Lucas 22:8 - La'aqtaqa Ñim Lo'onatac 'Enauacna 2013

⁸ Nache So Jesús ỹama'q so Pedro qataq so Juan, nache 'enapegalo', 'eeta': –Qoqui qome, qauqataxañiỹai' cam qonoq na pe maye le'enaxat da Lapascua.

Nuevo Testamento Toba Sur

⁸ Nachi so Jesús ÿamaq so Pedro qataq so Juan, nachi 'enapegalo', 'eeta': –Qoquii qome, qauqataxañiÿai' cam qonoq qom qaiuennate so na'a'q mayi qanayica'ai yi Egipto.

Nuevo Testamento Toba Sombrero Negro

⁸ Jesús ye'uauaĝata ñe'me Pedro nataq'aen Juan, enaac: —Jamoyi auaqataĝañeta't ga'me qadiqui'yaĝac jo'ne yelo'teguet da'me qouenata nolo' jo'ne maqachaĝa Pascua.

Lucas 22:8 Referans Kwoze

Hechos 8:14

Nache soua Jesús lamaxa'she maye netraña ye Jerusalén co'ollaq ỹaỹate'n da na netaña ye 'alhua Samaria ỹa'amaqten da la'aqtac Ñim Lo'onatac 'Enauacna, nache qaỹamaxalo yemaye soua Pedro qataq so Juan.

Hechos 4:19

Nache so Pedro qataq so Juan 'ena'apo': –Maicheye qami' qauennataxañi da huo'otaq Ñim Lo'onatac 'Enauacna ishet da ỹaỹamaxareeta da qami' salaxasoxoleguete, qalqo' salaxasoxoguet Ñimaye.

Hechos 4:13

Nache so nta'alpi co'ollaq ila'a da so Pedro qataq so Juan ỹataqta sa ñe'erelec da ltaxaỹaxa'c, qataq ila'a da soomaye saishet da paxaguenaxaiqa, qataq nachena nam shiỹaxauapi maye choche huesoxoic, nache huo'o da la'aalaxa. Qataq qananomalo da soomaye ca'attrague' co'ollaxa So Jesús.

Hechos 3:11

Nache se'eso ỹale maye qanataren, somaye nache saishet da iỹotre'c soua Pedro qataq so Juan. Nache 'enauac na shiỹaxauapi nqalgoqta'a ca huetra'a soomaye maye le'enaxat nasom so Salomón, cha'aye ỹataqta huo'o da na'aalaxa, nache qaicoleesopa.

Hechos 3:1

Qaq huo'o so na'a'q, nache so Pedro qataq so Juan taresheguema aso no'onaxanaxaqui late'erai co'ollaq mashe dasheta aso nala', cha'aye nache laloxoqui da qaỹo'ot da qouagaxaunaxac.

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

Lucas 22:9

Nache soomaye denataxa'n, 'eetra': –¿Ca hua'ague ca 'auauotaique da sachaqa'ague camaye da seqataxanaqai'?

Hechos 3:3

Qaq se'eso ỹale co'ollaq ila'aguet so Pedro qataq so Juan da tairaua'a aso no'onaxanaxaqui late'erai, nache ỹashelata'ape.

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.