Lucas 22:30 - La'aqtaqa Ñim Lo'onatac 'Enauacna 2013

³⁰ nache qami' ñeuanaxau', qataq qami' ñeỹomaxau' cam iquia'axala' qom mashe sootaigui ca ỹo'onataxanaxac, qataq nataqa'en qanso'oñiingui acam so'onaxaquipi maye ỹo'oxoraq, da yaqto' qanmichi nam llalaqpi soua doce llalqa so Israel.»

Nuevo Testamento Toba Sur

³⁰ yaqto' qami' ñiuanaxa'u, qataq qami' ñiÿomaxa'u cam iqui'axala' qom mashi sootaigui ca i'onataxanaxac, qataq nataq'en qanso'oñiingui acam so'onaxaquipi mayi ÿi'oxodaq, da yaqto' qanmichi nam llalaqpi som doce llalaqpi so Israel.

Nuevo Testamento Toba Sombrero Negro

³⁰ qama'le ami ñeuanaĝa'u nataq'aen ami ñiyomaĝa'u qom auajoyiyalegue di'me yiqui'yaĝala' qom novi' da'me yejaliaĝa qomle, nataq'aen oñiyañelo ga'me nejaliaĝaiqui qaedi ami nec'atenoqo't ga'me jiyaĝadipi jo'ne chiyoĝogueta dia'me doce c'oqo'te di'me Israel.”

Lucas 22:30 Referans Kwoze

Mateo 19:28

Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.

Mateo 8:11

Ỹataqta qana'axaỹaxañiichigui de'era shenapec: 'enauac naua pa'aiguelo ana 'alhua anac qome na shiỹaxauapi maye huo'o da lpi'iỹaxac Ñim Lo'onatac 'Enauacna, 'eeta'am da lpi'iỹaxac de'era ỹale. Namayepi ỹalegueua'a qome ca lta'araic lquia'axac Ñim Lo'onatac 'Enauacna qom qanayeetaigui da lo'onataxanaxac Ñimaye. Nso'ona'ai' da yaqto' lquia'axaua qome soua sachegoxosoxogueta Abraham, Isaac, qataq so Jacob.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Lucas 14:15

Qaq co'ollaq hua'aqchigui de'era som 'oonolec maye nso'ootañi datatalec so nquia'axala', nache 'enapega So Jesús, 'eeta': –Ỹataqta machiguiñi qome ca dequi'iỹapegueua'a ca nallec qom qanayeetaigui da lo'onataxanaxac Ñim Lo'onatac 'Enauacna.

Lucas 12:37

¡Ỹataqta huo'o qome da lta'araic lamaxayec ca camayepi qom huo'otaq ca na'aco' nvi' ca laiñi ca pe huo'otaq da mashe yo'oxoñitai', qalaxaye nache 'ena'am nlotauec camayepi! Qaq ỹataqta 'eesa qami' sa'axatema, da que'eca na'aco' 'enapega camayepi da nso'ooñi da datalec ca nquia'axala', qaq camaye qalaq huapegue' da ỹo'ot ca aloq.

Apocalipsis 19:9

Nache som namaxashec piguem le'ec aỹem 'enapega, 'eeta': «'Iyiñi qome de'era 'eeta': Ỹataqta machiguiñi 'enauac qome na qaicoyeguen da ỹalectaua'a ca nquia'axac da huaigui ca laronaxac Ñi Qagueta Llalec.» Nataqa'en aỹem 'enapega 'eeta': «'Era da la'aqtac Ñim Lo'onatac 'Enauacna, qaq Ñimaye saishet da datenataxan.»

Apocalipsis 4:4

Nataqa'en huo'oi soua veinticuatro lỹa't so'onaxaqui', maye coleesopa aso late'erai so'onaxaqui. Qaq soomaye nso'ootanguilo soua veinticuatro nqueroxonqa. Qaq se'esoua nqueroxonqa ỹaatrañi naua alogo maye qaica ca 'ena'am da lapagaqa', qataq naua naro'ol ndotec ana chegaqaigui na oro.

Salmos 49:14

'Eeta'am ana qagueta namayepi da qaỹauecta'a añi huachiqui, qaq de'era nleuaxa nache ỹauecta'a añimaye, huaña nache nlaguiñi da lo'ocỹaxac da huetangui añimaye, nache qaỹoqtalo naua 'onaxaiqa lma'ate lta'al, qaq na no'on da lataxac nache ilo'ogue namayepi da ñaq nte'eta.

2 Samuel 19:28

Qataq aỹem saỹaten da 'enauac so sachegoxoguet ita'alpi, da ỹataqta 'itchiguiñi da qaỹalauat, qataq 'auauaachigui 'am nta'a. Qaq aỹem maye aỹem 'aramaxashec, qalaq aỹem 'aỹaxana co'ollaxa da yaqto' aỹem 'arquia'axaua da 'auque'e. Qaq aỹem ye qaica ca shenec, nache ¿negue'to' taxa ca lỹa seỹaxanaique?

Mateo 5:3

Ñim Lo'onatac 'Enauacna ỹaalec da nqouagaxa nam ỹataqta imato'ot da lpi'iỹaxac Ñimaye, cha'aye namayepi huetaigui da lo'onataxanaxac Ñimaye da ilo'ogue 'enauacna.

2 Timoteo 2:12

da ña'añaxataxaguet na qanque'eenaxaguesat, nache ñeuanaqaua'a da lo'onataxanaxac Somaye. Qaq da shenaqtega da sa sauattonaq, nache Somaye nataqa'en 'enapec da sa qomi' ỹauatto'n.

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.