Lucas 22:63 - La'aqtaqa Ñim Lo'onatac 'Enauacna 2013

⁶³ Nache so shiỹaxauapi maye iuattague' So Jesús, ỹataqta ỹe'enai' Somaye qataq iuaxaatac.

Nuevo Testamento Toba Sur

⁶³ Nachi so shiÿaxauapi mayi iuattague' so Jesús ÿataqta ÿi'inai' somayi qataq iuaxaatac.

Nuevo Testamento Toba Sombrero Negro

⁶³ Gaa'me jiyaĝa'u jo'ne nauateda'a ca'li ñe'me Jesús ye'uetedac ca'li ñe'me nataq'aen ye'uaĝa'n.

Lucas 22:63 Referans Kwoze

Juan 18:22

Nache So Jesús co'ollaq 'enapec de'era, nache som 'oonolec som huataxanaqpi maye ilotague' aso no'onaxanaxaqui late'erai maye ỹalectauo, somaye iuaxanoigui na lashec So Jesús. Nache 'eetega, 'eeta': –¿Nache qoneteco' de'era da 'aua'aqtaxanem ñim lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna?

1 Pedro 2:23

Qataq co'ollaq qaisheueetac, qalaq saishet da ỹe'eguelaxata'aguet da nsheunaguec, qataq saishet da ỹasauaxattac som ỹo'otpi da nque'eenaxac. Nachaqrata da hua'aqta'a da Ñim Lo'onatac 'Enauacna da huapegue' qataq ilo'ogue, cha'aye Ñimaye nmit qome 'enauacna qataq ipagaqchiichigui ca lataxac.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Miqueas 5:1

Qalaxaye nagui 'am Jerusalén, ña 'auqataxanai' ca 'arpaqtaxanaxat, cha'aye mashe 'am qaicoleesop, qataq sa qaỹala'ac qome da qaiuaxan ñi lataxala' na Israel le'ecpi.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Isaías 52:14

Qaq dam 'eetec da qalota nam ỹa'aalac ñimaye, co'ollaq ỹauaachigui da sa nateneuo da lasheguiỹaxac, qataq deqat 'enauac dam lataxac cam shiỹaxaua,

Isaías 49:7

Ñim Nataxala' maye Ca'alaqtaxanaxaic, Ñim Qui'itta natamnaxala' na Israel le'ecpi, 'enapega na shiỹaxauapi maye ỹataqta saq qaiyacnapec, nam lqaigaxat na laỹepi shiỹaxauapi, nam l-latac co'ollaxa nam qaica ca ireetacpi Ñimaye, 'eeta': «Qom 'am ila'a na nta'alpi qataq nam 'amaqtaqaicpi, nache nachaañi qome qataq 'am ỹa'aroto naua l-llecte, cha'aye Aỹem Nataxala', maye Qui'itta natamnaxala' na Israel le'ecpi, 'am lleca'aguishec co'ollaxa, qaq sepacchigui qome nam sachaxanapecpi.»

Salmos 35:25

Qataq saishet qome da lhuennataxac, da 'eeta': «'Era da shenaqtapeguec» qataq da, 'eeta': «Ñimaye mashe qoroxonec.»

Salmos 22:13

qataq 'eeta'am da lchec ca llon da desoqo, nache ỹauachigui na alap da aỹem nqapaxanot.

Lucas 22:62

Huaña, nache pa'auec so Pedro, nache ỹataqta lta'araic da nnoinaxac.

Juan 18:19

Nache som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, somaye ichemaxattega So Jesús, denataxaatapegueque soua lapaxaguenataqa, qataq chaq 'eetec ca lapaxaguenataxanaxac Somaye.