Lucas 22:38 - La'aqtaqa Ñim Lo'onatac 'Enauacna 2013

³⁸ Nache soomaye 'ena'apo': –'Am Qarataxala', 'enaua huo'oi naua dos qorainaqa. Nache Somaye 'enapeco': –A'aye, nache tachiguiña, qami' saishet da Aỹem qauaỹaañiguet.

Nuevo Testamento Toba Sur

³⁸ Nachi somayipi 'enapeco': –'Am qadataxala', 'enaua huo'oi naua dos ÿilonqa. Nachi somayi 'enapeco': –A'ayi, nachi tachiguiña.

Nuevo Testamento Toba Sombrero Negro

³⁸ Jogaa'me enapega't: —Jaliaĝanec, naajo' jauanaĝalo dojolqa daĝanaqa'te. Joñe'me 'yateguet: —¡Yaĝa, male da'me qadojaĝac!

Lucas 22:38 Referans Kwoze

Lucas 22:49

Qaq soua lapaxaguenataqa maye nnaictagueto So Jesús co'ollaq ỹauaachiguilo de'era qanayeuaigui, nache inattac Somaye, 'eeta': –'Am Qarataxala', ¿seloquiaxai' peta'a namayepi?

Juan 18:36

Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.

1 Pedro 5:9

Qanachaachiỹa'aguet da lcanaxanaxac, qataq qauauo'oi ca qarpi'iỹaxaqui Ñim Lo'onatac 'Enauacna qataq saishet da huo'o ca huaña da qauqolectaxañi. Cha'aye mashe qauaỹaañi da 'enauac ana 'alhua da huo'o nam quetague' So Cristo da nataqa'en huo'o da nque'eenaxac 'eeta'am da qoñiita.

1 Ts 5:8

Qalaxaye qomi' saishet da souaqtaigui na napalaxa, nachaqrata da souaqtaigui na yo'oqchiguiñi. Qaq ỹoqo'oye iuen da qolaqtot da ñeloqtec, qataq sauoqo'o da qarpi'iỹaxac Ñim Lo'onatac 'Enauacna qataq sauotaxac 'enauac na shiỹaxauapi. ¡Da qarpi'iỹaxac qataq da qarsoxoyec, damaye ishet da qomi' npaxaaleguete da npaxategueta naua qauema nhuennataxaco, 'eeta'am aca lpaqtaxanaqte ca ỹale alaataxaic! Qaq da saishet da seqoleguetaq de'era qarca'alaxa, nache damaye qomi' npaxaaleguete 'eeta'am aca aro'o alaataxaqui.

Mateo 26:51

Huaña, nache so 'oonolec soua lỹa't So Jesús, somaye nqatsheguem so lainec. Nache iquesoxouec aso ltela lỹa so lamaxashec so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna.

Lucas 22:36

Nache 'enapeco': –Nagui qalaxaye ca huo'o ca lachoxonaxaqui, qaq no'on da ỹache, nataqa'en cam alom laỹe'. Qaq cam qaica ca lainec, qaq no'on da imen ca lapo', ime, qaq desheenaxanaique camaye.