Lucas 22:31 - La'aqtaqa Ñim Lo'onatac 'Enauacna 2013

³¹ Nataqa'en 'enapeco' So Jesús: –Simón, Simón, maxatchaxa, ten so pa'aguenataxanaxaic mashe iỹaxanot Ñim Lo'onatac 'Enauacna qataq mashe qoỹami' da qami' ỹe'egue'n, huotaique da 'eeta'am naqa'en qami' na trigo da ichegoq.

Nuevo Testamento Toba Sur

³¹ Nataq'en 'enapeco' so qadataxala': –Simón, Simón, ña 'aula'a so Satanás mashi qami' iÿaxaneu'alo da 'ico' qami' ichigo'q, 'eeta'am naq'en da qaichigoq ca trigo.

Nuevo Testamento Toba Sombrero Negro

³¹ Nach'e ena'am enaac ñe'me Jaliaĝanec: —Simón, am jayatenaĝanaĝanec queda'me Satanás yepaquetapega da'me ami yadiyochiguilo, jetaque ami ee'tema ga'me trigo;

Lucas 22:31 Referans Kwoze

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

Zacarías 3:1

Ime, nache Ñim Nataxala' huaigui naqa'en so ỹauanaqchec, da aỹem ỹachaxana so Josué maye lataxala' na ntaxaỹaxanaxanecpi da qaitaxaỹapegue' Ñimaye. Somaye nachattañi datato'ot so piguem le'ec, maye lamaxashec Ñim Nataxala'. Qaq na aloic so Josué, nache huetaua'a so pa'aguenataxanaxaic da yaqto' ỹauo'o ca lasouaxashet somaye.

Apocalipsis 12:10

Nache sa'axaỹa so na'aqtac ỹataqta alam, chemqot na piguem, 'eeta': «¡Ñim Qarta'a maye Lo'onatac 'Enauacna nca'alaxatec na lalamaxatpi; qataq ỹachaxan da la'añaxac, qataq nachaqñita da Nta'a! Ñi Lca'aguishec Ñimaye, mashe do'onataxan, ilo'ogue 'enauac na huetalec ana 'alhua. Cha'aye so pa'aguenataxanaxaic mashe qaỹamaqauec na piguem, cha'aye ima'ape naua na'axa'te qataq naua pesa'ache, da nachattaua'a Ñi Qarta'a maye Lo'onatac 'Enauacna da ỹa'axattauo na 'eetega lasouaxashetpi na qarqaỹañicpi.

Amós 9:9

Cha'aye aỹem samaxasoxoolec qome da qaichegoq na Israel le'ecpi da ỹalectaigui na ỹotta'a't shiỹaxauapi, 'eeta'am da qaichegoq na trigo da qanqateua'a na lvi, qaq nache saishet da huo'otaq 'oonole ala aca naañi qanqa'en da talec na 'alhua.

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Lucas 10:41

Qalaxaye So Jesús ỹasategueto' asomaye, 'eeta': –Marta, Marta, ¿ta'ainco' ye ỹataqta 'aumatalec da 'arhuogoxo nam chochaqna? Huo'o da 'oonolec maye ỹataqta 'onaxaic. Qaq añi María lca'ateua'a, qaq damaye qaica ca ishet da nqat.

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Mateo 26:30

Qaq co'ollaq ime, nache do'onaxaata'ape, ime nache taresheguemec aso qaỹoqotcheguemec 'alhua maye nanqa' ana Olivo.

1 Corintios 5:5

qaq iuen da ñi'iñi ỹale qoỹaneguet so pa'aguenataxanaxaic. Da yaqto' na'aictaxa da so pa'aguenataxanaxaic nlaxaañi da lo'ocỹaxac ñimaye, qalaxaye dam saqcha'a lca'alaxa qanca'alaxatec qom ñe'eguelaq So Qarataxala' Jesús.

2 Corintios 2:11

Yaqto' so pa'aguenataxanaxaic saishet da huo'o ca llegueuo da shenaqta, cha'aye qomi' mashe saỹaanaqte' naua qauema 'eetapegueco.

Isaías 28:28

Qaq nachenata na trigo maye ishet da qaichegoq qalaxaye saishet da sa qaỹa'axaneguet, qataq ishet da pelec qanqa'en aca lasaxanna aca naigona da qaiỹotauga ana ala, qalaxaye saishet da dolagui qanqa'en.