Lucas 23:2 - La'aqtaqa Ñim Lo'onatac 'Enauacna 2013

² Huaña, nache somayepi ỹauo'o na ỹasaqteguelec da 'eetega lasouaxashet Somaye, 'eeta': –Qomi' selaqalec de'era ỹale da ỹataqta taỹa't naqa'en na qarhuo' le'ecpi. Qataq 'eetega da saishet da sesheetenaq ñi lta'a na nta'alpi maye netaña ye Roma, qataq 'eetega da nachera dam Lca'aguishec Ñim Lo'onatac 'Enauacna.

Nuevo Testamento Toba Sur

² Huaña, nachi qaÿauo'o na qaÿasaxalecpi qoÿiitega lasouaxashit, qoÿiita': –Qomi' selaqalec de'eda shiÿaxaua da ÿataqta taÿa't naq'en na qadhuo' l'ecpi. Qataq 'eetega da sa ishit da seshiitenaq ñi lta'a na nta'alpi mayi netaña yi Roma, qataq 'eetega da nachida dam nta'a nca'alaxaqui.

Nuevo Testamento Toba Sombrero Negro

² Da'me qodajoya'aguet joñe'me, paja'a qoyechoĝot ga'me jo'ne qoyen uajouem, enapega't: —Jejomaqalegue jenjo' jiyaĝaua jo'ne ja en 'te niyamaĝa jena'me mach'e qa'naleua. 'Yaĝatetac da'me 'noota ta'le ja jejetenaq ñe'me jaliaĝane'j ga'me Roma laje'. Nataq'aen ja yalajaĝa'ta da'me 'laqatac da'me eetapela't nach'ena Dios Liquiyac, jo'ne qodajolegue.

Lucas 23:2 Referans Kwoze

Juan 19:12

Huaña, nache so Pilato nmittaique ca lataxac, da yaqto' ishet da isouec So Jesús, qalaxaye na judiopi ỹataqta ỹa'alaqtagui, 'eeta': –¡Da 'am 'ausouec damaye, nache saishet qone' da 'anauochaxaua ñim lta'a na nta'alpi maye neta'ague da Roma! ¡Cha'aye camachaqca ca huotaique da maiche ỹoiqueetac ca ỹo'ot da 'eetega da nta'a, nache camaye npa'aguenaxaua ñim lta'a na nta'alpi!

Lucas 23:14

Nache 'enapega, 'eeta': –Qami' aỹem qanaviquiiua'a de'era ỹale, qoñiitega da nachera da ỹasouaxattega't na shiỹaxauapi. Qaq aỹem sogote da sechemaxattega damaye, qalaxaye saishet da huo'o ca sanata da 'eesa nam qauasaqaitapeguelec lasouaxashet damaye.

Hechos 24:5

Cha'aye qomi' selaqalec ñi'iñi ỹale da ỹataqta sa qomi' ỹalemaxa't. Ỹataqta coleetac ivirapiguiñi, nache ỹo'ot da qomi' judiopi ñepa'aguenaxa't. Ñimaye nacheñi ñim lataxala' na ỹalleppi qataq 'alpi nam le'enaxat Nazarenos.

Juan 18:30

Nache somayepi 'enapeco': –Damaye da saishettaxa da qauemaic, nache saishet da 'am ñauegaxaua'a.

Marcos 12:17

Nache So Jesús 'enapego' somayepi, 'eeta': –Qaỹa'añim qome ñim lta'a na nta'alpi cam maiche lalamaxat ñimaye, qataq Ñim Lo'onatac 'Enauacna qaỹa'añim ca maiche lalamaxat. Nache co'ollaq qaỹa'axaỹa da la'aqtac So Jesús, nache somayepi ỹataqta lta'araic da la'aalaxa.

Mateo 22:21

Nache somayepi 'eeta': –Qomye nacheñi ñi lta'a na nta'alpi maye netaña ye Roma. Nache So Jesús 'enapeco': –Qaỹa'añim qome ñim lta'a na nta'alpi cam lalamaxat ñimaye, qaq Ñim Lo'onatac 'Enauacna qalaq qaỹa'añim cam maiche lalamaxat nataqa'en.

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

Jeremías 38:4

Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Salmos 62:4

Qataq nda'a't da qarhuennataxaqui da aỹem qauamaqaiñi, qataq qanqopichiỹa da natenataxanaxac. Qataq ndotrec naua qara'aqtaqalle' da aỹem qavio'oxoyiñiitac, qalaxaye da qarhuennataxaqui aỹem ilattapiguiñi.

Hechos 24:13

Qaq ne'ena shiỹaxauapi saishet da huo'o ca ỹoqta 'eesa 'enauac nam 'eetega da ỹasouaxashet.

Lucas 23:5

Qalaxaye somayepi ỹe'eguelaxalec da la'aqtac ỹataqta na'axannec, 'eeta': –Namaye ỹasouaxattega't na shiỹaxauapi maye netaña na Judea, souaxat da lapaxaguenataxanaxac. Chegoqchiguiña ye 'alhua Galilea, qaq nagui qataq nvitta'a ne'ena souaqta'a.

Mateo 17:27

Qalaxaye da yaqto' saishet da dalemata nam lapootega't ana nsheetenaxanaqte, nache no'on da 'anqo'onaxaama qome aso auaxai, ime, nache 'auasaxañi aca 'arqoina. Qaq ca hua'auchiguiñi 'arqoishec nỹaq camaye 'auauachigui na alap qome, nache 'aulalec aca anom lcatole. Nache 'auacona acamaye, nache 'aỹa'aneuo aca isheetenaxanaqte qataq aca 'arsheetenaxanaqte.

Amós 7:10

Qaq so Amasías, maye ntaxaỹaxanaxanec ye Betel, ỹamaxa da la'aqtac so Jeroboán, maye nta'a ye Israel, 'eeta': «So Amós, quetagui na Israel le'ecpi da 'am quetapeguelec, qaq ne'ena shiỹaxauapi sa iuen da nache queta da na'axaỹaxaatega somaye.

Salmos 35:11

Nachaañi na saq'en na'aqtaxanaxanecpi, nache aỹem inattac denataxaateguec na saishet da saỹaten.

1 Reyes 18:17

Nache co'ollaq choche ila'a somaye, nache 'enapega, 'eeta': ¿Qache nache 'amo' maye 'auo'ottac da qaica ca laỹamqa' na Israel le'ecpi?

Mateo 27:11

So Jesús co'ollaq mashe datato'ot so Pilato, nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Marcos 15:2

Nache so Pilato inattac So Jesús, 'eeta': –¿Ỹataqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Juan 18:29

Qaq ỹoqo'oye so nta'a Pilato npa'auec co'ollaxa, nache inattac somayepi, 'eeta': –¿Negue't cam qauasaqaitapeguelec da lasouaxashet de'era ỹale?

Romanos 13:7

Qaq ỹoqo'oye iuen da ñi 'oonolec shiỹaxaua isheeten acam iuen da isheeten, da huo'otaq nachañi añi iỹaxanaique ca nta'a huo'otaq aca qalaỹootega't ntaunaxanaqte, huo'otaq cam iuen da huo'o naq 'enec qanqa'en huo'otaq souaxat da huo'o da nauoche.