Lucas 23:13 - La'aqtaqa Ñim Lo'onatac 'Enauacna 2013

¹³ Nache so Pilato lapona't so lataxala'pi na ntaxaỹaxanaxanecpi qataq nam lataxala'pi na shiỹaxauapi.

Nuevo Testamento Toba Sur

¹³ Nachi so Pilato lapona't so lataxala'pi na ntaxaÿaxanaxanecpi qataq som nataxala'pi qataq na shiÿaxauapi.

Nuevo Testamento Toba Sombrero Negro

¹³ Pilato yemata'a't ga'me lejaliaĝanaqa' ga'me tamenaĝaiqui lo'olpi, gaa'me p'ajodaye nataq'aen yema ga'me jiyaĝadipi,

Lucas 23:13 Referans Kwoze

Juan 18:38

Nache so Pilato 'enapego' Somaye, 'eeta': –¿Chaq negue't cam 'eesa lataxac? Qaq co'ollaq imat da lnataxanaxac so Pilato, nache qaltaq pa'auec da da'aqtaxanem so judiopi, 'eeta': –Aỹem saishet da huo'o ca sanata lasouaxashet de'era ỹale.

Marcos 15:14

Nache so Pilato inattaco' somayepi, 'eeta': –Aỹem qaua'aqtaxañim ¿negue't ca qauem ỹo'ot de'era ỹale? Qalaxaye so qalota shiỹaxauapi qaltaq na'axannec da la'alaxac, 'eeta': –¡'Auaxaneguet ca npe'enaxaqui!

Juan 19:4

Nache so Pilato qaltaq pa'auec, nache 'enapego' somayepi, 'eeta': –Ña qauloỹa, nagui damaye ñeqatec yaqto' ishet da qauaỹaañita da aỹem qaica ca sanata lasouaxashet damaye.

Lucas 23:35

Qaq 'enauac na shiỹaxauapi imeteetac Somaye qataq nam lataxala'pi namayepi ỹe'eetac, 'eeta': –Nca'alaxatec naxa ca lỹa. Qaq nagui, qaq no'on da maiche nca'alaxaala't, qom ỹoqta 'eesa da nacheñi ñi Nta'a Nca'alaxaqui maye lca'aguishec Ñim Lo'onatac 'Enauacna.

Lucas 24:20

Qalaxaye nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam maiche qarataxala'pi, ỹaneguet Somaye da nalaataguec qataq iuaxaneguet so npe'enaxaqui.

Juan 3:1

Huo'o so ỹale le'enaxat Nicodemo. Somaye ỹalectaigui na fariseopi qataq na lataxala'pi na judiopi.

Juan 7:26

Cha'aye damaye ỹataqta nachaxaata da detaqtac, qalaq qaica ca ishet da 'enapega da de'enaxaatai'. ¿Yo'oqta da nataqa'en peta'a na qarta'alpi maye qomi' ilotegueto da ỹa'amaqten damaye, da nachera dam Lca'aguishec Ñim Lo'onatac 'Enauacna?

Juan 7:48

¿Peta'a huo'o ca 'oonolec na qarataxala'pi, huo'otaq nam fariseopi, da huo'otaq ỹa'amaqten Somaye?

Juan 12:42

Qalaxaye ñaqaiyeta ỹataqta qalota na judiopi na ỹa'amaqten So Jesús, ivira'a nam ỹataqta 'amaqtaqaicpi. Qalaxaye namayepi saishet da ỹataqta nachaxaata, souaxat da ñe'etega na fariseopi da huo'otaq ỹamaqauec namayepi da huaigui ana napaxaguenaxaquipi,

Hechos 3:17

Qaq aỹem saỹaten, qami' ỹaqaỹa't, da co'ollaq qami' qataq nam qarataxala'aipi qaualauache So Jesús, qalaq saishet da ỹoqta qauaỹaañita dam qauo'ocheetac.

Hechos 4:5

Qaq so lỹa na'a'q, nache na lta'alpi na judiopi qataq na nqueroxonecpi maye nataxala'pi qataq na dapaxaguenataxaatapeguec na namaxasoxonaxacpi dataỹa't, huaña ye Jerusalén.

Hechos 4:8

Nache so Pedro maye ỹataqta nlaqchigui da la'añaxac So Saqcha'a Na'añaxac Qui'itta, 'enapeco': –Qami' maye qami' lta'alpi na judiopi, qataq qami' nqueroxonecpi maye nataxala'pi.

Hechos 13:27

Saỹatenaq da nam netaña ye nỹecpi ye Jerusalén qataq nam nataxala'pi saishet da ỹauatton se'eso Jesús. Na'aictaxa da 'enauaque naua mataxaqui' da itaxaỹaxaatrac ana lereguishe so na'aqtaxanaxanecpi, qalaxaye ñaqaiyeta saishet da tagui ye lauel da ana'ana nere ỹa'axattac So Jesús. Qaq ỹoqo'oye damaxasoxoolec da qaỹalauat Somaye, qaq sa ỹaỹaten de'era ỹo'ot, damaye ipacchigui da ỹa'axattac co'ollaxa so na'aqtaxanaxanecpi.