Lucas 23:26 - La'aqtaqa Ñim Lo'onatac 'Enauacna 2013

²⁶ So huataxanaqpi co'ollaq ỹauegueueegue da laỹe ye nỹecpi So Jesús da ỹauotaique da iuaxaneuo, nache qanatena'aguet so ỹale, le'enaxat Simón, maye lma' ye nỹecpi le'enaxat Cirene. Somaye chegaqauga na no'onaxa. Nache qaỹachelec somaye so npe'enaxaqui So Jesús, nache ca'attaueegue qanqa'en Somaye.

Nuevo Testamento Toba Sur

²⁶ Qaq co'ollaq mashi qaÿauec so Jesús da qaÿauotaique da qaiuaxaneuo, nachi qaÿaconeu'a so shiÿaxaua, l'enaxat Simón, mayi lma' yi Cirene. Somayi chigaqauga na n'onaxa. Nachi qaÿachilec somayi so npe'enaxaqui so Jesús, nachi ca'attaueegue qanqoÿin somayi.

Nuevo Testamento Toba Sombrero Negro

²⁶ Ca'li gaa'me coico laje' male yaue'j ñe'me Jesús qaedi yep'edajeguem, yiyaĝata ñe'me jiyaĝaua jo'ne Cirene le'ec, lenaĝat Simón, jo'ne yemta chiyoĝogue ga'me 'nonaĝa, qama'le e'n yep'etac jaga'me sodoso da'me dajota'ye ñe'me Jesús.

Lucas 23:26 Referans Kwoze

Hechos 6:9

Nache huo'oi soua chegaqa'alo aca napaxaguenaxaqui na judiopi maye qaỹamata'ac Napaxaguenaxaqui na Ỹalleppi Huesochiguiñi, huaxaiguet so chegaqa'a ye nỹecpi ye Cirene, qataq ye nỹecpi ye Alejandría, qataq ye 'alhua Cilicia, qataq ye 'alhua Asia. Nache soomaye ncotatague' so Esteban.

Hechos 6:6

Qaq co'ollaq ime, nache soomaye qaỹauegueua'alo soua Jesús lamaxa'she, nache soomaye ỹashel-lec na lqaic ñi 'oonolec da nqouagaxaueeleguete.

Hechos 2:10

qataq ye Frigia, qataq ye Panfilia, qataq ye Egipto, qataq dam laỹe ye nỹecpi ye Cirene maye na'ague da sheu' yem 'alhua África. Nataqa'en huo'o na chegaqa'a ye nỹecpi ye Roma maye hueta'a ne'ena, qaq namayepi huo'o na chegoqteuo da judío llalec, qataq huo'o na saishet da judío le'ec, qalaxaye quegue da la'amqaanataxanaxac namayepi.

Lucas 14:27

Qataq ca Aỹem quegue, da huo'otaq saishet da lhuennataxa da Aỹem ileetalec, qaq camaye saishet da ỹapaxaguenatac.

Lucas 9:23

Ime, nache So Jesús 'enapega 'enauac so hueta'a yi'iye, 'eeta': «Ca nshetaique da ỹapaxaguenatac, nache camaye iuen da icoua'ai da ỹo'ot ca maiche 'eetapeguec. Qataq iuen da lhuotta da Aỹem ileualec qataq da ỹo'ot ca samaxalec.

Hechos 13:1

Qaq nam ỹa'amaqten So Jesús maye netaña ye nỹecpi ye Antioquía huo'oi soua la'aqtaxanaxanaqa Ñim Lo'onatac 'Enauacna, qataq huo'oi soua dapaxaguenataxaata'ape. Qaq naua le'enaqa'ate soomaye Bernabé, qataq so Simón (da lỹa le'enaxat Hueraic), qataq so Lucio, maye lma' ye nỹecpi ye Cirene, qataq so Menahem (som nacta'ai' co'ollaxa so nta'a Herodes maye ilotague' ye 'alhua Galilea), qataq so Saulo.

Lucas 23:25

Nache isouec som ỹale maye lca'ateua'a somayepi, som qoỹaataigui aso ncoñetaxanaxaqui souaxat co'ollaq npa'aguene' so lta'a na nta'alpi qataq souaxat da laataxanaxaic. Nache ỹanoigui somayepi So Jesús da maiche ỹoiqueetac.

Mateo 5:41

Qataq da huo'o ca huataxanaq le'ec da 'am 'enapega da 'auache ca lla'ac da 'aviraxata'a ca laloqnec, nache 'am iuen da 'anquigaxattec ca tachiguiña da 'anqaañi camaye.