Lucas 23:10 - La'aqtaqa Ñim Lo'onatac 'Enauacna 2013

¹⁰ Qaq nataqa'en nachattauo nam lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi, namayepi ỹataqta qalota na ỹasaqteguelec da 'eetega lasouaxashet Somaye.

Nuevo Testamento Toba Sur

¹⁰ Qaq nataq'en nachattauo nam lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi, namayipi ÿataqta qalota na ÿasaqtapeguelec da 'eetega lasouaxashit somayi.

Nuevo Testamento Toba Sombrero Negro

¹⁰ Nach'e ena'am ueteda'a ga'me lejaliaĝanaqa jogaa'me tamenaĝaiqui lo'olpi nataq'aen joga'me judiopi napaĝaguenoqo'tpi jo'ne yepalatedapega da'me yechoĝo't ga'me e'n laviyaĝajet.

Lucas 23:10 Referans Kwoze

Hechos 24:5

Cha'aye qomi' selaqalec ñi'iñi ỹale da ỹataqta sa qomi' ỹalemaxa't. Ỹataqta coleetac ivirapiguiñi, nache ỹo'ot da qomi' judiopi ñepa'aguenaxa't. Ñimaye nacheñi ñim lataxala' na ỹalleppi qataq 'alpi nam le'enaxat Nazarenos.

Lucas 23:5

Qalaxaye somayepi ỹe'eguelaxalec da la'aqtac ỹataqta na'axannec, 'eeta': –Namaye ỹasouaxattega't na shiỹaxauapi maye netaña na Judea, souaxat da lapaxaguenataxanaxac. Chegoqchiguiña ye 'alhua Galilea, qaq nagui qataq nvitta'a ne'ena souaqta'a.

Lucas 23:2

Huaña, nache somayepi ỹauo'o na ỹasaqteguelec da 'eetega lasouaxashet Somaye, 'eeta': –Qomi' selaqalec de'era ỹale da ỹataqta taỹa't naqa'en na qarhuo' le'ecpi. Qataq 'eetega da saishet da sesheetenaq ñi lta'a na nta'alpi maye netaña ye Roma, qataq 'eetega da nachera dam Lca'aguishec Ñim Lo'onatac 'Enauacna.

Lucas 11:53

Qaq co'ollaq ca'ai so nỹec So Jesús, nache ca'attague' Somaye nam dapaxaguenataxaatapeguec nam namaxasoxonaxacpi qataq nam ỹalectaigui na fariseopi, nache qalota na lnataxanaxacpi.

Mateo 27:12

Nache som lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na shiỹaxauapi yem qanayeuta'a 'alhua ỹauo'o na ỹasaxalec lasouaxashetpi So Jesús co'ollaq datato'ot so Pilato, qalaxaye So Jesús saishet da ỹasat.

Lucas 23:9

Nache ỹataqta qalota na nnataxanaxacpi da inattac Somaye, qalaxaye So Jesús saishet da ỹasateguet.

Lucas 23:11

Nache so nta'a Herodes qataq so nalleppi ỹataqta ỹe'enai' So Jesús, nache lapaxalec so npo' ỹataqta qaica ca 'ena'am da lyac, 'eeta'am naqa'en ca nta'a. Qaq co'ollaq ime, nache qaltaq ỹe'eguelaxata so Pilato.