Lucas 23:27 - La'aqtaqa Ñim Lo'onatac 'Enauacna 2013

²⁷ Qaq ỹataqta qalota so ỹalleppi maye ca'attaueegue So Jesús qataq qalota aso ỹalectauopi na 'alpi. 'Enauac asomayepi nỹeetagui, na'alaqtapiguiñi, souaxat da laquicoxo.

Nuevo Testamento Toba Sur

²⁷ Qaq ÿataqta qalota so shiÿaxauapi mayi ca'attauo qataq so 'alpi. 'Enauac asomayipi noÿiitagui, n'alaqtapiguiñi, souaxat da daquigoigue somayi.

Nuevo Testamento Toba Sombrero Negro

²⁷ Jalcote ga'me jiyaĝadipi quetedapegue' joñe'me, nataq'aen jalcote gaa'me yauodipi jo'ne noye'tape nataq'aen 'yalaqatedapeguem da'me lemalaqataĝanaĝa'j jouaĝat joñe'me.

Lucas 23:27 Referans Kwoze

Lucas 8:2

nataqa'en qalota so 'alpi. Se'eso 'alpi itauaateguec ana alom co'ollaxa So Jesús qataq soua lapaxaguenataqa. Huo'o asomayepi co'ollaxa da So Jesús, nataren na ỹotta'a't lalolaxapi qataq ỹo'orauec na saqcha'a na'añaxacpi leguemaxaicpi. Qaq ỹalectaigui asomayepi aso María maye Magdala lashe asom chegaqaigui co'olloxocheye soua siete saqcha'a na'añaxac leguemaxaicpi. Nataqa'en ỹalectauo aso Juana qataq aso Susana. Aso Juana lhua so le'enaxat Cuza, som ilotague' ca lma' qataq da lsallaxa so Herodes Antipas.

Marcos 15:40

Nataqa'en huo'o so qalota 'alpi ilotaua'a Somaye qaỹoqteuga. Qaq asomayepi ỹalectaigui aso María maye lma' ye Magdala, qataq aso Salomé qataq aso María maye late'e so José qataq Santiago som na'asa.

Lucas 23:55

Nache som 'alpi maye ca'attague' So Jesús co'ollaq chegoqchiguiña ye 'alhua Galilea, nataqa'en jec da ca'attaueegue so José da demeenaxaneuga aso huachiqui. Nache ỹauaachigui ye qoỹaachiguiña so lo'ocỹaxac So Jesús.

Mateo 27:55

Nataqa'en qalota so 'alpi qaỹoqteuga da demeenaxatac, asomayepi ca'attague' co'ollaxa So Jesús, qataq itauaatac Somaye co'ollaq chegoqta'ague da Galilea.

Salmos 22:17

Nache ishet da ñaloqten 'enauac na ipi'inecpi. Qaq na ñepa'aguenaxauapi qalaq ỹataqta aỹem ilotagui.

Mateo 11:17

«Sasheeraqtapiguilo naua qarasheerel, qalaq qami' saishet da qauasoche; qataq so'onaqta'ape naua no'onqa maye daquicote', qalaq saishet da qanỹeñi.»

Lucas 23:28

Nache So Jesús ỹamata'aguet asomayepi, nache 'enapega, 'eeta': –Qami' 'alpi maye qarmaye na Jerusalén, saishet qome da Aỹem qanỹeñiilec. Chaqrata qome da maiche qanỹeñiila't, qataq qanỹeñiilec na qaỹa'alquipi.

Juan 16:20

Ỹataqta 'eesa de'era qami' sa'axatema nagui, da qami' qome ỹataqta qauaquicoita qataq qanỹiñiitac; qalaxaye na shiỹaxauapi maye ndota't da iuennatega na lataxacpi maye huetalec ana 'alhua, namayepi ỹataqta machiguiñi. Qalaxaye na'aictaxa da qami' ỹataqta qauaquicoita, qalaxaye de'era qaraquicoqoi, damaye nmeneguet qome ca qantonaxaqui.