Lucas 23:34 - La'aqtaqa Ñim Lo'onatac 'Enauacna 2013

³⁴ [Nache So Jesús 'eeta': –'Am Ita'a, 'auchoxoren namayepi, cha'aye sa ỹaỹaten dam ỹo'ottac.] Ime, nache som huataxanaqpi nallettapiguilo soua alogo So Jesús da chaq negue't ca taleguete soomaye.

Nuevo Testamento Toba Sur

³⁴ Qaq co'ollaq mashi qaiuaxaatapegueuo so Jesús, nachi 'eeta': –'Am ita'a, 'auchoxoden qome namayipi, cha'ayi sa ÿaÿaten dam i'ottac. Nachi som huataxanaqpi nallittapiguilo soua alogo so Jesús da chaq negue't ca talguete soomayi.

Nuevo Testamento Toba Sombrero Negro

³⁴ Jesús enaac: —Taĝadena', auapalaĝat da'me dojo' laviyaĝa'j, qa'a ja yayate'n ga'me yauote. Qama'le jogaa'me coico laje' nalichiguilo ga'me leuo ñe'me Jesús qaedi ua'ajop da'me tachigui.

Lucas 23:34 Referans Kwoze

Mateo 5:44

Qalaxaye nagui Aỹem shenapec da ỹataqta qauauochec ca qami' ipa'agueeta'ape, qataq qanqouagaxauñiitalec cam saq qami' iyacna'ape.

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Romanos 12:14

Qataq saishet da qauasaqailec ca qauem qara'aqtaqui nam saq qami' iyacna'ape. Nachaqrata da qauỹaxañiỹot Ñim Lo'onatac 'Enauacna, da yaqto' ỹanem ca no'on llecỹaxac namayepi.

1 Corintios 2:8

Qaq ỹoqta 'eesa da lhuennataxac Ñim Lo'onatac 'Enauacna da saishet da ỹaỹaten nam damaxasoxonapecpi maye lma' ana'ana 'alhua. Cha'ayectaxa da ỹaỹaten, nache saishettaxa da ỹalauat so ỹo'oxoraic Qarataxala' da iuaxaneguet so npe'enaxaqui Som lalamaxat da achaalataxac.

Salmos 22:18

Qataq qanallichiguilo soua aỹogo, da yaqto' qaỹaỹaten negue't ca taỹoto soomaye.

Génesis 50:17

da 'am sa'aqtaxanaxam da la'aqtac maye 'eeta': Aỹem 'arqouaguec qome, 'am seỹaxanot da 'auchoxoren da sa ỹaỹamaxañi maye 'am ỹo'otec naua 'arqaỹa't, cha'aye naamaye ỹataqta qauem da 'am ỹo'otec. Qaq ỹoqo'oye nagui 'am ñachoxonnaqot da qomi' 'auchoxore'n cha'aye qomi' lamaxa'she Ñim Natamnaxala' so 'arta'a.» Qaq soua namaxa'she co'ollaq ña ỹa'axattrac de'era na'aqtac, nache so José nỹeetac.

Isaías 53:12

Qaq ỹoqo'oye Ñim Lo'onatac 'Enauacna ỹanem da ỹalectaigui na 'amaqtaqaicpi qataq ỹalectaigui na 'añaxaicpi da dauegaxan, cha'aye nañaneguet co'ollaxa da nleuaxa qataq da ỹalectaigui qanqa'en na qauemaicpi, qamaq somaye ỹache na lasouaxashetpi na qalota shiỹaxauapi qataq detaqteguelec nam 'etaxaloxoicpi.

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

Hechos 3:17

Qaq aỹem saỹaten, qami' ỹaqaỹa't, da co'ollaq qami' qataq nam qarataxala'aipi qaualauache So Jesús, qalaq saishet da ỹoqta qauaỹaañita dam qauo'ocheetac.

1 Corintios 4:12

Ñasamaxañi souaxat na yo'oqchigui qaro'onatac. Na shiỹaxauapi qomi' isheueetaleguete, qalaq qomi' seroxoleguete naua qartaxaỹaxaco ỹaỹamaqchiyiñi. Qomi' qaicaata'ape, qalaq ña'añaxataxaguet da qancanaguec.

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Juan 19:11

Nache So Jesús 'enapeco': –'Am qaica ca qonec da huo'otaq saishet da 'am ỹanem Ñim Lo'onatac 'Enauacna ca 'ara'añaxac, da yaqto' ishet da huo'o ca 'auo'otec Aỹem. Qaq ỹoqo'oye cam Aỹem ỹaneua'a 'am, camaye ỹataqta ỹactec da lta'araic da lasouaxashet, qaq saq 'ena'am da qoneta.

Marcos 15:24

Qaq co'ollaq ime da qaiuaxaneuo, nache qanallichiguilo soua alogo da yaqto' qaỹaỹaten da negue't ca taleguete soomaye.

Mateo 11:26

Aja', 'am Ita'a, cha'aye nachera dam maiche 'arhuennataxac.»

Lucas 22:42

Nache, 'eeta': –'Am Ita'a, da 'aushet, qaq no'on da saishet da Aỹem 'apagaqna'aguet de'era que'eenaxac. Qalaxaye saishet qome da 'auo'ot ca maiche sheetapeguec, nachaqcata ca maiche qonetapeguec.

Juan 17:9

Qaq Aỹem 'am ñachoxonnot, souaxat naamaye. Qaq saishet da ñachoxoreetapeguelec nam huetalec ana 'alhua, nachaqnauate' naua Aỹem 'aỹa'anema, cha'aye 'aralamqa'ate.

Hechos 16:28

Qalaxaye so Pablo ỹa'alaxalec somaye, 'eeta': –Saishet da maiche 'analaala't, cha'aye qomi' 'enauac ñaloqta't.