Lucas 22:36 - La'aqtaqa Ñim Lo'onatac 'Enauacna 2013

³⁶ Nache 'enapeco': –Nagui qalaxaye ca huo'o ca lachoxonaxaqui, qaq no'on da ỹache, nataqa'en cam alom laỹe'. Qaq cam qaica ca lainec, qaq no'on da imen ca lapo', ime, qaq desheenaxanaique camaye.

Nuevo Testamento Toba Sur

³⁶ Nachi 'enapeco': –Nagui qalaxayi ca huo'o ca lachoxonaxaqui, qaq no'on da ÿachi, nataq'en cam alom laÿi'. Qaq cam qaica ca lailonec, qaq no'on da imen ca lapo', ime, qaq deshijnaxanaique camayi.

Nuevo Testamento Toba Sombrero Negro

³⁶ Qama'le eetojo' da'me 'laqatac yanema: —Qalaĝaja nayi, qom 'uo jaga'me anaicauai, 'noota qom auachiyitac, nach'e ena'am ga'me aneje'niye; nataq'aen qom ja auañiya ga'me adedaĝanaĝachi, 'noota qom auemeñi ga'me adapotoi qaedi oquiyot.

Lucas 22:36 Referans Kwoze

1 Ts 3:4

Cha'aye co'ollaq ñaq qami' souaqta'agueta, qalaq qami' sa'axataqtapeguema da saxaigui na qalota qanque'eenaxaguesat. Qaq ipacchigui da seviraxaguet. Qaq de'era mashe qauaỹaañita.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

1 Pedro 4:1

Iuen da qami' lhuotte' da qanqui'ichiñi, qoñiita'am da 'eetec So Cristo da huo'o da nque'eenaxac co'ollaq hueta'a ana 'alhua. Cha'aye da qami' qanqui'ichiñi da qoñiita'am Somaye, nache saishet da qoquiito'ot da qauo'ocheetac na qarasouaxashechi.

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Mateo 10:10

qataq ca laỹe' ca qo'oqoi na nqa'aic. Qataq saishet da qauache caua qarashelchelli' qataq caua lỹa't qo'ogolli'. Cha'aye 'enauac na 'onataxanaxaicpi saishet da sa qoỹami' da lquia'axac.

Lucas 22:35

Nache So Jesús inatta'ape soua lapaxaguenataqa, 'eeta': –Se'eso na'a'q can qami' sama'q da saishet da qauauo'oi caua qarachoxonaxaquilli' qataq aca laỹe' aca qo'omi qataq caua qarapela'achilli', qaq ¿peta'a huo'o co'ollaxa ca qaviñiitaique? Nache soomaye 'ena'apo': –'A'i, qaica ca seuenaqtac.

Lucas 22:37

Cha'aye Aỹem shenapec da ỹataqta iuen da ipacchigui qome da ña'aqtaguec maye ỹa'axa't naua ñiyigui'she la'aqtaqa Ñim Lo'onatac 'Enauacna maye 'eeta': «Nache qaỹalecnoigui nam 'etaxaloxoicpi camaye.» Cha'aye 'enauac nam ña'aqtaguec maye qoỹettañi, namaye iuen da ipacchigui.

Lucas 22:38

Nache soomaye 'ena'apo': –'Am Qarataxala', 'enaua huo'oi naua dos qorainaqa. Nache Somaye 'enapeco': –A'aye, nache tachiguiña, qami' saishet da Aỹem qauaỹaañiguet.