Lucas 23:30 - La'aqtaqa Ñim Lo'onatac 'Enauacna 2013

³⁰ Huaña qome, nache na shiỹaxauapi 'enapega ana qaỹoqotcheguemec 'alhuapi, 'eeta': «Ña qomi' qaupataqaiyiñi.» Qataq 'enapega ana comarelecpi, 'eeta': «Ña qomi' qo'oxochiiyiñi.»

Nuevo Testamento Toba Sur

³⁰ Huaña, nachi na shiÿaxauapi 'enapega ana qasoxonaxapi, 'eeta': “Ña qomi' 'aupataxayiñi qome.” Qataq qoÿinapega ana comadelecpi, qoÿiita': “Ña qomi' 'ai'oxooyiñi qome.”

Nuevo Testamento Toba Sombrero Negro

³⁰ Nataq'aen enapega't jo': «¡Chiliajaĝa qo'mi yep'aĝadiñe gaa'me qajoĝona'a!» nataq'aen: «¡Chiliajaĝa qo'mi yoĝochidiñe gaa'me comada'a!»

Lucas 23:30 Referans Kwoze

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!

Oseas 10:8

Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

Isaías 2:19

Qom ivita da nachaañi Ñim Nataxala', da imattalec naqa'en ana 'alhua da lchec, nache na shiỹaxauapi nqañoxotoigui qome na lauacpi ana coma'pi qataq na lpoxoỹaxapi ana 'alhua, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye.

Apocalipsis 9:6

Qaq qom qanayeetaiguilo que'ecaua cinco ca'agoxoiqa, nache na shiỹaxauapi maye qaisoc co'ollaxa, ỹataqta huo'o da lyaxa da nache ileu, qalaxaye saishet da ileu. Cha'aye da nleuaxa qalaq 'eeta'am da dataueeguesop namayepi.

Isaías 2:20

Qaq que'eca na'a'q nache ca shiỹaxaua ỹasaxauec qome ca ne'enaqtac maye natamnaxala', ỹanem aca chegoxonaxapi qataq micaipi, cam ne'enaqtac atamnaxala'pi maye chegaqaigui na oro qataq na plata, maye maiche lo'onatac co'ollaxa da yaqto' natameetacot.

Lucas 23:31

Cha'aye da Aỹem qaica ca so'ot sa ỹaỹamaxañi, nache Aỹem qaỹalauat, qaq ¿chaq qoỹeetec cam ỹo'ottac ca sa ỹaỹamaxañi?