Lucas 23:23 - La'aqtaqa Ñim Lo'onatac 'Enauacna 2013

²³ Qalaxaye so shiỹaxauapi ỹataqta ỹe'eguelaqtalec da iỹaxaatapegueua'a So Jesús da ña qaiuaxaneuo. Qaq co'ollaq ỹaguec da la'alaxac somayepi, nache ivitta'a da ỹañoxot dam 'eetapeguec.

Nuevo Testamento Toba Sur

²³ Qalaxayi somayipi ÿataqta ÿi'iguelaqtalec da qaiÿaxaatapegueu'a so Jesús da ña qaiuaxaneuo. Qaq co'ollaq ÿagueec da l'alaxac somayipi qataq som lataxala'pi na ntaxaÿaxanaxanecpi, nachi ivitta'a da qaÿañoxot dam qoÿiitapeguec.

Nuevo Testamento Toba Sombrero Negro

²³ Qalaĝaja jogaa'me yepalatedapega, niyaĝatedapejeguem yepaquetedapega da'me qoyep'enajeguem; nataq'aen queda'me ja najataĝaic da'me liyaĝanaĝa'j qama'le yaqanate't ga'me yepaquetedapega.

Lucas 23:23 Referans Kwoze

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

Lucas 23:5

Qalaxaye somayepi ỹe'eguelaxalec da la'aqtac ỹataqta na'axannec, 'eeta': –Namaye ỹasouaxattega't na shiỹaxauapi maye netaña na Judea, souaxat da lapaxaguenataxanaxac. Chegoqchiguiña ye 'alhua Galilea, qaq nagui qataq nvitta'a ne'ena souaqta'a.

Marcos 14:31

Qalaxaye so Pedro ỹataqta ỹe'eguelaxattalec da la'aqtac, 'eeta': –Na'aictaxa da aỹem qaỹalauat, qalaxaye saishet qome da shenapec da 'am sa sauatton. Nache soua lỹa't napaxaguenataqa, ima'ague de'era la'aqtac somaye.

Lucas 23:22

Qaltaq ỹe'eguelaxalec so Pilato da 'enapega somayepi, 'eeta': –Qaq ¿negue'to' ca ỹo'ot sa ỹaỹamaxañi damaye? Ye aỹem qaica ca sanata lasouaxashet da huo'otaq naigui da qaỹauo'o ca nalaataguec. Aỹem choche samaxasoxoolec qome damaye da qaiuaxan, qaq qom ime, nache saxanec.

Lucas 23:24

Huaña, nache so Pilato nañoxot da ỹasateguet da 'eetapeguec somayepi.