'aen chayovida'alo gaa'me jaliaĝanaqa ye'uetedac joñe'me, enapega't: —Yaqanatet da'me nec'alaĝatedegue gaa'me laqaya'; 'noota da'me mach'e nec'alaĝatela't nayi, qom eja naqaeñe Liquiyac ñe'me Dios.

Lucas 23:35 Referans Kwoze

Salmos 22:17

Nache ishet da ñaloqten 'enauac na ipi'inecpi. Qaq na ñepa'aguenaxauapi qalaq ỹataqta aỹem ilotagui.

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

1 Pedro 2:4

Qami' qoñiita'am ca coma' maye nca'altauec, maye iueetac Ñim Lo'onatac 'Enauacna da no'oxoosheguem aca lo'onaxanaxaqui maye saqcha'a. Qaq ỹoqo'oye qanquiquiỹot So Jesucristo, cha'aye nacheso so coma' nca'altauec, qataq ỹo'otan na shiỹaxauapi co'ollaxa. Qalaxaye Ñim Lo'onatac 'Enauacna lca'aguishec co'ollaxa Somaye da 'eeta'am naqa'en ca coma' maye ỹactec da lyac. Nataqa'en qami' no'o'n ltaxaỹaxanaxanaqa na shiỹaxauapi da qaitaxaỹapegue' Ñim Lo'onatac 'Enauacna qataq chegoqchigui So Jesucristo da qaỹa'añiỹot Ñim Lo'onatac 'Enauacna ana nachetaqtaxanaqte maye ỹaỹamaxareeta Ñimaye.

Lucas 16:14

Nache hua'aqtega 'enauac de'era nam fariseopi maye ỹataqta lqopitaxat da nsallaxa, nache ỹe'eetac So Jesús.

Mateo 12:18

«¡Ñaq qauloỹa na ica'aguishec, nam maiche seỹaxana da yaqto' Aỹem do'onataxanot! Aỹem ỹataqta ỹauotaxat namaye. Namaye ỹataqta Aỹem nlaxatchigui da ñetonaxac. Qaq Aỹem sanaigui namaye da lta'araic Saqcha'a Ỹa'añaxac, da yaqto' ỹa'axatem da nalochiguiñi lataxac, 'enauac nam ỹotta'a't shiỹaxauapi.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Lamentaciones 3:14

Qaq 'enauac nam ihuo' le'ecpi ỹataqta aỹem ỹe'eetac, qaq nache imauec ye na'a'q da nache aỹemta da aỹem ỹe'eetac.

Isaías 49:7

Ñim Nataxala' maye Ca'alaqtaxanaxaic, Ñim Qui'itta natamnaxala' na Israel le'ecpi, 'enapega na shiỹaxauapi maye ỹataqta saq qaiyacnapec, nam lqaigaxat na laỹepi shiỹaxauapi, nam l-latac co'ollaxa nam qaica ca ireetacpi Ñimaye, 'eeta': «Qom 'am ila'a na nta'alpi qataq nam 'amaqtaqaicpi, nache nachaañi qome qataq 'am ỹa'aroto naua l-llecte, cha'aye Aỹem Nataxala', maye Qui'itta natamnaxala' na Israel le'ecpi, 'am lleca'aguishec co'ollaxa, qaq sepacchigui qome nam sachaxanapecpi.»

Salmos 71:11

Nache 'eeta': «Ña qaucañiỹapec qataq qauacoñiiua'a, cha'aye Ñim Lo'onatac 'Enauacna mashe ca'ai, nache qaica ca ishet da nca'alaxatec.»

Salmos 69:26

Cha'aye namayepi icaatac na 'auo'ot da nque'eenaxac, qataq ỹe'eetac da nqui'ic na 'auo'ot da lque'emaxa.

Salmos 35:15

Qalaxaye co'ollaq souañi, nache 'enauac namayepi da aỹem lashetac, 'eeta'am ca ỹaqa'a ca chegaqa'ague qataq da saqaỹauatton, nache ỹataqta ỹe'eguelaqtalec da aỹem saiyacnapec.

Salmos 4:2

Qaq qami' maye qaupi'itaxañiitega da qami' 'amaqtaqaiqa, ¿che laguio' da qaỹa'axañiiñi da aỹem qaunogoqchichiitac? Qataq ¿che laguio' da qaỹa'axañiiñi da qanmichiitaique na qaica ca naigui?

Lucas 23:13

Nache so Pilato lapona't so lataxala'pi na ntaxaỹaxanaxanecpi qataq nam lataxala'pi na shiỹaxauapi.

Lucas 23:39

Qaq som 'oonolec soua qauema naua ỹo'otta'ape maye nataqa'en qaiuaxaatauo nataqa'en isheueetac Somaye, 'eeta': –Qom 'eesa da nache 'am Nta'a Nca'alaxaqui maye 'am Lca'aguishec Ñim Lo'onatac 'Enauacna, qaq no'on da maiche 'anca'alaxaala't qataq nataqa'en qomi' 'anca'alaxatre'c.