Lucas 22:35 - La'aqtaqa Ñim Lo'onatac 'Enauacna 2013

³⁵ Nache So Jesús inatta'ape soua lapaxaguenataqa, 'eeta': –Se'eso na'a'q can qami' sama'q da saishet da qauauo'oi caua qarachoxonaxaquilli' qataq aca laỹe' aca qo'omi qataq caua qarapela'achilli', qaq ¿peta'a huo'o co'ollaxa ca qaviñiitaique? Nache soomaye 'ena'apo': –'A'i, qaica ca seuenaqtac.

Nuevo Testamento Toba Sur

³⁵ Nachi so Jesús denataxan, 'eeta': –Se'eso na'a'q can qami' sama'q da sa ishit da sauo'o ca qadachoxonaxaqui qataq aca laÿi' aca qodomi qataq caua qadapela'chilli', qaq ¿peta'a huo'o co'ollaxa ca qaviñiitac? Nachi soomayi 'ena'po': –'A'i, qaica ca seuenaqtac.

Nuevo Testamento Toba Sombrero Negro

³⁵ Yem qama'le Jesús yachimaĝatalo jogaa'me: —Ca'li ami jamaĝalo'te da'me adeuoĝoqui, qaga'te anaicauai, uotaĝa ta'le auachiyi ga'me aualiqui, uotaĝa ga'me adapela'chidi', ¿qo'li 'uo jogamaĝa auoviñetaque joca'li? Jogaa'me 'yadeteguet: —Aja'y.

Lucas 22:35 Referans Kwoze

Lucas 10:4

Saishet da qauache aca qo'omi qataq caua qarachoxonaxaquilli' qataq caua lỹa't qarapela'achilli'. Qataq saishet da huo'o ca qaumiilec da qoviita'a da qauquinaxañiitac na nqa'aic.

Lucas 9:3

Nache 'enapegalo' soomaye, 'eeta': «Saishet qome da huo'o ca qauache na nqa'aic. Saishet da qauache caua qarashelchelli' qataq ca qarachoxonaxaqui qataq ca qo'oqoi qataq aca qo'omi. Qataq saishet qome da huo'o ca ỹache' caua logo lỹa't.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Salmos 23:1

Ñim Nataxala' nacheñi ñi aỹem iuattague', qaica naqa'en ca seueetaique.

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Génesis 48:15

Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Lucas 22:34

Qalaxaye So Jesús 'enapego' somaye, 'eeta': –Pedro, nagui 'am sa'aqtaxanem da ne'ena pe qom yaqta'a da nỹen ca 'olgaxa, nache 'am mashe tres qome da 'avi'eguelaxalec da 'anqoleguet da qonetega Aỹem sa 'auauatton.

Lucas 22:36

Nache 'enapeco': –Nagui qalaxaye ca huo'o ca lachoxonaxaqui, qaq no'on da ỹache, nataqa'en cam alom laỹe'. Qaq cam qaica ca lainec, qaq no'on da imen ca lapo', ime, qaq desheenaxanaique camaye.

1 Reyes 11:22

Nache so faraón 'enapeco': ¿Ta'ainco' ye 'anshetaique da 'avi'eguelaxa ye 'ana'alhua? ¿Peta'a huo'o ca lỹa 'aueetaique ne'ena qoueta'a? Nache so Hadad 'enapeco': Qaica, qalaxaye 'am ñachoxoreetot da aỹem 'auasheeta qome da she'eguelaq.

2 Corintios 8:15

Cha'aye nache 'ena'ape naua nanettaleguete ana nere maye huetalec na la'aqtacpi Ñim Lo'onatac 'Enauacna maye 'eeta': «Cam qalota na lapoñiguishec, qalaq qaica ca lli'iỹoxot; qaq cam saq 'amaqtaq ca lapoñiguishec, qalaq qaica cam iueetaique.»