Lucas 22:26 - La'aqtaqa Ñim Lo'onatac 'Enauacna 2013

²⁶ Qami', qalaxaye saishet da nache qoñiitec de'era. Cha'aye ca 'oonolec da qoñiita da nshetaique da ỹo'oxoraq, nache camaye iuen da ỹe'enaxat da qaica ca la'amaqchec da ỹalectaigui na laỹepi. Qaq cam nataxala', camaye iuen da huapegue' na laỹepi.

Nuevo Testamento Toba Sur

²⁶ Qami', qalaxayi sa ishit da nachi qoñiitec de'eda. Cha'ayi ca 'oonolec da qoñiita da ÿi'oxodaq, qalaq camayi i'enaxat qome ca ña nsoqolec; qaq cam damaxasoxonapec, qalaq 'eeta'am qome ca chochi namaxashic.

Nuevo Testamento Toba Sombrero Negro

²⁶ Qalaĝaja queda'me mach'e ami, 'noota qom ja naq'aeta, dite da'me joñe'me jo'ne jetaque napacalo'te gaa'me laqaya'olqa 'noota da'me yaconeguet da'me ena'am ta'le 'naja, nataq'aen ñe'me jo'ne jetaque damaĝajoĝonac 'noota da'me naje'teguet da'me ena'am ta'le ch'e nalemaĝajet.

Lucas 22:26 Referans Kwoze

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

1 Pedro 5:3

Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.

Lucas 9:48

Nache 'enapegalo' soomaye 'eeta': «Da huo'o ca ỹaconeguet ca 'eeta'am ne'ena nogotolec, nache camaye Aỹem ỹaconeguet. Qaq da huo'o ca ỹaconeguet Aỹem, nache ỹaconeguet Ñim Lo'onatac 'Enauacna maye Aỹem namaq. Cha'aye ca ỹapactec qaica ca la'amaqchec 'enauac da qoñiita, qaq nacheca ca ỹataqta 'eesa da 'amaqtaqaic.»

Marcos 9:35

Nache So Jesús nso'ooñi, nache iỹaxanalo soua doce lapaxaguenataqa, nache 'enapegalo, 'eeta': «Da huo'o ca 'oonolec da qoñiita da huotaique da 'amaqtaqaic, nache camaye iuen da hueta'a ca pa'atec ndaqa', qataq nacheca ca lamaxashec na laỹepi.»

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Mateo 20:26

Qalaxaye da qoñiita, saishet qome da qoñiitec de'era, nachaqrata da huo'o ca nshetaique da 'amaqtaqaic, nache camaye iuen da huapegue' na laỹepi.

Marcos 10:43

Qalaxaye da qoñiita, saishet qome da qoñiitec de'era. Nachaqrata da huo'o ca nshetaique da 'amaqtaqaic, nache camaye iuen da huapegue' na laỹepi,