Lucas 22:19 - La'aqtaqa Ñim Lo'onatac 'Enauacna 2013

¹⁹ Qaq co'ollaq ime, nache ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache icolaxachigui, nache ỹanoiguilo soomaye, nache 'enapeco': «'Ena na maiche ỹo'ocỹaxac maye qoỹaneguet da nalaataguec, souaxat da qoñiita. Qaq qauo'ocheetaco' qome damaye, yaqto' saishet da Aỹem qaucoviỹa'ai.»

Nuevo Testamento Toba Sur

¹⁹ Qaq co'ollaq ime, nachi ÿacona aso pan, nachi ÿanot da n'achic ñi Dios. Ime, nachi icolaxachigui, nachi ÿanoiguilo soomayi, nachi 'enapeco': –Ana'ana pan nachi naigui da i'oquiaxac mayi qoÿanguet da nalaataguec, souaxat da qoñiita. Qaq qau'ochi qome damayi, yaqto' sa ishit da aÿim qaucouaÿa'ai.

Nuevo Testamento Toba Sombrero Negro

¹⁹ Yem qama'le yacona ga'me pan; ca'li joote yanem da'me lamaic ñe'me Dios, yecolaĝatapiye gaa'me qama'le yanouelo jogaa'me, enaac: —Jenjo' mach'e laloĝoiqui qoyen jena'me yapat, jo'ne qoyanoue da'me leleuaĝa qa'a jouaĝat ami. Auauoyi da'me dojo' qaedi nach'e eta't jayem auenachetapega.

Lucas 22:19 Referans Kwoze

1 Corintios 10:16

Da lquia'axac So Qarataxala' naxa da ñeỹomaxagui aso ỹomaxaqui qataq da seỹaxanaqot Ñim Lo'onatac 'Enauacna da ỹaalec da lqouagaxanaqtaic, nache 'enauac da shenaqta ñeuanaqaua'a da ltago'qỹaxac So Cristo. Qataq naxa da ñecolaxataxañi aso nauole da sacheguenaq, nache nataqa'en ñeuanaqaua'a da lo'ocỹaxac So Cristo.

Lucas 22:20

Qaq nache ỹe'enaxatteguet nataqa'en aso ỹomaxaqui maye nlaqchigui na lataxa co'ollaq mashe ime da nquia'axac, nache 'eeta': –Ne'ena lataxa nachenaua naua itago'q maye huecolde'c, souaxat da qoñiita. Qataq naamaye nachenaua naua chegoqchiguilo da Ñim Lo'onatac 'Enauacna qami' naỹamaxatto.

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Salmos 111:4

Qataq ỹo'ot da nhuennataxat da llo'oxoyec. Ñim Nataxala' ỹataqta hualaxaunaxaic qataq choxonnataxanaxaic.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Gálatas 1:4

So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Lucas 24:30

Nache co'ollaq mashe nso'ootrañi soomaye da datatralec so nquia'axala', nache So Jesús ỹacona aso nauole 'ayiiña da nqouagaxaueelec. Ime, nache ỹanoiguilo soomaye.

Mateo 14:19

Qaq co'ollaq mashe ime da 'enapega na shiỹaxauapi da nso'ooñi, nso'oolec na 'auaqpi darala, nache So Jesús ỹaconalo soua cincole nauole 'ayiiña qataq soua dos nỹaxaye, ime, nache ỹamato'ot na piguem, nache ỹanot da na'achecỹaxac Ñim Lo'onatac 'Enauacna. Ime, qaq ncolaxaayiñi soua nauole, nache ỹanema soua lapaxaguenataqa da yaqto' soomaye ỹanoigui so shiỹaxauapi.

Juan 6:23

Qaq huo'oi soua lỹa't nllocta, chegoqra'a ye Tiberias, nvira yem saqaỹapeque yem huaña co'ollaq qanallecta'ape soua nauole, co'ollaq ime da ỹan da na'achec so Nataxala'.

Lucas 22:17

Nache ỹacona asom ỹomaxaqui. Ime, nache ỹanot da na'achec Ñim Lo'onatac 'Enauacna. Qaq co'ollaq ime, nache 'eeta': –Qauacoñiiguet ana'ana ỹomaxaqui, nache qanỹomiigui. Ime, nache ñi 'oonolec da qoñiita ỹami' ca lỹa.

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

1 Ts 5:18

Na'aictaxa da huo'o na qami' hueleguete, qalaxaye nache 'ena'am qaỹa'añiitacot da qana'achecỹaxaqui Ñim Lo'onatac 'Enauacna. Cha'aye nachera da 'eetapeguec Ñimaye da qoñiita, cha'aye mashe qaua'amaqchiñi So Cristo Jesús.

Daniel 2:38

qataq da 'aulo'ogue 'enauac na 'alhuapi maye hueta'a na shiỹaxauapi, shiguiỹacpi qataq na maỹopi, Ñimaye 'am ỹanem 'am nta'a, da 'aulo'ogue 'enauac namayepi, maye nache 'am nqaic, maye nda'a't oro.

Ezequiel 37:11

Qaq huaña nache Ñim Nataxala' aỹem 'enapega, 'eeta': «Na nhuo' Israel le'ecpi, namayepi 'eeta'am ne'ena npi'inecpi. Namayepi 'enapec naxa: Naua qarpi'inaqa ỹataqta deqaqte', mashe qaica ca qanaquitaxac, qataq mashe seqataq.

Mateo 15:36

Ime, nache ỹaconalo soua siete nauole 'ayiiña qataq soua nỹaxaye, nache ỹanot da na'achecỹaxac Ñim Lo'onatac 'Enauacna. Ime, nache ncolaxaayiñi, nache ỹanema soua lapaxaguenataqa. Qaq soomaye nache ỹanoiguilo so shiỹaxauapi.

Ezequiel 5:5

Qaq 'era da la'aqtac Ñim Nataxala', 'eeta': ¡'Ena na huaqta'a't nỹecpi na Jerusalén! Qaq nachaỹem da sanangui co'ollaxa na laiñi na nhuo' le'ecpi qataq na ỹotta'a't shiỹaxauapi.