Lucas 23:33 - La'aqtaqa Ñim Lo'onatac 'Enauacna 2013

³³ Qaq co'ollaq mashe ivireuga som 'alhua maye le'enaxat «Nqaic Lpi'inec», nache iuaxaneuo So Jesús, qataq nataqa'en soua dos maye ỹo'otta'ape naua qauema. So 'oonolec ỹana'ague da aloic So Jesús, qaq so lỹa qalaq ỹana'ague da ne'emaq.

Nuevo Testamento Toba Sur

³³ Qaq co'ollaq mashi qaiviteuga som 'alhua mayi l'enaxat nqaic lpi'inec, nachi qaiuaxaneuo so Jesús qataq nataq'en soua dos mayi l'onataqa naua qauema. So 'oonolec qoÿana'ague na aloic, qaq so lÿa qalaq qoÿana'ague na n'emaq.

Nuevo Testamento Toba Sombrero Negro

³³ Ca'li yovideta ga'me comadaĝa lenaĝat Naqaic P'inec, qama'le qoyep'enajeguem ñe'me Jesús nataq'aen jogaa'me dojolqa 'me qaleuaĝayaqa, onolec ga'me p'aye ga'me yayaten, ga'me laqaya p'aye ga'me 'nemaq.

Lucas 23:33 Referans Kwoze

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Juan 18:32

Huaña, nache ỹataqta ipacchigui da 'enapec So Jesús co'ollaq ỹa'axata'a da 'eetec qome da nalaataguec.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Deuteronómio 21:23

nache saishet da iviraigui qanqa'eñi ca pe da naxattañi da netasheguemec aca qo'oipaq, nacherata da nache qaulayiiñi que'eca na'a'q. Cha'aye ca qaicoñerasheguem da qaỹalauat, camaye mashe talec da qauem la'aqtac Ñim Lo'onatac 'Enauacna. Qaq ỹoqo'oye saishet qome da qana'axache yi'iye 'alhua maye qami' ỹanema qome Ñim Nataxala' maye Qanatamnaxala'ai.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Hechos 13:29

Qaq co'ollaq ime da qaỹo'otec Somaye 'enauac nam ỹa'axatta'a co'ollaxa naua na'aqtaqa maye nanettrañi, nache qanqateeguesop so npe'enaxaqui, nache qailareñi.

Hechos 5:30

Qami' qaualauache So Jesús, qauaxañiiguet so npe'enaxaqui, qalaxaye Ñim Lo'onatac 'Enauacna maye ỹo'oxoreetac so hua'au qarta'alpi qaltaq nca'alaxatec Somaye.

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Juan 3:14

Qaq de'era 'eetec co'ollaxa so Moisés da ỹanasheguem so le'enaqtac na'araxanaq co'ollaq hualec so toolec 'alhua, qaq nache 'eetec nataqa'en da qoỹanasheguem qome na Shiỹaxaua Llalec,

Lucas 24:7

«Aỹem Shiỹaxaua Llalec Aỹem qoỹanoigui qome na 'etaxaloxoicpi, da yaqto' Aỹem qaiuaxaneuo, qalaxaye qom mashe ivi' caua tres na'axa'te, nache qaltaq ñeca'alec.»

Mateo 26:2

«Qami' qauaỹaañi da qom inoxoore'c ne'enaua dos na'axa'te, nache nnoxoneuo ca Lapascua. Nache huaigui qome da Aỹem Shiỹaxaua Llalec Aỹem qaỹaconeua'a, qataq Aỹem qaỹalauat Aỹem qaiuaxaata'aguet ca ñepe'enaxaqui.»

Mateo 20:19

qataq Aỹem ỹaneua'a nam ỹaqa'a ca chegaqa'ague, da yaqto' Aỹem ỹe'en, qataq Aỹem iuaxaatac, ime, qaq Aỹem ỹalauat Aỹem iuaxaata'aguet ca ñepe'enaxaqui. Qalaxaye qom mashe inoxoore'c caua tres na'axa'te, nache qaltaq ñeca'alec.»

Salmos 22:16

Qaq so qalota qauemaicpi qalaq 'eeta'am na pioxoppi da aỹem coleesop, nache aỹem nanaxachigui, nache icolaxatta'ape naua ihua'q qataq naua ichel.