Lucas 23:16 - La'aqtaqa Ñim Lo'onatac 'Enauacna 2013

¹⁶ Ỹoqo'oye aỹem choche samaxasoxoolec qome da qaiuaxan damaye, qaq qom ime, nache saxanec.

Nuevo Testamento Toba Sur

¹⁶ Qaq aÿim samaxasoxoolec qome da qaiuaxan damayi, qaq qom ime, nachi saxaneec.

Nuevo Testamento Toba Sombrero Negro

^16-17 Chane'eja, nayi ja'uo da'me ne'uaĝanaguec, yem qama'le jajeta da'me ec.

Lucas 23:16 Referans Kwoze

Mateo 27:26

Nache so Pilato isouec so Barrabás. Ime, nache damaxasoxoolec So Jesús da qairolec so nhuaxanaxanaxat da qaiuaxan na l-laq, qataq ỹanec da yaqto' qaiuaxaneuo.

Lucas 23:22

Qaltaq ỹe'eguelaxalec so Pilato da 'enapega somayepi, 'eeta': –Qaq ¿negue'to' ca ỹo'ot sa ỹaỹamaxañi damaye? Ye aỹem qaica ca sanata lasouaxashet da huo'otaq naigui da qaỹauo'o ca nalaataguec. Aỹem choche samaxasoxoolec qome damaye da qaiuaxan, qaq qom ime, nache saxanec.

Marcos 15:15

Qaq so Pilato ye huotaique da qaica camachaqca na shiỹaxauapi, nache isouec so Barrabás. Ime, nache damaxasoxoolec da qaỹalaqan So Jesús qaira'a ca nalaqnaxanaxat. Ime, nache qaiuaxaneguet so npe'enaxaqui.

Hechos 16:37

Qalaxaye so Pablo 'enapegalo' soua huataxanaq lashe', 'eeta': –Qomi' maiche qomi' Roma lashe'. Qalaq soua nmit na nasouaxashetpi qomi' damaxasoxooleguete da qomi' qaiuaxa'n, 'enauac qomi' qaỹauaachiguilo, qamaq saxanaxa da qaỹaỹaten ca qarasouaxashet. Qataq qomi' qaỹamaxaiguilo ana ncoñetaxanaxaqui, qaq ¿nagui, qalaq qansheetaico' da choche qomi' qaỹo'oxochiitrañi da qomi' qausoire'c? ¡'A'i, saishet! No'on da npacai' caamaye, da yaqto' qomi' nqatre'c.

Isaías 53:5

Qalaxaye somaye qaique'emaqchet co'ollaxa souaxat da sa salaxasoq, qataq qailaxatta souaxat na qarasouaxashetpi, qalaxaye da nhuaxanaguec maye nque'etaxangui co'ollaxa qomi' ỹanema da nlagaxayec, qataq na lque'emaxapi co'ollaxa somaye ỹo'ot da qomi' no'oite'.

Lucas 6:37

So Jesús nataqa'en 'enapeco': Saishet da qanmichi ca lasouaxashet ca qarỹai, yaqto' Ñim Lo'onatac 'Enauacna, saishet da qami' nmi't. Qataq saishet da qauauo'oi ca nhuaxanaguec ca qarỹai, yaqto' Ñimaye saishet da ỹauo'o ca qanhuaxanaguiiqui. Qauapalaxache ca lasouaxashet ca qarỹai, yaqto' Ñim Lo'onatac 'Enauacna ỹapalaxat ca qarasouaxashechi.

Lucas 23:17

[Qaq so Pilato nache lataxac naxa da ivireuga ye naponaxac nache huo'o isouec ncoñeteguishec.]