Lucas 22:44 - La'aqtaqa Ñim Lo'onatac 'Enauacna 2013

⁴⁴ Qaq co'ollaq mashe ỹaguec da nque'eenaxac, nache qaltaq nquigaxattec da na'añaxataxac da nqouagaxaunaxac, nache na nchelchaxa maye anactac, 'eeta'ama naua ntago'q da ñeeleguete na 'alhua.]

Nuevo Testamento Toba Sur

⁴⁴ Qaq co'ollaq mashi ÿagueec da nque'ejnaxac, nachi qaltaq nquigaxatteec da n'añaxataxac da nqouagaxaunaxac, nachi na nchilchaxa mayi anactac, 'eeta'am na ntago'q, ÿataqta ñijlec na 'alhua.

Nuevo Testamento Toba Sombrero Negro

⁴⁴ Qama'le queda'me yataqachiñe yapadiñe da'me lachoĝodec, Jesús ma'ejama'le 'uo da'me 'nañaĝataĝac da'me netametac, qama'le naliñi ga'me najoĝoyaĝa ena'am ga'me tauo' ñitaĝae.

Lucas 22:44 Referans Kwoze

Lamentaciones 1:12

¡Qami' maye qoquiitague' na nqa'aic, ña qavia'axañeeguet da qarqueuoxoqui nache qauenntaxañeelec, da huo'otaq huo'o ca qui'ic da 'eeta'am dam ñequi'ic, maye ỹauo'o da ỹataqta lta'araic ñeque'eenaxac! ¡Ñim Nataxala' co'ollaq 'eroigui da nnogoxonaxac nache aỹem namaxa de'era ñeque'eenaxac!

Hebreos 5:7

So Cristo co'ollaq hueta'a ana 'alhua, qalaq Somaye ỹataqta ỹaguec da nqouagaxaunaxac da nqouagaxaueetacot Ñim Lo'onatac 'Enauacna, qataq ỹataqta nỹeeto'ot qataq nachoxoreetacot da sa ivireguet qanqa'en da l-leuaxa, cha'aye Ñim Lo'onatac 'Enauacna huo'o da la'añaxac da yaqto' ỹo'ot damaye. Qalaxaye So Cristo ye nache 'eetai' naxa da laxaraic, nache Ñim Lo'onatac 'Enauacna ỹasateguet da nqouagaxaunaxac.

Romanos 8:32

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Juan 12:27

Qaq nagui ỹataqta lta'araic da ñeque'eenaxac, qataq sa saỹaten ca sheetec. Qaq Aỹem huo'o da iyaxa da shenapega Ñim Ita'a da saishet da Aỹem ỹasheneguet de'era ñeque'eenaxac. Qalaxaye Aỹem saishet da sheetec de'era, cha'aye Aỹem ñanaỹa ana 'alhua da so'ot ca 'eetapeguec Ñimaye.

Lucas 22:45

Qaq co'ollaq imat da nqouagaxaunaxac, nache ñesheguem da nqo'onalo soua lapaxaguenataqa. Nache co'ollaq ivitalo, nache ilaleguete da do'ochete' soomaye, souaxat da sa nalo'ogueta da laquicoqo'.