Lucas 22:52 - La'aqtaqa Ñim Lo'onatac 'Enauacna 2013

⁵² Ime, nache 'enapega som lataxala'pi nam ntaxaỹaxanaxanecpi qataq som huataxanaq maye ilotague' aso no'onaxanaxaqui late'erai, qataq som nqueroxonecpi maye lataxala'pi na judiopi maye anac da ñe'eguenauga Somaye da ỹauec, 'eeta': –¿Qami' qauanaqui, qanacheeta'ape naua qa'ainaqalli' qataq naua qanpo'oñilli', 'eeta'amo' da huo'otaq Aỹem cachaxaic?

Nuevo Testamento Toba Sur

⁵² Ime, nachi 'enapega som lataxala'pi nam ntaxaÿaxanaxanecpi qataq som ilotague'pi asom n'onaxanaxaqui late'edai, qataq som nquedoxonecpi mayi anac da ñi'iguenauga somayi da ÿauec, 'eeta': –¿Qami' qauanaqui, qanachiita'pe naua qainaqalli' qataq naua qanpo'ñilli', 'eeta'amo' da huo'otaq aÿim cachaxaic?

Nuevo Testamento Toba Sombrero Negro

⁵² Yem qama'le enapegalo gaa'me tamenaĝaiqui lo'olpi lejaliaĝanaqa, jogaa'me vitaĝayaqa jo'ne yelodelegue ga'me tamenaĝaiqui choqogaa'me 'yaĝaicachidipi, jo'ne nec'adeta ñe'me qaedi yeue'j: —¿Toqoch'e auanachiye' naa'me adedaĝanaqachidi' nataq'aen naa'me anepo'ñedi' da'me auanaeyiquena, ena'am ta'le jayem cachaĝaic?

Lucas 22:52 Referans Kwoze

Lucas 22:4

Nache somaye nqo'oneua'a da detaxaỹapegue' so lataxala'pi na ntaxaỹaxanaxanecpi, qataq so huataxanaqpi maye ilotague' aso no'onaxanaxaqui late'erai, nache naỹamaxate' somayepi da yaqto' ỹaneua'a somayepi So Jesús.

Hechos 5:26

Nache som lta'a na huataxanaqpi qataq soua ltau' je'c da ỹaconeua'alo soua Jesús lamaxa'she, qalaxaye saishet da ỹapac da sa iyacna'ape, cha'aye huo'o da lcolanaqa' na shiỹaxauapi da dalemataỹalo soomaye, nache qaỹasa'q na coma'.

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Mateo 26:55

Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.

2 Reyes 11:15

Qalaxaye so ntaxaỹaxanaxanec Joyadá, 'enapego' som lataxala'pi so alleppi, 'eeta': «Qaupa'axañiiuec ara'ara, qaq da huo'o ca nshetaique da itauan aramaye, nache qaualauache nataqa'en.» Qaq cha'aye so ntaxaỹaxanaxanec, 'enapega co'ollaxa somayepi da saishet da ỹalauat asomaye da huaigui aso atamnaxaqui maye lalamaqte Ñim Nataxala',

Mateo 26:47

Qaq co'ollaq ñaq detaqtac So Jesús, nache nvi' so Judas, som 'oonolec soua doce lapaxaguenataqa. Qaq somaye ỹataqta qalota so nnaictague' ỹalleppi na'atchigui na lainec qataq na npon 'epaq. Somayepi nache lamaxashecpi som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam nqueroxonecpi maye lataxala' na judiopi.

Lucas 22:37

Cha'aye Aỹem shenapec da ỹataqta iuen da ipacchigui qome da ña'aqtaguec maye ỹa'axa't naua ñiyigui'she la'aqtaqa Ñim Lo'onatac 'Enauacna maye 'eeta': «Nache qaỹalecnoigui nam 'etaxaloxoicpi camaye.» Cha'aye 'enauac nam ña'aqtaguec maye qoỹettañi, namaye iuen da ipacchigui.

Lucas 22:51

Qalaxaye So Jesús 'enapeco': –¡Qauaqaỹa'a, a'aye, nache tachiguiña! Nache So Jesús ipoteua'a ana ltela so namaxashec, nache nataren.

Lucas 22:53

Qami' soota'agueta soua na'axa'te añi no'onaxanaxaqui late'erai, qalaq ¿ta'ainco' ye saisheto' da Aỹem qauacoñiiua'a? Qalaxaye nagui mashe ivita ye laloqo' da qauo'onataxañi qataq da do'onataxan da la'añaxac na napalaxa.