Lucas 22:61 - La'aqtaqa Ñim Lo'onatac 'Enauacna 2013

⁶¹ Huaña, nache So Jesús namataique so Pedro, nache so Pedro tachigui lauel da la'aqtac So Jesús co'ollaq 'eeta': «Qomele qom nỹen ca 'olgaxa, qaq mashe tres qome da 'avi'eguelaxalec da 'anqoleguettac da qonetega da Aỹem sa 'auauatton.»

Nuevo Testamento Toba Sur

⁶¹ Huaña, nachi so qadataxala' nqoilga da ÿamato'ot so Pedro. Huaña, nachi somayi tachigui yi lauel da l'aqtac so qadataxala' co'ollaq 'eeta': “Qomele qome yaqta'a da noÿin ca 'olgaxa, qaq mashi tres qome da 'avi'iguelaxalec da 'anqolguet da qonetega da aÿim sa 'auauatton.”

Nuevo Testamento Toba Sombrero Negro

⁶¹ Chane'eja ñe'me Jaliaĝanec nejelec ca'li qama'le yelo'ta ñe'me Pedro, qama'le Pedro netouena queda'me ñe'me Jaliaĝanec joote yaqataĝanec da'me 'laqatac jo'ne enaac: “Nayi, qom maliaĝa ja noyen ñe'me olegaĝa, qama'le joote tres da'me jayem anematapec.”

Lucas 22:61 Referans Kwoze

Lucas 22:34

Qalaxaye So Jesús 'enapego' somaye, 'eeta': –Pedro, nagui 'am sa'aqtaxanem da ne'ena pe qom yaqta'a da nỹen ca 'olgaxa, nache 'am mashe tres qome da 'avi'eguelaxalec da 'anqoleguet da qonetega Aỹem sa 'auauatton.

Ezequiel 16:63

Qaq qom sapalaxat 'enauac nam 'auo'otpi, nache 'am 'auennate qome nam qauempi maye 'auo'otpi co'ollaxa, nache ỹataqta huo'o da 'ara'agaxa, qataq souaxat da qaica ca qonec, nache saishet qome da qaltaq 'avi'eguelaxa da 'autaqtac. Qaq 'era da ỹa'aqtac, Aỹem Nataxala'.»

Da na'aqtaguec so Job 33:27

Nache ca shiỹaxaua maiche nauattoola't da huo'o da lasouaxashet, nache, 'eeta': «Aỹem huo'o da ỹasouaxashet cha'aye ña'aqchet da ỹaỹamaqchiguiñi nataxac, qalaxaye saishet da qaỹo'ot ca ñeuaxanaguec,

Apocalipsis 2:5

Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.

Efesios 2:11

Nam judiopi da qami' iỹaxanalo qalaq, 'eeta': «Nam qaica ca na'anaxashet», qaq namayepi nloola't, 'eeta': «Nam huo'o na na'anaxashet», cha'aye namayepi ỹo'ot na la'anaxat na lo'oc. Qami' saishet da qami' judío lashe', ỹoqo'oye iuen da qauennachiỹa'a co'ollaq saxanaxa da qauacoñiiguet So Cristo qataq saishet da qaualliquiitaigui na Israel le'ecpi. Qataq saishet da qaualliquiiua'a da naỹamaxataxac qataq na ỹachaxanapec Ñim Lo'onatac 'Enauacna maye ỹo'otec na lalamaxatpi. Qataq qoviitalec co'ollaxa ana 'alhua qaica ca qanaquitaxaqui qataq saishet da qauauattoñi Ñim Lo'onatac 'Enauacna.

Hechos 5:31

Ñim Lo'onatac 'Enauacna ỹo'otec da So Jesús nso'oota'ague da aloic qataq ỹanagui da Nataxala', qataq Nca'alaxaqui, da yaqto' na Israel le'ecpi ỹaxaañi da ỹo'ottac na qauem, nache Ñim Lo'onatac 'Enauacna ỹapalaxa't naua lasouaxashe'ete.

Juan 13:38

Nache So Jesús 'enapego' somaye, 'eeta': –¿Ỹoqta 'eesa peta'a da 'am lhuotta da Aỹem 'aỹa'aalec da 'anachaalataxac? Qalaxaye Aỹem ỹoqta 'eesa de'era 'am sa'aqtaxanem nagui, da qom yaqta'a da nỹen ca 'olgaxa, qaq mashe sogote da ivi' tres da 'avi'eguelaxalec da qonetega Aỹem sa 'auauatton.

Lucas 10:41

Qalaxaye So Jesús ỹasategueto' asomaye, 'eeta': –Marta, Marta, ¿ta'ainco' ye ỹataqta 'aumatalec da 'arhuogoxo nam chochaqna? Huo'o da 'oonolec maye ỹataqta 'onaxaic. Qaq añi María lca'ateua'a, qaq damaye qaica ca ishet da nqat.

Lucas 7:13

Nache So Jesús co'ollaq ila'a asomaye, nache ỹataqta huo'o da lchoxonnataxanaxa, nache 'enapega, 'eeta': «Saishet da 'anỹen.»

Marcos 5:30

Nache So Jesús nomteueegue da jec so la'añaxac laỹe. Nache Somaye ỹamataigui so shiỹaxauapi, nache denataxan, 'eeta': –¿Negue't ca ipoteua'a na ipo'?

Mateo 26:75

nache so Pedro tachigui lauel da la'aqtac So Jesús co'ollaq, 'eeta': «Qom yaqta'a da nỹen ca 'olgaxa, qaq 'am mashe sogote qome da tres 'avi'eguelaxalec da qonetega da Aỹem sa 'auauatton.» Nache so Pedro pa'auec, nache ỹataqta nỹeetac, qataq ỹataqta lta'araic da laquicoxo.

Mateo 26:34

Nache So Jesús 'enapeco': –Pedro, 'am saishet da 'eesa de'era 'ara'aqtac; cha'aye qom yaqta'a da nỹen ca 'olgaxa, qaq mashe tres qome da 'avi'eguelaxalec da qonetega Aỹem sa 'auauatton.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

Lucas 7:19

da yaqto' ina't So Jesús da nacheso So Lca'aguishec Ñim Lo'onatac 'Enauacna huo'otaq da qaiuataique ca lỹa.

Lucas 22:60

Nache so Pedro 'enapeco': –Aque', aỹem sa saỹaten de'era 'aua'axattac. Nache co'ollaq ña detaqtac so Pedro, nache nỹen so 'olgaxa.

Lucas 22:62

Huaña, nache pa'auec so Pedro, nache ỹataqta lta'araic da nnoinaxac.